როგორ მოვუაროთ პირის ღრუს - პირიდან უსიამოვნო სუნის ყველაზე ხშირი მიზეზები
და რა საშუალებები უნდა გამოვიყენოთ ამისათვის - ამ საკითხებზე გვესაუბრება კლინიკა " სმაილ ქეარი"-ს პაროდონტოლოგი, თერაპევტი - მარი ბუიღლიშვილი.
- რატომ არის მნიშვნელოვანი და რას გულისხმობს პირის ღრუს სწორი მოვლა?
პირის ღრუს სწორ მოვლაზე არის დამოკიდებული მისი ჯანმრთელობა, რაც გულისხმობს პროფილაქტიკას, ინდივიდუალური მოვლის საშუალებების სწორად შერჩევას და გამოყენებას. პროფილაქტიკაში იგულისხმება ყოველ 6 თვეში ვიზიტი სტომატოლოგთან პროფესიული წმენდის მიზნით. ამავე ვიზიტებზე ხდება მუდმივი კონტროლი, როგორც მაგარი ქსოვილების(კბილი,ძვალი), ასევე რბილი ქსოვილების (ღრძილი,პირის ღრუს ლორწოვანი). სტომატოლოგის მუდმივი კონრტოლი და ინდივიდუალურად შერჩეული ჰიგიენური საშუალებები განაპირობებს ჯანმრთელ პირის ღრუს. 
- რა არის პირის ღრუდან უსიამოვნო სუნის ყველაზე ხშირი მიზეზი?
პირის ღრუდან უსიამოვნო სუნის გამომწვევი ხშირად არის პაროდონტის ქსოვილების (კბილის ირგვლივ არსებული ქსოვილების)ანთება ,რომელიც გამოწვეულია პათოგენური ბაქტერიების მიერ.ანთებამ შეიძლება მოიცვას როგორც ღრძილი,ასევე ყბის ძვალი.ანთებითი ქსოვილები არის სისხლმდენი და ჩირქმდენი,შედდეგად პაციენტი აღნიშნავს უსიამოვნო სუნს პირის ღრუდან.
- რა არის პაროდონტოზი და პაროდონტიტი? როგორ დიაგნოსტირდება და როგორ მკურნალობენ?
პაროდონტოზი, როგორც დიაგნოზი ახალი კლასიფიკაციით აღარ არსებობს. ამ მდგომარეობას ეწოდება რეცესია (ღრძილის დაწევა და ფესვის გაშიშვლება) რომლის გამომწვევი სხვადასხვა ფაქტორი არსებობს.
1.კბილების აგრესიული ხეხვა
2.არასწორი თანკბილვა
3.მავნე ჩვევები
4.ლაგმების არასწორი მიმაგრება
5.ტრავმა ბრეკეტით,პირსინგით ან პროთეზით
მკურნალობა ყველა შემთხვევაში ქირურგიულად ღრძილის კორექციაა მიზეზის მოხსნის შემდეგ.
პაროდონტიტი არის პაროდონტის ქსოვილების (კბილის ირგვლივ არსებული ქსოვილების)ანთება,რომლის გამომწვევიც არის პათოგენური ბაქტერიები რომლებიც მრავლდებიან და გროვდებიან როგორც კბილის ზედაპირზე,ასევე ფესვის ზედაპირზე და იწვევენ ქსოვილების ათებას,რომელსაც თუ არ ვუმკურნალეთ კბილის დაკარგვამდე მივყავართ.პაროდონტიტის დიაგნისტირება ხდება სპეციალური ინსტრუმენით(ზონდი) ჯიბეების გაზომვით და ყბების რენტგენოლოგიური გამოკვლევით.მისი მკურნალობა გულისხმობს ბაქტერიული ბიოაპკის მოცილებას თანამედროვე აპარატებით, გელებით, საჭიროებისამებრ ანტიბიოტიკოთერაპიას.
- რას ნიშნავს პირის ღრუს სიმშრალე?
ადამიანს დღე-ღამეში ნორმაში 1,5ლ ნერწყვი გამოეყოფა. სიმშრალე ე.წ ქსეროსტომიის გამომწვევი მრავალი მიზეზი შეიძლება იყოს.ამ დროს არ გამოიყოფა ნერწყვი საკმარისი რაოდენობით.ნებისმიერ ადამიანს ნერვილობის დროს აღენიშნება ნერწყვდენის შემცირება.ქსეროსტომიის რამდენიმე ძირითად მიზეზს გამოყოფენ:ინტოქსიკაცია-ალკოჰოლი,ნებისმიერი ნარკოტიკი,პირით სუნთქვა და ხვრინვა,ზოგიერთი დაავადება,სინდრომი,მარილიანი საკვები,თამბაქო.
პირის ღრუს სიმშრალის მკურნალობა მდგომარეობს მიზეზის პოვნასა და მის აღმოფხვრაში.
მიიღეთ ბევრი წყალი, ისუნთქეთ ცხვირით, დაიცავით პირის ღრუს ჰიგიენა,ერიდეთ ალკოჰოლს,სიგარეტს,ცხარე და მარილიან საკვებს,ერიდეთ შაქრის შემცველ და გაზიან სითხეებს.
- რა საშუალებები არსებობს პირის ღრუს მოსავლელად?
სახლის პირობებში პირის ღრუს მოსავლელად მოწოდებულია ძალიან ბევრი საშუალებები, მათგან ძირითადი და სავალდებულოა: ჯაგრისი, პასტა, სავლები, ირიგატორი, კბილთაშორისი ჯაგრულა.
- როგორ უნდა გამოვიყენოთ ისინი?
ინდივიდუალურად უნდა შეარჩიოთ ჯაგრისი, პასტა, სავლების, საჭიროების შემთხვევაში კბილთაშორისი ძაფი (როდესაც კბილებს შორის სივრცეებში იჭედება საკვები მაგ:ვაშლი,ხორცი),კბილთაშორისი ჯაგრულა და ირიგატორი.
- როგორ შევარჩიოთ სწორად კბილის ჯაგრისი და კბილის სახეხი საშუალებები?
ჯაგრისის და პასტის შერჩევა ინდივიდუალურად ხდება. ძირითადად მოწოდებულია საშუალო სიხისტის ჯარგისები. წმენდის საშუალებების შემადგენლობაში მოზრდილებში სასურველია იყოს ნატრიუმის ქლორიდი (შოდიუმ ფლუორიდე) 1450-2500 პპმ/ფ, შტანნოუს ფლუორიდე, ნადების წარმოქმნის ხელშემშლელი და ანთების საწინააღმდეგო ტრიკლოსანი ან ალანტოილი. ეს შემადგენლობა უნდა მოძებნოს მსურვლმა შეფუთვაზე. პირის ღრუს სავლები მნიშვნელოვანია შეიცავდეს ეთერზეთებს, მენთოლს, ევკალიპტს.
- დღეში რამდენჯერ უნდა გავიხეხოთ კბილები?
როგორც დიდებმა, ასევე პატარებმა აუცილებელია ბკილები გაიწმინდონ დღეში 2-ჯერ, დილით საუზმის შემდეგ და საღამოს ძილის წინ.
- რამდენად ეფექტურია სხვადასხვა სავლებები პირის ღრუდან უსიამოვნო სუნის დროს?
სავლების ეფექტურობა დამოკიდებულია მის შემადგენლობაზე.სასურველია შეიცავდეს ეთერზეთებს:ევკალიპტი,მენთოლი,თიმოლი.მათ აქვთ ანტიმიკრობული ეფექტი,რაც განაპირობებს ლორწოვანის და ნერწყვის უნარს, ხელი შეუშალოს ბაქტერიების გამრავლებას და ანთების შემთხვევაში უსიამოვნო სუნის ნაწილობრივ ან სრულ აღმოფხვრას დამატებით სწორად შერჩეულ მკურნალობასთან ერთად.
- დღეს ძალიან აქტუალურია მეტალო-კერამიკული ხიდების ან იმპლანტების გვირგვინების ქვეშ დაგვროვებული საჭმლის ნარჩენებით გამოწვეული უსიამოვნო სუნი.რა უნდა გავაკეთოთ ასეთ დროს?
ასეთ დროს აუცილებელია სტომატოლოგმა ჩაატაროს პირის ღრუს წმენდა შესაბამისი აპარატებით, რომელიც აშორებს როგორც რბილ, ისე პიგმენტურ და მაგარ ნადებს ნებისმიერი კონსტრუქციის ზედაპირიდან და მის ქვეშ. სახლის პირობებში წმენდისთვის იდეალურია ირიგატორი და იმპლანტისთვის მოწოდებული სპეციალური ძაფები. (სუპერფლოსი)
- რას ურჩევთ ჩვენს მკითხველს,როგორც სტომატოლოგი? რა უნდა გაითვალისწინონ,რომ პირის ღრუ მოწესრიგებული ქონდეთ?
სტომატოლოგის მიერ პირის ღრუს მუდმივი კონტროლი და ინდივიდუალური ჰიგიენის წესების დაცვა სახლის პირობებში აუცილებელია ჯანმრთელი პირის ღრუს შენარჩუნებისთვის.
"სახალხო აფთიაქი" მომხმარებელს "კინის" ბრენდის პირის ღრუს მოვლის ესპანურ პროფესიონალურ საშუალებს სთავაზობს. პირის ღრუს მოვლის დღესთან დაკავშირებით კი აღნიშნული პროდუქციის შეძენა 10 %იანი ფასდაკლებით შეგეძლებათ.