მარიამ ფოლადაშვილი

ნაღვლის ბუშტი ინახავს ნაღველს. ნაღველი წარმოიქმნება ღვიძლის მიერ, ხელს უწყობს ცხიმების დაშლას.

შესაძლებელია ნაღვლის ბუშტის კენჭებმა არ გამოიწვიოს სიმპტომები, მაგრამ ნაღვლის კენჭები პრობლემური ხდება, თუ ისინი იწყებენ ნაღვლის ბუშტის სადინარის ბლოკირებას. ბლოკირებამ შეიძლება გამოიწვიოს წნევის დაგროვება ნაღვლის ბუშტში, რაც იწვევს ტკივილს, რომელსაც ეწოდება ქოლეცისტიტი. ტკივილი, როგორც წესი, იგრძნობა მუცლის მარჯვენა ზედა არეში, მაგრამ ასევე შეიძლება იგრძნოთ გულმკერდის ან მუცლის შუაში.

გარკვეული ნიშნები შეიძლება მიუთითებდეს, რომ ნაღვლის ბუშტის პრობლემა გაქვთ, მათ შორის:

ტკივილი მუცლის ზედა მარჯვენა მუცლის არეში - ეს ტკივილი ასევე შეიძლება გავრცელდეს ზურგზე, მხარზე ან გულმკერდის არეში.

დისკომფორტი ჭამის შემდეგ - ნაღვლის ბუშტის შეტევები, როგორც წესი, ჩნდება ჭამიდან 15-20 წუთის შემდეგ, განსაკუთრებით მაშინ, თუ მიირთვით ცხიმიანი საკვები. შეტევა შეიძლება გაგრძელდეს 30 წუთიდან ორ საათამდე ჭამის შემდეგ.

ტკივილი, რომელიც ღამით გაღვიძებთ - ტკივილი შეიძლება იყოს სპონტანური და არ შემოიფარგლოს მხოლოდ ჭამის დროს, შეიძლება ძილიდანაც კი გამოგაღვიძოთ.

სიმპტომების თანმიმდევრულობა - ნაღვლის ბუშტის შეტევები ხშირად გვხვდება ერთსა და იმავე დროს, მაგალითად ჭამის შემდეგ, მსგავს ადგილას, მსგავსი ტკივილით.

ნაღვლის ბუშტმა შეიძლება გამოიწვიოს საჭმლის მომნელებელი სისტემის სხვა სიმპტომებიც, როგორიცაა ცხელება, გულისრევა, ღებინება.შეიძლება განიცადოთ ეს სიმპტომები, მაგრამ არ გქონდეთ ტკივილი. სიმპტომები შესაძლოა სხვადასხვა ადამიანში განსხვავებული იყოს.

ზოგადად, მუცლის ტკივილს მრავალი მიზეზი შეიძლება ჰქონდეს, ამიტომ მნიშვნელოვანია ექიმთან კონსულტაცია. მიმართეთ სასწრაფო დახმარებას, თუ ტკივილი გაუარესდება, გაძლიერდება ან თან ახლავს ოფლიანობა, ქოშინი, ცხელება.

ქოლეცისტიტი, როგორც წესი, თავისთავად არ ქრება. აუცილებელია ექიმის კონსულტაცია.