ლალი ჩხიკვაძე

ეს არის ემოციური რეაქცია, როდესაც ადამიანი აღიქვამს საფრთხეს იმის მიმართ, რაც მას მიაჩნია, რომ მისია, ან ის, რაც მას სურს რომ ჰქონდეს, მაგრამ არ აქვს. ეს ჩვეულებრივ მოხსენიებულია სიყვარულის ფსიქოლოგიის კონტექსტში. ზოგადად დამკვიდრებულია მოსაზრება, რომ ეჭვიანობა სიყვარულის მანიშნებელია.

ეჭვიანობა არ არის ჯანსაღი ტიპის ურთიერთობა. განსაკუთრებით იმ შემთხვევაში, თუ ერთ-ერთი პარტნიორი განზრახ იწვევს მეორეში ეჭვიანობას, სავარაუდოდ, ამ გზით ის ამით ცდილობს შეუმჩნეველი გახადოს პრობლემები: ემოციებში, ურთიერთმნიშვნელობაში, საჭიროების გრძნობასა და მიმზიდველობაში. ასეთ ურთიერთობებში გამარჯვებულები არ არიან.

ეჭვიანობა შეიძლება იყოს სხვადასხვა ხარისხის ინტენსივობის და ზოგჯერ იღებს სრულიად სახიფათო ფორმას. ამ თვალსაზრისით ღირს დანაშაულის სტატისტიკის ნახვა: საშუალოდ, ყოველი მერვე მკვლელობა ხდება ეჭვიანობის გამო.

რა უნდა გააკეთდეს, თუ ურთიერთობისას ეჭვიანობის გრძნობის წინაშე აღმოჩნდები.

ეჭვიანობის პრობლემის საფუძველია:

• საკუთარ თავში დაეჭვება,
• დაბალი თვითშეფასება,
• ადამიანის დაკარგვის შიში.

ამ მდგომარეობის წარმოშობა, სავარაუდოდ, ბავშვობაში ჩამოყალიბდა. ამის მიზეზები შეიძლება იყოს: „ცივი დედა“, მშობლების განქორწინება, ემპათიური, ადამიანისთვის მნიშვნელოვანი ზრდასრულის არარსებობა, ოჯახში კიდევ ერთი ბავშვის დაბადება, უარყოფის ტრავმა და სხვა მიზეზები.

ნუ ეძებთ მიზეზებს საკუთარ თავში და ნუ განივითარებთ დანაშაულის გრძნობას. პარტნიორს შეუძლია საკუთარ თავში დახატოს ყველაზე საშინელი გამოსახულებები. ამ რეაქციის მიზეზი არა თქვენშია, არამედ იმ ტრავმული გამოცდილების გადატანაში, რომელიც ბავშვობიდან დღემდე აღინიშნება.

ასევე შეეცადეთ წყვილმა გაატაროთ „ნდობის საათები“ , როდესაც ღიად ისაუბრებთ თქვენს გრძნობებსა და გამოცდილებაზე. გაითვალისწინეთ, რომ წარსული არ განსაზღვრავს მომავალს და ერთი და იგივე ადამიანი სულ სხვაგვარად ავლენს თავს გარემოს ცვლილებისას.

აღადგინეთ ნდობა თქვენი ქმედებების გამჭვირვალობის და გულწრფელობის საშუალებით და თქვენი დაპირებებისა და შეთანხმებების შესრულებით. გამოიყენეთ წყვილების, ინდივიდუალური თერაპია ან ფსიქოგანათლება. ამ მხრივ არსებობს სხვადასხვა ავტორების ძალიან საინტერესო და მნიშვნელოვანი შრომები და გამოცემები.

თუ ეჭვიანობა სახიფათო ფორმებს იღებს, კერძოდ:

• მუდმივი კონტროლი,
• თავისუფლების შეზღუდვა,
• აგრესიული რეაქცია უვნებელ საგნებზე,
• თქვენი სოციალური კონტაქტების წრის შეზღუდვა,

- განგაშის ზარების შემოკვრის და, პირველ რიგში, საკუთარი თავისა და საზღვრების დაცვის დროა.

მნიშვნელოვანია გახსოვდეთ, რომ ეჭვიანობა არის წითელი დროშა, რომელიც აჩვენებს, რომ თქვენს ურთიერთობაში პრობლემებია. ამაზე თვალი არ დახუჭოთ, თორემ სიტუაცია შეიძლება გაუარესდეს და სავალალო შედეგები გამოიწვიოს.