4 მცდარი წარმოდგენა პრობიოტიკების შესახებ
არსებობს მრავალი განსხვავებული სახეობა და მათი მიღება შესაძლებელია საკვებიდან ან დანამატებიდან.
პრობიოტიკებთან დაკავშირებით არსებობს რამდენიმე მცდარი მოსაზრება
ნებისმიერი პრობიოტიკი ყველასთვის ერთნაირად ეფექტურია
ყველა პრობიოტიკური დანამატი არ გვთავაზობს ერთსა და იმავე სარგებელს. არსებობს სხვადასხვა ტიპის პრობიოტიკები, როგორიცაა Lactobacillus და Bifidobacterium, რომლებიც სხვადასხვა სარგებელს გვთავაზობენ, ზოგიერთი პრობიოტიკური შტამი თრგუნავს სპეციფიკურ პათოგენებს, ზოგი კი ხელს უწყობს ნორმალური მიკროფლორის აღდგენას ან შეუძლია იმუნური პასუხის რეგულირება.
ერთი შტამი, ან მათი კომბინაცია, შეიძლება დაეხმაროს ერთ მდგომარეობას ან პრობლემას, მაგრამ სრულიად არაეფექტური იყოს სხვა სახის პრობლემისთვის. სარგებლის მისაღებად საჭიროა პრობლემის ზუსტი დიაგნოსტირება და შემდეგ პრობიოტიკების კონკრეტული შტამის შერჩევა.
რაც მეტი შტამია, მით უკეთესი
მეტი პრობიოტიკი ერთ დოზაზე ყოველთვის არ არის მეტად ეფექტური. პრობიოტიკების პორციაში შტამების რაოდენობა ასევე გავლენას ახდენს პოტენციურ სარგებელზე. ნებისმიერი პრობიოტიკის ეფექტი დამოკიდებულია როგორც გამოყენებული ბაქტერიების კომბინაციაზე, ასევე დოზაზე. დოზა განსხვავებულია შტამების მიხედვით. 100 მილიონი მინიმალური ეფექტური დოზაა. თუმცა, მიუხედავად იმისა, რომ ზოგიერთი ბრობიოტიკური დანამატი მეტ შტამს შეიცავს არ ნიშნავს იმას, რომ ის ყოველთვის არ არის უკეთესი. ნაკლები დოზა ზოგჯერ ეფექტურია.
ყველამ უნდა მიიღოს პრობიოტიკი
ვინაიდან ნაწლავის ჯანმრთელობა ხშირად გადამწყვეტია ზოგადი ჯანმრთელობისთვის, შეიძლება იფიქროთ, რომ პრობიოტიკური დანამატები აუცილებელია. თუმცა, ყველას არ სჭირდება პრობიოტიკების მიღება, განსაკუთრებით იმ შემთხვევაში, თუ ზოგადად კარგი ჯანმრთელობა გაქვთ და იცავთ მრავალფეროვან დიეტას. პრობიოტიკები ხშირად ყველაზე სასარგებლოა მათთვის, ვისაც აქვს სერიოზული მდგომარეობები, ამიტომ მათ, ვისაც აქვს მსუბუქი სიმპტომები ან საერთოდ არ აქვს სიმპტომები, შეიძლება ვერ დაინახონ მნიშვნელოვანი ცვლილებები პრობიოტიკების მიღებისას.
პრობიოტიკებს შეუძლიათ დიეტური ხარვეზების გამოსწორება
პრობიოტიკებმა უნდა შეავსონ და არა შეცვალონ ჯანსაღი დიეტა და ცხოვრების წესი. პრობიოტიკები უნდა განიხილებოდეს როგორც დაბალანსებული და საკვები ნივთიერებებით მდიდარი დიეტის დანამატი. არადაბალანსებული კვებისას პრობიოტიკების მიღება ნაკლებად აუმჯობესებს ნაწლავის ჯანმრთელობას.
ასევე პრობიოტიკების მიღებისას აუცილებელია პრებიოტიკებიც რადგან პრებიოტიკები საკვებია ნაწლავის ბაქტერიებისთვის. პრებიოტიკებს შეიცავს სხვადასხვა მარცვლეულსი ხილი და ბოსტნეული.
დანამატის გამოყენებამდე უმჯობესია ექიმთან კონსულტაცია.