გონების მასტიმულირებელი სამუშაო დაგეხმარებათ დემენციის თავიდან აცილებაში
ნაკლებად განიცდიან კოგნიტურ დაქვეითებას და დემენციას ასაკის მატებასთან ერთად.
ახალმა კვლევამ შეისწავლა კავშირი გონების მასტიმულირებელ სამუშაოსა და კოგნიტური დაქვეითების რისკს შორის.
ის ადამიანები, რომლებიც არ ასრულებენ გონებრივად აქტიურ სამუშაოს, შეუძლიათ გაიუმჯობესონ კოგნიტური მდგომარეობა ახალი ჰობიების, სოციალიზაციისა და ჯანსაღი დიეტის დაცვით.
ახალი კვლევის თანახმად, გონებრივი გამოწვევები შეიძლება დაეხმაროს გონების სიმახვილის შენარჩუნებას ასაკის მატებასთან ერთად.
კვლევამ, რომელშიც 7000-ზე მეტი ზრდასრული მონაწილეობდა, აჩვენა, რომ ადამიანებს, რომლებსაც აქვთ გონებრივად მასტიმულირებელი პროფესიების ისტორია, 70 წლის შემდეგ მსუბუქი კოგნიტური უკმარისობისა და დემენციის დაბალი რისკი აქვთ, ვიდრე იმ ადამიანებს, რომლებსაც ჰქონდათ პროფესიები, რომლებიც არ იყო გონების მასტიმულირებელი. ამ კვლევის შედეგები ხაზს უსვამს აზროვნების მასტიმულირებელი სამუშაოს პოტენციალს კოგნიტური ფუნქციების გასაძლიერებლად და კოგნიტური დაქვეითების დაწყების შესაფერხებლად.
ეს კვლევა ასევე მხარს უჭერს იმ აზრს, რომ რაც უფრო მეტად ააქტიურებთ ტვინს ადრეულ და შუახნის ასაკში, მით მეტად იქნება შესაძლებელი შემეცნებითი დაქვეითების თავიდან აცილება მოგვიანებით ცხოვრებაში.
სტატია გამოქვეყნდა ჟურნალში Neurology.
ნაშრომში აღინიშნა, რომ ყველაზე დაბალი კოგნიტური დატვირთვის მქონე სამუშაოებზე მყოფთა 42%-ს აღენიშნებოდა მსუბუქი კოგნიტური უკმარისობა იმ ადამიანებთან შედარებით,რომელთა საქმეც მეტ კოგნიტურ აქტივობას გულისხმობდა.
ყველას არ აქვს კარიერა, რომელიც მუდმივად აძლიერებს ტვინს. ამ ადამიანებს, შეუძლიათ გააკეთონ ისეთი აქტივობები, როგორიცაა სწავლა, წიგნების კითხვა, ახალი ენის შესწავლა ან მუსიკალური ინსტრუმენტზე დაკვრის სწავლა.
ასევე ტვინის ჯანმრთელობისთვის აუცილებელია ფიზიკური ვარჯიში, დიეტა და სოციალური აქტივობა.
კვლევის შედეგები ხაზს უსვამს სიცოცხლის მანძილზე სწავლისა და შემეცნებითი სტიმულირების მნიშვნელობას. შემეცნების მასტიმულირებელი აქტივობა ხელს უწყობს შემეცნებითი ჯანმრთელობის შენარჩუნებას.
