რომელი 10 პროდუქტი გვეხმარება სწრაფად დაძინებაში
ამის შესახებ იუწყება Fox News.
დიეტოლოგი ბრინ მაკდაუელი გვთავაზობს რაციონში დავამატოთ ნუში. „ნუში ჰორმონ მელატონინის წყაროა, რომელიც არეგულირებს ადამიანის ბიოლოგიურ საათს და გვაწვდის დაძინების სიგნალს. კვლევები აჩვენებს, რომ მელატონინით მდიდარი პროდუქტები ხელს უწყობს ჩვენი ორგანიზმის ძილის ციკლის გაუმჯობესებას“ - აღნიშნავს დიეტოლოგი.
დიეტოლოგი კეილი მაკმორდი ამ ნუსხას ნიგოზს უმატებს, რომელიც მდიდარია მელატონინით, სეროტონინითა და მაგნიუმით.
დიეტოლოგი ამანდა კ. მილერი აღნიშნავს, რომ ბანანი შეიცავს ნახშირწყლებს, ტრიფტოფანს და მელატონინს და ასევე ხელს უწყობს სწრაფად ჩაძინებას. ამას გარდა, დამამშვიდებელი პროდუქტების სიაშია ლავანდისა და გვირილას ჩაი, რომელიც მოდუნებაში და სტრესის დაქვეითებაში ეხმარება ორგანიზმს.
სპეციალისტები ასევე გვირჩევენ ყურადღება გავამახვილოთ ალუბლის წვენზე, შვრიის ფანტელზე, ორაგულზე, კვერცხზე, ავოკადოსა და კივიზე.