გასტროპარეზი - რა არის და როდის ვითარდება
ეს ხელს უშლის კუჭის სათანადოდ დაცლას. გასტროპარეზმა შეიძლება ხელი შეუშალოს საკვების მონელებას და გამოიწვიოს გულისრევა, პირღებინება და პრობლემები სისხლში შაქრის დონესთან დაკავშირებით .გასტროპარეზის განვითარების მიზეზი ხშირად უცნობია. ამ შემთხვევაში მას იდიოპათიური გასტროპარეზი ეწოდება. როდესაც გასტროპარეზი ვითარდება დიაბეტიან პაციენტებში, მას დიაბეტური გასტროპარეზი ეწოდება. ზოგიერთ ადამიანს გასტროპარეზი ოპერაციის შემდეგ უვითარდება. გასტროპარეზის მკურნალობის მთავარი მეთოდი დიეტის შეცვლა და შესაბამისი მედიკამენტების მიღებაა.
გასტროპარეზის გამომწვევი მიზეზი ხშირად გაურკვეველია, თუმცა მიიჩნევენ, რომ ხშირ შემთხვევაში, ის იმ ნერვის დაზიანების შედეგად ვითარდება, რომელიც აკონტროლებს კუჭის კუნთებს (ცთომილი ნერვი). ცთომილი ნერვი საჭმლის მომნელებელ ტრაქტში ბევრ რთულ პროცესს მართავს. ერთ-ერთია კუჭის კუნთებისთვის სიგნალის მიწოდება რათა შეიკუმშონ და საკვების წვრილ ნაწლავში გადასვლას შეუწყონ ხელი. დაზიანებულ ცთომილ ნერვს არ შეუძლია ამ სიგნალის გადაცემა, რამაც შეიძლება წვრილ ნაწლავში გადატანის ნაცვლად საჭმლის კუჭში დაყოვნება გამოიწვიოს.
ცთომილი ნერვი შეიძლება დააზიანოს დაავადებამ (დიაბეტი) ან კუჭზე და წვრილ ნაწლავებზე ჩატარებულმა ოპერაციამ. გარდა ამისა, გასტროპარეზი, უფრო ხშირია იმ პირებში, რომელთაც აქვთ იმ შემაერთებელი ქსოვილების დარღვევები, რომლებიც გავლენას ახდენენ ნაწლავის ნერვების ფუნქციაზე.
გასტროპარეზის ნიშნები და სიმპტომებია:
- პირღებინება, გულისრევა;
- მუცლის ტკივილი;
- სწრაფად დანაყრების შეგრძნება;
- მუცლის შებერილობა;
- სისხლში შაქრის დონის ცვლილება;
- მადის დაქვეითება;
- წონაში კლება და მალნუტრიცია.