ლალი ჩხიკვაძე

ზოგიერთ მათგანს შეუძლია ადამიანი მეტად მიმზიდველი გახადოს, ზოგს კი შეუძლია ნულამდე დაიყვანოს ეს ეფექტი.

1. იუმორის გრძნობის ნაკლებობა

გადაჭარბებული სერიოზულობა, ხუმრობის გაგების უუნარობა, საკუთარ თავზე და ცხოვრებაზე სხვა ადამიანებთან ერთად სიცილის შეუძლებლობა ქმნის დაძაბულ ატმოსფეროს. ამიტომ გარშემომყოფები გრძნობენ დისკომფორტს ასეთი ადამიანის თანდასწრებით და ცდილობენ თავი აარიდონ კომუნიკაციას.

2. პესიმიზმი

გამუდმებით ეძებ დამნაშავეს, ყველაფერში უწინარეს ყოვლისა ხედავ არასრულყოფილებას, პესიმისტურად უყურებ ირგვლივ ყველაფერს - არავის სურს იყოს კრიტიკისა და ნეგატივიზმის ამ ტოქსიკურ ატმოსფეროში.

3. ზედმიწევნითობა

გარდა ზემოაღნიშნულისა, გავიხსენოთ კიდევ ერთი თვისება: მოგწონთ ხალხის „სიტყვაზე დაჭერა“. გახსოვთ ყველაფერი, რაც გითხრეს, ხშირად იღებთ წინადადებებსა და იდეებს, როგორც მზა ვარიანტებს და ითხოვთ „შეთანხმებების“ დაცვას, მაშინაც კი, თუ ისინი მხოლოდ თქვენს თავში არსებობს და არ არის დადასტურებული მეორე მხარის მიერ. თქვენ უსწორებთ მთხრობელს, თუ თქვენი გადმოსახედიდან ის ამახინჯებს საკუთარ ამბავს.