მეცნიერები მენოპაუზაზე გამარჯვებას ხელოვნური კვერცხუჯრედებით შეეცდებიან
აღარ დასჭირდეთ. მათ შვებად ხელოვნური, ლაბორატორიაში გამოყვანილი საკვერცხეები მოევლინება. ცნობილია, რომ ჩანაცვლებითი, ჰორმონული თერაპია, რომელიც ესტროგენების უკმარისობის აღმოსაფხვრელადაა მოწოდებული, გულის დაავადებებისა და სარძევე ჯირკვლის კიბოს რისკს ზრდის.
უეიკ ფორესტის რეგენერაციული მედიცინის ინსტიტუტის თანამშრომლების მოსაზრებით, ხელოვნურად შექმნილი საკვერცხეები, ჰორმონულ თერაპიაზე უფრო ეფექტური და უსაფრთხო იქნება. მათ შეეძლებათ ძვლების, საშვილოსნოსა და სხეულის ზოგადი მდგომარეობის გაუმჯობესება. ამ მოსაზრების მტკიცებულებად მეცნიერებმა ვირთხებზე ჩატარებული ექსპერიმენტის შედეგები წარმოადგინეს. საკვერცხეები გამოიმუშავებდნენ ჰორმონებს ბუნებრივი გზით, სხეულის რეალურ მოთხოვნილებაზე დაყრდნობით, რაც გადაჭარბებულ დოზირებას გამორიცხავს.
ხელოვნური საკვერცხის მისაღებად, მეცნიერებს მოუხდათ ვირთხის საკვერცხიდან ორი ტიპის უჯრედის (გრანულოზური და თეკა-უჯრედები) იზოლირება. კაფსულის სახით გამოიყენებოდა თხელი მემებრანა. კაფსულის იმპლანტაციას ახდენდნენ იმ ვირთხებში, რომელთაც არ ჰქონდათ საკვერცხე. ამ ცხოველების მონაცემებს ადარებდნენ ნორმალურ, ასევე, იმ მღრღნელების მონაცემებთან, რომლებსაც დიდი და მცირე დოზირებით ჰორმონულ პრეპარატებს აძლევდნენ. მეცნიერებს აინტერესებდათ სხეულის ზოგადი, ძვლების და საშვილოსნოს მდგომარება. ცნობილია, რომ უფუნქციო საკვერცხეების შემთხვევაში ხდება ცხიმის დაგროვება და წონის მატება. ამიტომ წარმატებად შეიძლება ჩაითვალოს ის ფაქტი, რომ ხელოვნური საკვერცხის პირობებში, ნაკლებად აღინიშნებოდა წონაში მატება, ვიდრე მცირე დოზებით ჰორმონოთერაპიისას.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ცნობილია, რომ ესტროგენების დეფიციტი ხელს უწყობს ოსტეოპოროზისა და მოტეხილობების განვითარებას. ხელოვნური საკვერცხეების მქონე ვირთხებში, ძვლის ქსოვილი უკეთეს მდგომარებაში იყო, ვიდრე იმ მღრღნელებში, რომლებიც ჰორმონულ თერაპიაზე იყვნენ. რაც შეეხება შარდსასქესო სისტემის მუშაობას, საკუთარი და ხელოვნური საკვერცხეების მქონე ვირთხების საშვილოსნოს მდგომარეობა იდენტური იყო.
მეცნიერები აღნიშნავენ, რომ ქალებმა უნდა გადაინერგონ დონორის უჯრედები და კაფსულაც უნდა იყოს ისეთი, რომ ჟანგბადი და საკვები ნივთიერებები მასში თავისუფლად აღწევდეს, რაც ხელს შეუწყობს იმპლანტის შენარჩუნებას.
ლალი ჩხიკვაძე
