"სქელი" სისხლის 7 ნიშანი
როდესაც სისხლი სქელდება, ადამიანს შეიძლება განუვითარდეს:
- თავის ტკივილი და თავბრუსხვევა,
- კიდურებში ჩხვლეტის, დაბუჟების და წვის შეგრძნება,
- მხედველობისა და სმენის გაუარესება,
- ძლიერი ქოშინი,
- აღგზნებადობა და გაზრდილი შფოთვა,
- მომატებული ძილიანობა,
- კუნთების ტკივილის სინდრომი.
თუ ჩვენ ვსაუბრობთ პაციენტზე, რომელსაც აქვს "სქელი სისხლი", ეს ნიშნავს, რომ ის სწრაფად დედდება, რაც ჩანს, მაგალითად, ანალიზისთვის მისი აღების მომენტშიდაც კი. სისხლის გასქელების მდგომარეობას მედიცინაში „ჰიპერკოაგულაციის სინდრომს“ უწოდებენ.
მისი მიზეზები შეიძლება იყოს ასაკი (50 წლის და უფროსი), ჭარბი წონა, სისხლში ქოლესტერინის მაღალი დონე, მავნე ჩვევები (მოწევა, ალკოჰოლის ბოროტად გამოყენება), დამწვრობა და სხეულის მნიშვნელოვანი ჰიპოთერმია, ოპერაციები, სისხლძარღვთა დაზიანებები, ორგანოების გადანერგვა, ანთებითი პროცესები, სტრესი, ფიზიკური აქტივობის ნაკლებობა, პათოგენური მიკროფლორა, ჰორმონალური კონტრაცეფცია, ცუდი კვება, ორსულობა, ტოქსინებით მოწამვლა.
სისხლის გასქელების საშიშროება იმაში მდგომარეობს, რომ ის აფერხებს და ანელებს სისხლის ნაკადის სიჩქარეს.
ირღვევა სასიცოცხლო ორგანოების მცირე სისხლძარღვებში სისხლის მიმქცევა, მათ შორის გულში, ტვინში, თირკმელებსა და ფილტვებში. შეიძლება განვიტარდეს თრომბოზი, რამაც შეიძლება გამოიწვიოს გულის შეტევა ან ინსულტი. ყველაზე ექსტრემალურ შემთხვევებში კი ფილტვის არტერიის თრომბოემბოლია (ბლოკირება). თუ თქვენ გაქვთ აღწერილი სიმპტომები, უნდა მიმართოთ ექიმს და გაიკეთოთ სისხლის ანალიზი - კოაგულოგრამა (სისხლის შედედების ტესტი).
სისხლის გასათხელებლად ინიშნება სპეციალური მედიკამენტები - ანტიკოაგულანტები და თრომბოციტების აგრეგაციის საწინააღმდეგო საშუალებები, მაგრამ მათი მიღება უნდა მოხდეს მხოლოდ ექიმის დანიშნულებით. არასწორად მიღების შემთხვევაში პრეპარატმა შეიძლება გამოიწვიოს კუჭის წყლული და სისხლდენა, მათ შორის სიცოცხლისთვის საშიში.
თავად პაციენტს შეუძლია საკუთარი თავის დახმარება მხოლოდ დღის განმავლობაში საკმარისი რაოდენობის სითხის დალევით (1,5–2 ლ).
რომელი პროდუქტები „ასქელებენ“ სისხლს
არასწორი კვებითი ჩვევები, ასევე ყავის და ალკოჰოლის ჭარბი მოხმარება „ასქელებს“ სისხლს, რის შედეგადაც შეიძლება განვითარდეს თრომბები.
ამგვარი შედეგი შეიძლება გამოიწვიოს დაუბალანსებელმა რაციონმა, რომელიც ძირითადად ნახშირწყლოვანი და ცხიმიანი საკვებითაა წარმოდგენილი. ის კიდევ უფრო მეტად ამძიმებს ადამიანის მდგომარეობას.
სპირტიანი სასმელების ჭარბად მოხმარება იწვევს თრომბოციტების შეწებებას. სისხლის გათხელებას ხელს უწყობს ალკოჰოლის მხოლოდ უსაფრთხო დღიური დოზა: დღეში შესაძლებელია არა უმეტეს 30 გ არაყის ან 100 გ წითელი ღვინის მიღება.
ყავის ჭარბი მოხმარება, რძის პროდუქტები ასევე ხელს უწყობს სისხლის „შესქელებას“. ამას გარდა უარი უნდა ვთქვათ სიგარეტზე, რადგანაც იწვევს ათეროსკლეოროზის განვითარებას. ნიკოტინი ავიწროებს სისხლძარღვებს და ზრდის თრომბოზის რისკს.
