რა ტიპის პოლიფენოლები არსებობს და როგორ მოქმედებს პოლიფენოლებით მდიდარი საკვები სხვადასხვა დაავადებაზე?
პოლიფენოლების სახეები და მათი სარგებელი:
ტვინის ფუნქციების გამაძლიერებელი ფლავანოლები - კვლევამ შეისწავლა დოკოზაჰექსაენოინის მჟავის (DHA), ფლავანოლის მიღების ეფექტი ტვინზე. აღმოჩნდა კორელაცია დიეტური ფლავანოლის მოხმარებასა და ტვინის ომეგა -3 პოლიუჯერი ცხიმოვანი მჟავების (n3-PUFA) დონეებს შორის, რაც ვარაუდობს კავშირს ფლავონოლის მიღებასა და ტვინის ფუნქციების გაუმჯობესებას შორის.
სოიოს ექსტრაქტები დიაბეტისთვის - ჰიდროქსილირებული იზოფლავონებით მდიდარი სოიოს ექსტრაქტის შესწავლამ და მისმა ეფექტებმა აჩვენა ტრიაცილგლიცერიდების დონის შემცირება. თუმცა, საჭიროა მეტი კვლევის ჩატარება ადამიანებზე.
ანთოციანინები - კვლევამ გამოავლინა კავშირი ანთოციანინის მიღებას, მიკრობულ მეტაბოლიზმსა და ჯანმრთელობის სარგებელს შორის. კვლევა ხაზს უსვამს სპეციფიკურ მეტაბოლიტებს, რომლებიც დაკავშირებულია ანტოციანინის მოხმარებასთან, რომლებიც საპირისპირო კორელაციაშია ვისცერალურ ცხიმოვან ქსოვილთან.
ამასთან, ცხოველებზე ჩატარებულმა კვლევამ აჩვენა, რომ ყურძნის წიპწის პროანტოციანიდინების მიღება ხელს უშლის წონის მატებას.
ფენოლები - გამოიკვლიეს ყავის ქლოროგენის მჟავისა და მწვანე ჩაის კატექინების ერთობლივი გავლენა კვების შემდგომ გლიკემიურ რეაქციებზე. გამოვლინდა დადებითი გავლენა გლუკოზის, ინსულინის დონეებზე და ინსულინის მიმართ მგრძნობელობაზე.
პოლიფენოლებითა და ქლოროგენის მჟავით მდიდარი ყავის ექსტრაქტებს გააჩნიათ კიბოს საწინააღმდეგო მოქმედება. არეგულირებენ β-კატენინის ტრანსკრიპციულ აქტივობას კოლორექტალური კიბოს უჯრედებში.
კაკაო ასევე მდიდარია პოლიფენოლებით.
ზეითუნის ზეთი - კვლევამ აჩვენა, რომ ზეითუნის ზეთის მიღება მნიშვნელოვნად ამცირებს ვისცერალურ ცხიმს, რაც პოტენციურად აუმჯობესებს კარდიომეტაბოლურ ჯანმრთელობას.
ხილი - გააჩნია ანტიდიაბეტური პოტენციალი.
ავენანტრამიდი ნეიროდეგენერაციული დაავადებების წინააღმდეგ - პოლიფენოლი ავენანტრამიდი, რომელიც გვხვდება შვრიაში, ახდენს კონკრეტული სიგნალის მოდულირებას, პოტენციურად გვთავაზობს სარგებელს ნეიროდეგენერაციული დაავადებების მართვაში კოგნიტური ფუნქციის, ნეირონების გადარჩენისა და ოქსიდაციური სტრესის შემცირებით.
ფისტა - მისი ჩართვა რაციონში სასარგებლოა მდიდარი ფიტოქიმიური შემცველობის გამო, რაც ვლინდება მისი დადებითი გავლენით ენდოთელიუმის ფუნქციაზე, ლიპიდურ და გლუკოზის ბალანსზე. მონაწილეობს ისეთი დაავადებების პროფილაქტიკაში, როგორიცაა კიბო, სიმსუქნე, ტიპი 2 დიაბეტი და გულ-სისხლძარღვთა დაავადებები.