გულის დაავადებები და სტომატოლოგიური პრობლემები ბავშვებში
CDC-ის მიერ ჩატარებული კვლევის თანახმად, ბავშვებს, რომლებსაც გულის დაავადებები აქვთ, კარიესი, კბილის ტკივილი და ღრძილებიდან სისხლდენა უფრო ხშირად აღენიშნებათ.
მკვლევარებმა განაცხადეს, რომ პირის ღრუში არსებული ბაქტერიები სისხლში გადადიან. ბავშვებს, რომლებსაც გულის დაავადებები აქვთ, შესაძლებელია ინფექციური ენდოკარდიტი განუვითარდეთ.
ინფექციური ენდოკარდიტი არის ინფექციურ-ანთებითი დაავადება, რომელიც აზიანებს ენდოკარდიუმს, გულის სარქვლებს და მიმდებარე სისხლძარღვების შიგნითა გარსს. ენდოკარდიტთან ერთად ინფექციამ შეიძლება გამოიწვიოს თირკმელების, ღვიძლისა და ელენთის დაავადებაც.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ბავშვებში პრევენციულად სტომატოლოგთან ვიზიტი აუცილებელია. მათ დროულად უნდა ჩაუტარდეთ შემდეგი პროცედურები: კბილის გაწმენდა, რენტგენოგრაფია, დაპლომბვა და სხვ.
1-დან 17 წლამდე ასაკის ბავშვებისა და თინეიჯერების, დაახლოებით, 10%-ს, რომლებსაც გულის დაავადებები აქვთ, აღენიშნებათ სტომატოლოგიური პრობლემებიც . 17%-ს კი კარიესი და გაფუჭებული კბილები.
ამასთან, ხშირად გულის სამკურნალო მედიკამენტებიც აურესებს პირის ღრუს ჯანმრთელობას, ვინაიდან ისინი პირის სიმშრალეს იწვევს, რაც კარიესის განვითარებას უწყობს ხელს.
აუცილებელია ბავშვებმა საკმარისი რაოდენობის წყალი და ნაკლები ტკბილი, გაზიანი სასმელები დალიონ. სტომატოლოგთან დროული ვიზიტი კი დაიცავს თქვენი პატარების ჯანმრთელობას.
