რისი ბრალია ღამის ოფლიანობა - მკურნალი.გე

რუბრიკები

ოჯახის მკურნალის ანონსი

აგვისტო 2019

კითხვა-პასუხი

რისი ბრალია ღამის ოფლიანობა

რისი ბრალია ღამის ოფლიანობა

ძილის დროს ოფლიანობას ბევრი უჩივის. ამ პრობლემას არაფერი აქვს საერთო ადგილობრივ, მაგალითად, ხელისგულებისა და ტერფების ოფლიანობასთან, რომელიც ვეგეტატიური ნერვული სისტემის ფუნქციის მოშლას უკავშირდება. ძილის დროს აღმოცენებული ჭარბი ოფლიანობა ანუ ჰიპერჰიდროზი ზოგადი ოფლიანობის ერთ-ერთი სახეა, მისი არსებობა ექიმს მიზეზის ძიებისაკენ უბიძგებს, მიზეზი კი შეიძლება საკმაოდ მძიმე დაავადებაც იყოს, მათ შორის - ტუბერკულოზი და ლიმფოგრანულომატოზი. ექიმი უწინარეს ყოვლისა სწორედ ამ პათოლოგიების გამორიცხვას მიიჩნევს საჭიროდ.

ლიმფოგრანულომატოზი სისხლის სისტემის, კერძოდ, ლიმფური ქსოვილის ავთვისებიანი დაავადებაა. არცთუ იშვიათად ღამის ოფლიანობა მისი ერთადერთი ნიშანია,  ტიპურ შემთხვევებში კი წამყვანი

სიმპტომები ლიმფური კვანძების გადიდება და გამკვრივება გახლავთ. დაავადება ერთი ლიმფური კვანძიდან მეორეზე ვრცელდება. ლიმფური კვანძები დიდდება კისრის, იღლიის არეებში, გულმკერდისა და მუცლის ღრუში, საზარდულისა და სხვა მიდამოებში. დაზიანებული ლიმფური კვანძი დიდი ზომისაა, მკვრივია, ხელით გასინჯვისას (პალპაციისას) უმტკივნეულოა. ზოგ შემთხვევაში ვლინდება ზოგადი ინტოქსიკაციის ნიშნები: სისუსტე, წონის
დაქვეითება, ძლიერი ოფლიანობა, - რომლებიც სხვა დაავადების, მაგალითად, ტუბერკულოზის დროსაც შეიძლება აღმოცენდეს, ამიტომ ზუსტი დიაგნოზის დასმის მიზნით ტარდება ლიმფური კვანძის ბიოფსია - მისი ამოკვეთა და მიკროსკოპიული შესწავლა. დიაგნოზის დადასტურების შემდეგ იწყება მკურნალობა. ამისთვის იყენებენ ქიმიოთერაპიას, სხივურ თერაპიას და ამ მეთოდების კომბინაციას. მკურნალობის შემდეგ ოფლიანობა ქრება. უნდა ითქვას, რომ პროცესის გავრცელების (შორეული მეტასტაზების არსებობის) შემთხვევაში ძლიერი ოფლიანობა და ცხელება შეიძლება ნებისმიერ სიმსივნურ დაავადებას ახლდეს თან, თუმცა ლიმფოგრანულომატოზისა და სხვა ლიმფომებისთვის ჭარბი ოფლიანობა მეტად დამახასიათებელი სიმპტომია. ღამით ოფლიანობა ტიპურია ტუბერკულოზისთვისაც. ამ დროს, გარდა ოფლიანობისა და ლიმფური კვანძების გადიდებისა, ყურადღებას იპყრობს ხველა,  ნახველის არსებობა, ტემპერატურის მომატება 37-38 C-ის ფარგლებში, დამახასიათებელი რენტგენოლოგიური ცვლილებები, ნახველში დაავადების გამომწვევი მიკობაქტერიის აღმოჩენა. ღამის ოფლიანობის მიზეზად შეიძლება იქცეს სხვა ინფექციური დაავადებებიც: შიდსი, ინფექციური მონონუკლეოზი, სოკოვანი ინფექცია, ფილტვის აბსცესი, ენდოკარდიტი, - თუმცა ისიც სათქმელია, რომ ინფექციური დაავადებების დროს ჭარბ ოფლიანობას თავისებურებები ახასიათებს. ინფექციის შემთხვევაში ოფლიანობას ხშირად წინ უძღვის შემცივნება, ტემპერატურის მომატება.
ღამის ოფლიანობის ერთ-ერთი გავრცელებული მიზეზია ღამის ობსტრუქციული აპნოეს სინდრომი. ის საკმაოდ ხშირია საშუალო ასაკის შემდეგ და სიმსუქნით დაავადებულ პირებს შორის. ადამიანი ხმამაღლა ხვრინავს, თითქოს "ყლაპავს" ჰაერს, დროდადრო წყვეტს სუნთქვას. არასრულფასოვანი ძილის გამო დღისითაც ეძინება. ყელ-ყურ-ცხვირის ექიმი გასინჯვისას ხშირად ავლენს ცხვირ-ხახის შედარებით პატარა ზომებს. ღამის აპნოეს სინდრომის უკუგანვითარებისას ოფლიანობაც ქრება. ხშირად ღამის ოფლიანობა გასტროეზოფაგურ რეფლუქსურ დაავადებას უკავშირდება. ამ პათოლოგიას ახასიათებს კუჭის მჟავე წვენის საყლაპავში ამოტყორცნა, რის გამოც ადამიანს აწუხებს ხშირი გულძმარვა. რეფლუქსსა და ოფლიანობას შორის კავშირის მექანიზმი აუხსნელია, მაგრამ ფაქტია, რომ გასტროეზოფაგური რეფლუქსური დაავადების წარმატებული მკურნალობისას ღამის ოფლიანობა ქრება. ჭარბი ოფლიანობა, მათ შორის - ღამის საათებში, შესაძლოა შინაგანი სეკრეციის ჯირკვლების დაავადებებსაც უკავშირდე-ბოდეს. მათ შორის უწინარეს ყოვლისა უნდა ვახსენოთ თირეოტოქსიკოზი - ფარისებრი ჯირკვლის ჰორმონების ორგანიზმზე ჭარბი ზემოქმედების შედეგად აღმოცენებული მდგომარეობა. ამ დროს ჭარბ ოფლიანობას თან სდევს სხეულის მასის დაქვეითება, თუმცა პაციენტი მადას არ უჩივის, ტემპერატურის მომატება, კანკალი, ფარისებრი ჯირკვლის გადიდება. სხეულის ზედა ნაწილის, უპირატესად თავის, სახის ოფლიანობა ახასიათებს შაქრიან დიაბეტს, რაც პერიფერიული ნერვების დაზიანებას უკავშირდება. ხშირად ოფლიანობა დაავადების ერთ-ერთი პირველი ნიშანიც კია. შაქრიანი დიაბეტის დროს ჭარბი ოფლიანობის ეპიზოდები ხშირად ჰიპოგლიკემიასთან - სისხლში შაქრის შემცველობის დაქვეითებასთან არის დაკავშირებული. გარდა ამ კარგად ნაცნობი ენდოკრინული დაავადებებისა, ოფლიანობის მიზეზად შეიძლება იქცეს ფეოქრომოციტომა  - თირკმელზედა ჯირკვლის სიმსივნე. ამ დროს ოფლიანობას თან სდევს არტერიული წნევის მომატება, გულისცემის გაძლიერება. ოფლიანობა ხშირია აკრომეგალიის დროსაც. მას ახასიათებს ზრდის ჰორმონის ჭარბი სინთეზი, სხეულის მასის მატება, ძვლების, კუნთების ზრდა და სხეულის წარზიდული ნაწილების: ცხვირის, ტუჩების, ყბის, კიდურების - გადიდება.
ბევრს ალბათ ვერც კი წარმოუდგენია, რომ ღამის ოფლიანობა ზოგიერთმა მედიკამენტმაც შეიძლება გამოიწვიოს, მათ შორის - სიცხის დამწევმა საშუალებებმა (ოფლიანობა კანონზომიერი რეაქციაა სხეულის ტემპერატურის დაქვეითებაზე), წნევის დამწევმა საშუალებებმა, ტამოქსიფენმა, ლეუპროლიდმა.
დასასრულ, აუცილებლად უნდა ვახსენოთ ღამის ოფლიანობის სავსებით ბანალური მიზეზები, რომლებსაც ხშირად სრულიადაც არ ვანიჭებთ მნიშვნელობას. ესენი გახლავთ ალკოჰოლის ჭარბი მიღება და მეტისმეტი ჩაფუთვნა.

 

 

გააკეთეთ კომენტარი
თარიღი : 05-07-2019
მოშო
გამარჯობა ხშირად არ მაქვს ოფლიანობის პრობლემა ძილში, წელს დამეწყო და ალბათ სულ 4,6 თუ ვიოფლიანე ძილის დროს, მაგრამ თუ მაქვს უფლიანობა სულ სველია მთელი ბალიში, აქ ჩამოთვლილი მიზეზებიდან შეიძლება რომელიმე მჭირდეს?
თარიღი : 02-12-2015
ლევ
ღამე ვოფლიანობ... იმ შემთხვევაში თუ წყალი დავლიე... ეს მემართება მარტო დაახლოებით წელიწადის ამ დროს და გრძელდება 2 კვირა... ანალიზებს ვიკეთებ ყოველ წელს... და არაფერი ჩანს... ვერ ვხვდები რა არის... ხვალაც ინდა წავიდე და კიდევ გავესინჯო
თარიღი : 15-11-2015
SPID
აივ ინფექციის პირველი დამახასიათებელი ნიშანია ძლიერი,ანომალიური ოფლიანობა..... შიდსი,იგივე.არის ამ საიტზე დაწვრილებითი სიმპტომები,რომელიც ახასიათებს შიდსს....შეგიძლიათ გადაიკითხოთ
თარიღი : 14-11-2015
nino
საკუტარი გამოცდილებიდან გეტყვიტ,რომ გაიკეტოტ ანალიზი ცჰიყვზე
თარიღი : 14-11-2015
nino
საკუტარი გამოცდილებიდან გეტყვიტ გაიკეტოტ ანალიზი ცჰიყვზე
რეკომენდებული პროდუქტები
ჯანსაღი თმის შესანარჩუნებლად
ფასი: 75
ნერვული სისტემის გაძლიერებისთვის -60აბი
ფასი: 22.9
საშარდე სისტემის ჯანმრთელობისთვის-60 აბი
ფასი: 42.9
ჯანსაღი თმის შესანარჩუნებლად
ფასი: 75
დიეტოლოგია
დასავლეთ ავსტრალიის უნივერსიტეტის თანამშრომლები დარწმუნებულები არიან, რომ ფინჯანი ჩაის ან ერთი
ექსპერტებმა დაასახელეს ბადრიჯანის სასარგებლო თვისებები, რის გამოც ის აუცილებლად უნდა ჩართოთ საკვებ რაციონში.
ნიუ-იორკის ბინგემტონის უნივერსიტეტის მეცნიერებმა დაასკვნეს, რომ ადამიანს ახალგაზრდობაში უფრო მეტად ესაჭიროება
კატეგორიის სხვა სტატიები
ხელისგულებს მაღალი სიზუსტით შეუძლია ორგანიზმის ჯანმრთელობის მდგომარეობაზე საუბარი.
მშრალი „მყეფავი“ ან კიდევ ღრმა და „სველი“ ხველა შემოდგომა-ზამთრის პერიოდში ბევრი ადამიანის პრობლემაა.
არ არსებობს ადამიანი, რომელსაც ერთხელ მაინც არ განუცდია თავის ტკივილი. ეს უკანასკნელი აქვეითებს
ხველა ერთ-ერთი საყურადღებო სიმპტომია, რადგანაც ის მეტად სერიოზული და ხშირად საშიში პათოლოგიების
ჭარბი ცხიმი უარყოფითად მოქმედებს ჯანმრთელობაზე, ზრდის სიმსივნური პათოლოგიის, შაქრიანი დიაბეტის, გულისა და
ალოე ვერა განსაკუთრებული თვისებების მქონე მარადმწვანე მცენარეა. მისი სამშობლო აფრიკაა, თუმცა დღეს ის უამრავ რეგიონშია გავრცელებული.
სადღეისოდ ასეთი კრემების ასორტიმენტი საკმაოდ ფართოა. ხშირად არც კი ვიცით, რომელი ხაზის კრემი უფრო მიესადაგება ჩვენს კანს.
სამწუხაროდ, ბოლო ათწლეულის მანძილზე ალერგიული დაავადებებით, მათ შორის - ბრონქული ასთმით დაავადებულთა
დღევანდელი ცხოვრების რიტმი, მძიმე ეკოლოგიური გარემო, კვების თავისებურებები განაპირობებს სხვადასხვა პათოლოგიის
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად