მხედველობის დარღვევები - მკურნალი.გე

რუბრიკები

ოჯახის მკურნალის ანონსი

დეკემბერი 2020

მხედველობის დარღვევები

მხედველობის დარღვევები
თვალისა და მისი ფუნქციის უდიდეს მნიშვნელობას ჩვენში ასეთი გამოთქმით გამოხატავენ: “თვალისჩინივით ძვირფასი”. მხედველობის წყალობით ხომ ადამიანი სამყაროს მშვენიერებას შეიგრძნობს და საკუთარ განწყობასა თუ სულიერ მდგომარეობასაც გამოხატავს.
ამიტომ გასაკვირიც არ არის, რატომ აღიქვამენ ადამიანები გრძნობათა ორგანოებს შორის ყველაზე მწვავედ სწორედ მხედველობის დაქვეითებასა და საზოგადოდ, თვალთან დაკავშირებულ პრობლემებს.


ფაქტები


  • გლობალურად, განვითარებულ ქვეყნებში მხედველობის დაქვეითების ძირითადი მიზეზი - არაკორექტირებული რეფრაქციის ანომალიებია, საშუალო და მაღალი დონის ქვეყნებში კი - კატარაქტა.
  • მხედველობის დაქვეითება მსოფლიოში 285 მილიონამდე ადამიანის პრობლემაა, მათგან 39
    მილიონს სერიოზულად აქვს თვალისჩინი დაზიანებული, 246 მილიონს კი - მხედველობის სხვადასხვა ხარისხის დაქვეითება აღენიშნება.
  • სტატისტიკის თანახმად, მხედველობადაქვეითებული მოსახლეობის 90% დაბალი განვითარების ქვეყნების მცხოვრებია.
  • 50 წელი და ზემოთ - ის ასაკობრივი ჯგუფია, რომლისთვისაც მხედველობის დაქვეითება ყველაზე მწვავე პრობლემაა, ისინი საერთო მაჩვენებლის 82%-ს შეადგენენ.
  • რისკფაქტორებია ინფექციური დაავადებებიც, თუმცა, უკანასკნელი 20 წლის მონაცემთა მიხედვით, ამ მიზეზით გამოწვეული
    მხედველობის დაზიანება მნიშვნელოვნადაა შემცირებული.
  • ცნობილია, რომ მხედველობის დაქვეითების 80%-ის პროფილაქტიკა და მკურნალობაც შესაძლებელია.


მხედველობის ხარისხი

დაავადებათა საერთაშორისო კლასიფიკაციის მიხედვით, მხედველობის 4 ტიპის ხარისხია დადგენილი:

I - ნორმალური მხედველობა;
II - მხედველობის ზომიერი დაქვეითება;
III - მხედველობის მძიმე დაქვეითება;
IV - სიბრმავე.


მხედველობის დაქვეითების მიზეზები

1. რეფრაქციის არაკორექტირებული ანომალიები: ახლომხედველობა, შორსმხედველობა და ასტიგმატიზმი - 43%;
2. არანაოპერაციები კატარაქტა - 33 %;
3. გლაუკომა - 2 %;
4. სხვადასხვა მიზეზებით გამოწვეული მხედველობის დაქვეითება - 22 %.


რისკჯგუფები


  • 50 წლისანი და ზემოთ. ეს ასაკობრივი ჯგუფი დედამიწის მოსახლეობის 20%-ს შეადგენს, შესაბამისად, ასაკის მატებასთან ერთად მატულობს მხედველობის დაქვეითების მქონეთა რიცხვიც, გამოწვეული, ძირითადად, თვალის ქრონიკული დაავადებებითა და ბიოლოგიური დაბერებით.
  • ბავშვები 15 წლამდე. დღევანდელი მონაცემით, 19 მილიონამდე ბავშვს ახასიათებს მხედველობის დაქვეითება. მათგან 12 მილიონში ეს რეფრაქციის ანომალიითაა გამოწვეული, ამ მდგომარეობის დიაგნოსტიკა და კორექცია სადღეისოდ პრობლემა აღარ არის.


მხედველობის დაქვეითების სიხშირის კლების მიზეზები

უკანასკნელი 20 წლის მანძილზე, 1990-იანი წლებიდან მოყოლებული, მთელ მსოფლიოში მხედველობის დაქვეითების სიხშირემ საგრძნობლად იკლო, რაც რამდენიმე მიზეზით აიხსნება:

  • სპეციალისტის მომსახურება გაცილებით ხელმისაწვდომი გახდა.
  • გაიზარდა და ამაღლდა პრობლემის ადრეული ამოცნობისა და დიაგნოსტიკის დონე, რაც წარმატებული მკურნალობის საწინდარია.
  • ბევრ ქვეყანაში სახელმწიფო დონეზე ხორციელდება სამედიცინო პროგრამები, რომლებიც მხედველობის დაქვეითების ადრეულ პროფილაქტიკასა და მკურნალობას ითვალისწინებს.
  • მნიშვნელოვნად შემცირდა ინფექციური დაავადებებით გამოწვეული მხედველობის დაქვეითება.

ჩამოთვლილ მიზეზთა მიუხედავად, მხედველობის ადრეული დაქვეითება და მასთან დაკავშირებული პრობლემები მაინც საკმაოდ აქტუალური სამედიცინო პრობლემაა, რამდენადაც, საყოველთაო კომპიუტერიზაციისას, მხედველობის დაქვეითების ზოგადი მაჩვენებლის კლების ფონზეც კი, ახალგაზრდა ასაკში თვალსა და მის ფუნქციასთან დაკავშირებულმა უსიამოვნებებმა საგრძნობლად იმატა.
გააკეთეთ კომენტარი
კომენტარი არ გაკეთებულა
მსგავსი სიახლეები
რა არის ასტიგმატიზმი ასტიგმატიზმი რეფრაქციის (თვალის შუქმტეხი აპარატის) ანომალიაა,
05-02-2019
დიეტოლოგია
ნიგოზი გულისთვის განსაკუთრებულად სასარგებლო პროდუქტადაა აღიარებული.
ღვიძლი ის ორგანოა, რომელიც მრავალ, მნიშვნელოვან ფუნქციას ასრულებს. ამიტომ მის დასაცავად ყველაფერი უნდა გავაკეთოთ.
კატეგორიის სხვა სტატიები
ჰარვარდის სამედიცინო სკოლისა და კეიოს უნივერსიტეტის მეცნიერებმა შეისწავლეს, თუ როგორ მოქმედებს დაბალნახშირწყლოვანი დიეტა
თვალზე, სხვა ორგანოების მსგავსად, შესაძლებელია სხვადასხვა დაავადება განვითარდეს. ოკულისტების პრაქტიკაში ყველაზე ხშირი, ტიპური ჩივილია:
"ნიუ ჰოსპიტალსის" ოფთალმოლოგიის ეროვნულ ცენტრში, რომელიც მომხმარებლებს მომსახურებების
ექიმსა და პაციენტს შორის ურთიერთდამოკიდებულება და კომუნიკაცია ცენტრალური პრობლემაა კლასიკურ სამედიცინო ეთიკაში.
დიაბეტური რეტინოპათია თვალის ბადურას სისხლძარღვების ყველაზე გავრცელებული დაავადებაა.
რუსეთის მეცნიერებათა აკადემიის ბიოქიმიური ფიზიკის ინსტიტუტის თანამშრომლებმა 14-წლიანი კვლევს შედეგები გამოაქვეყნეს.
შაქარი და ცხიმები წარმოადგენს ძირითად საწვავს, რომელიც კვებავს სხეულის თითოეულ უჯრედს.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად