სქრაბი მარწყვითა და მარილით - მარწყვში ბევრი С ვიტამინია, რომელიც ხელს უწყობს კბილის ნადების დაშლას. იგი სჯობს ღამით გამოვიყენოთ. 2-3 მარწყვი დასრისეთ და დაუმატეთ მწიკვი ზღვის მარილი. ფრთხილად წაისვით კბილებზე, გაიჩერეთ 5 წუთი და პირის ღრუში გამოივლეთ ცივი წყალი. ეფექტის გასაძლიერებლად შეიძლება დავუმატოთ ½ ჩაის კოვზი სოდა.
ქოქოსის ზეთი - იგი კბილების გათეთრების ერთ-ერთი უძველესი საშუალებაა. მასში შემავალი ლაურინის მჟავა კლავს ბაქტერიებს. 1 ჩაის კოვზი ქოქოსის ზეთი წაისვით კბილებზე და ღრძილებზე, დაიგუბეთ ზეთი პირის ღრუში 15 წუთის განმავლობაში. შემდეგ კბილები გამოიხეხეთ ჩვეულებრივი კბილის პასტით.
წყალბადის ზეჟანგით დამუშავება - შეიძლება პირის ღრუში ჩაიგუბოთ წყალბადის ზეჟანგი 10 წუთის განმავლობაში, ქაფის წარმოქმნამდე. ქაფი ხელს უწყობს კბილების გაწმენდას და ყვითელი ნადების დაშლას. გამოიყენეთ პრეპარატის 3%-იანი ხსნარი. ამ საშუალების ხშირმა ან გაუფრთხილებელმა გამოყენებამ შეიძლება გამოიწვიოს მინანქრის შეუქცევადი დაზიანება.
კბილის პასტისა და სოდის ნარევი - კბილის ჯაგრისზე წაუსვით კბილის პასტა და ზემოდან მოაყარეთ მცირე რაოდენობით სოდა. გამოიხეხეთ კბილები 5-7 წუთის განმავლობაში, შემდეგ პირის ღრუში გამოივლეთ ცივი წყალი.
ბანანის ქერქი - მასში არსებული მინერალების წყალობით, ის ეფექტურად ათეთრებს და ამაგრებს კბილებს. ბანანის ქერქის შიგნითა ზედაპირით 15 წუთის განმავლობაში გაიწმინდეთ კბილები. როდესაც კბილები დაიფარება ბანანის პასტით, გაიჩერეთ 10 წუთი და შემდეგ გამოიხეხეთ ჩვეულებრივი კბილის პასტით.
ვაშლი - ამ ხილში არის ვაშლის მჟავა, რომელიც ამაგრებს და ათეთრებს კბილებს. ვაშლის ხრაშუნა ფაქტურა ხელს უწყობს პირის ღრუში მავნე ბაქტერიების განადგურებას და კბილებიდან ლაქების მოშორებას.
ზეითუნის ზეთი - ზეითუნის ზეთში დასველებული ბამბის ტამპონით 10 წუთის განმავლობაში გაიწმინდეთ კბილები, შემდეგ გამოივლეთ წყალი.
ვაშლის ძმარი - 15 წუთის განმავლობაში თუ ვაშლის ძმრით გაიწმენდთ კბილებს, მოგშორდებათ ლაქები და კბილებს დაუბრუნდება ბუნებრივი ბრწყინვალება.
რძის პროდუქტები - რძე და რძის პროდუქტები ხელს უწყობს კბილის მინანქრის რემინერალიზაციასა და კარიესის პროფილაქტიკას. რძე და მაწონი ამაგრებს კბილებსა და ღრძილებს.
უშაქრო საღეჭი რეზინა - ქსილიტი ბუნებრივი დამატკბობელია, რომელიც კბილებს იცავს ნადებისგან.
უმი ისპანახი - მასში არსებული ანტიქოსიდანტების წყალობით, უმი ისპანახი ეფექტურად ასუფთავებს კბილებს და ანიჭებს ბუნებრივ ბრწყინვალებას.
ფორთოხლის ცედრა - შესანიშნავად მოქმედებს კბილებზე, წრიული მოძრაობით გაიწმინდეთ კბილები ფორთოხლის კანით.
სალბი - სალბის ფოთლებით კბილების გაწმენდით თავიდან აიცილებთ პირიდან უსიამოვნო სუნს და კბილებიც თეთრი და მბრწყინავი იქნება.
დაფნის ფოთოლი - დაფქვილი დაფნის ფოთოლი შეურიეთ ფორთოხლის ცედრას და მიიღებთ მძლავრ მათეთრებელ საშუალებას. წაისვით ეს ნარევი კბილებზე 10 წუთის განმავლობაში და შემდეგ გამოივლეთ წყალი.
წყალი - დღეში დალიეთ 10-15 ჭიქა წყალი, რათა პირის ღრუდან და ორგანიზმიდან გამოიდევნოს მავნე ბაქტერიები.
რეჰანი - რეჰანის ფოთლები კბილების მათეთრებელი ბუნებრივი საშუალებაა. თუ მას დავუმატებთ მდოგვის ზეთს და ამ ნარევით გავიწმენდთ კბილებს, ის გაამაგრებს კბილებს და შემატებს ბრწყინვალებას.
ხრაშუნა სტაფილო - უმი სტაფილო ბუნებრივ მათეთრებელ საშუალებად ითვლება. დაღეჭეთ სტაფილო, რომ შემცირდეს პირის ღრუში მჟავიანობა და pH- ბალანსი ნორმაში შენარჩუნდეს, რაც დადებითად იმოქმედებს კბილების სიმაგრესა და ღიმილების სილამაზეზე.
ალოე - ალოე ტოქსინების გამოდევნის ბუნებრივი საშუალებაა. შეურიეთ ალოეს წვენი გლიცერინს და 15 წუთის განმავლობაში გაიწმინდეთ კბილები. შემდეგ გამოივლეთ პირის ღრუში ცივი წყალი.
კურკუმა - დაფქვილი კურკუმა კბილების ერთ-ერთი საუკეთესო მათეთრებელი საშუალებაა. დაუმატეთ მწიკვი მარილი, ლიმონის წვენი, კარგად აურიეთ, წაისვით კბილებზე, გაიჩერეთ 15 წუთი და გამოივლეთ ცივი წყალი.
ლალი ჩხიკვაძე
