ლალი ჩხიკვაძე

დღეისთვის გვაქვს საკმარისი რაოდენობის კვლევები, რომლებიც აღწერს აბანოს დადებით გავლენას ადამიანის სხეულზე. მაგრამ ამავე დროს არსებობს მთელი რიგი უკუჩვენებები:

1. ალკოჰოლისა და აბაზანების შერწყმა უკუნაჩვენებია. როგორც კვლევები აჩვენებს (მაგალითად, Ylikahri R. et al., 1988; Roine R. et al., 1992), აბანოში ალკოჰოლის დალევამ შეიძლება გაზარდოს უეცარი გულის სიკვდილის რისკი და სხვა სისხლძარღვოვანი რისკები.

• ეს უპირველეს ყოვლისა განპირობებულია იმით, რომ ალკოჰოლი იწვევს ელექტროლიტების დაკარგვას, რამაც მაღალი ტემპერატურის გამო, სითხის დაკარგვასთან ერთად შეიძლება გააუარესოს ადამიანის მდგომარეობა.

2. უკუნაჩვენებია, გულ-სისხლძარღვთა არაკომპენსირებული დაავადებებისას. იმის გათვალისწინებით, რომ მაღალ ტემპერატურაზე შეიძლება მოხდეს ნორადენალინის გამომუშავების სტიმულირება და ასევე გულისცემის გახშირება, არაკომპენსირებული გულის უკმარისობის, გადატანილი მიოკარდიუმის ინფარქტის, არაკონტროლირებადი მაღალი წნევის, ასევე არასტაბილური და არანამკურნალევი სტაბილური სტენოკარდიის მქონე ადამიანებისთვის უკუნაჩვენებია აბანო.

• ამან შეიძლება გამოიწვიოს ამ დაავადებების სიმპტომების გაუარესება და, კრიტიკულ შემთხვევებში, გამოიწვიოს ფატალური შედეგები. (Hannuksela M.L., Ellaham S., 2001).

3. უკუნაჩვენებია აქტიური ანთების დროს. ზოგიერთი მტკიცებულება (Laukkanen et al., 2018) ვარაუდობს, რომ საუნის პირობებში ზემოქმედებამ შეიძლება გააუარესოს აქტიური ინფექციები, მათ შორის კანის ინფექციები, ისევე როგორც ატოპიური დერმატიტი.

4. უკუნაჩვენებია ორთოსტატული ჰიპერტენზიის და სხვა პირობების დროს, რომლებიც დაკავშირებულია წნევის ვარდნის რისკთან. სხვა უკუჩვენებებია ორთოსტატული ჰიპოტენზია, აორტის სარქვლის სტენოზი და მუდმივი არითმიები.

• ეს გამოწვეულია იმით, რომ აბანოში ადამიანის კანის სისხლძარღვები ფართოვდება, რითაც მცირდება პერიფერიული სისხლძარღვთა წინააღმდეგობა, რაც ამცირებს არტერიულ წნევას. და ზემოთ აღწერილი პირობების მქონე ადამიანებმა შეიძლება განიცადონ კოლაპტოიდური მდგომარეობა ამ ფონზე.

თითოეული ადამიანისადმი ინდივიდუალური მიდგომა არის მთავარი გზა იმის გასარკვევად, აბანოში წასვლა უკუნაჩვენებია თუ არა.