მარიამ ფოლადაშვილი

უძილობის მკურნალობა შეიძლება მოიცავდეს ცხოვრების წესის კორექტირებას და მედიკამენტებს.

ძილი მნიშვნელოვან როლს ასრულებს გულის ჯანმრთელობაში, ხელს უწყობს გულის ჯანმრთელობას და სისხლძარღვების აღდგენას, ამიტომ უძილობამ შეიძლება გაზარდოს გულ-სისხლძარღვთა პრობლემების რისკი.

როგორ მოქმედებს ძილი გულზე

ძილი ხელს უწყობს სასიცოცხლო ორგანოებისა და სხეულის სისტემების მუშაობას.

ძილის დროს ბევრი რამ ხდება, რაც სასარგებლოა გულისთვის. ეს მოიცავს:

• გულისცემის რეგულირება;
• არტერიული წნევის დაწევა;
• სტრესის ჰორმონების მართვა;
• ინსულინის და სისხლში შაქრის რეგულირება;
• უჯრედებისა და ქსოვილების აღდგენა
• როგორ მოქმედებს ძილის ნაკლებობა გულზე

ხანგრძლივი უძილობა ზრდის სტრესს და შფოთვას, რაც დროთა განმავლობაში ძაბავს გულ-სისხლძარღვთა სისტემას. ეს განსაკუთრებით შემაშფოთებელია იმ ადამიანში, რომელსაც უკვე აქვს ისეთი მდგომარეობა, როგორიცაა მაღალი წნევა.

თუ კარგად არ გძინავთ, სტრესის ჰორმონები შეიძლება დაგროვდეს და გამოიწვიოს ანთება. ეს ხელს უწყობს ნადების დაგროვებას სისხკძარღვებში, რაც გულის პრობლემების რისკ-ფაქტორია.

ძილი ხელს უწყობს ჰორმონების რეგულირებას, რომლებიც აკონტროლებენ შიმშილს. ძილის ნაკლებობამ შეიძლება გამოიწვიოს ზედმეტი ჭამა. გარდა ამისა, დაღლილობამ შესაძლოა ნაკლებად აქტიური გაგხადოთ. ორივემ შეიძლება გამოიწვიოს წონისა და ინსულინის მიმართ რეზისტენტობის გაზრდა, რაც ზრდის დიაბეტის და გულის დაავადებების რისკ-ფაქტორია.

ძილის ნაკლებობა ხელს უწყობს ჯანმრთელობის პრობლემების განვითარებას, რაც, თავის მხრივ, ცნობილია, რომ ზრდის გულის დაავადების რისკს. ეს მოიცავს:

• წონის მომატება;
• სიმსუქნე;
• მარილის შეკავება;
• ანთებითი მარკერების ზრდა;
• ინსულინის მიმართ რეზისტენტობა;
• მაღალი წნევა

ახალგაზრდა, ჯანმრთელ ადამიანი შეიძლება ჰქონდეს მოკლევადიანი პრობლემა თუ კარგად არ სძინავს. თქვა პატელმა. ვინც ხანდაზმულია და აქვს თანმხლები დაავადებები, უძილობამ შეიძლება მეტად რთული პრობლემები გამოიწვიოს.

ძილის პრობლემები, რომლებიც გულის ჯანმრთელობაზე ახდენენ გავლენას:

ქრონიკული უძილობა - ბევრ ზრდასრულ ადამიანს დროდადრო უჭირს ძილი. ქრონიკული უძილობა არის, როდესაც გიჭირთ დაძინება და ეს გრძელდება კვირაში მინიმუმ 3 ღამე მინიმუმ 3 თვის განმავლობაში. დაავადებათა კონტროლისა და პრევენციის ცენტრების თანახმად, დროთა განმავლობაში, უძილობა დაკავშირებულია არტერიული წნევის პრობლემებთან და გულის დაავადებებთან.

ძილის აპნოე - ეს არის მდგომარეობა, როდესაც დაბლოკილი სასუნთქი გზები იწვევს ძილის დროს სუნთქვის ხანმოკლე პაუზებს. ძილის აპნოეს გამო ჟანგბადის ნაკლებობამ შეიძლება გაზარდოს მაღალი წნევის, გულის შეტევისა და ინსულტის რისკი.

ნარკოლეფსია - არის ძილის ქრონიკული დარღვევა, რომლის დროსაც ტვინი ებრძვის ძილისა და გაღვიძების ციკლების კონტროლს, რაც იწვევს ძილის დარღვევას და დღისით ძილიანობას.

ძილი მნიშვნელოვანია ფიზიკური და გონებრივი ჯანმრთელობისთვის. მოკლევადიან პერიოდშიც კი, ცუდმა ძილმა შეიძლება გამოიწვიოს:

• გაღიზიანება;
• კონცენტრაციისა და მეხსიერების პრობლემები;
• დღისით ძილიანობა და დაღლილობა;
• თავის ტკივილი;
• კუჭ-ნაწლავის სისტემის დარღვევები

გულის, ფილტვების და სისხლის ეროვნული ინსტიტუტის თანახმად, ქრონიკულმა უძილობამ შეიძლება გაზარდოს ჯანმრთელობის სხვა პრობლემების განვითარების რისკი ან გააუარესოს არსებული ჯანმრთელობის მდგომარეობა. ეს მოიცავს:

• შფოთვას;
• ქრონიკულ ტკივილს;
• ორსულობის გართულებებს;
• ანთებას;
• დასუსტებულ იმუნურ პასუხს