როგორ უნდა დავრწმუნდეთ, რომ იოგურტისგან მაქსიმალურ სარგებელს ვიღებთ
კვლევებმა აჩვენა, რომ იოგურტს შეუძლია გააუმჯობესოს ძვლის სიმკვრივე და ხელი შეუწყოს გულ-სისხლძარღვთა დაავადებებისა და ტიპი 2 დიაბეტის განვითარების თავიდან აცილებას. იოგურტში არსებული ცოცხალი მიკროორგანიზმები, რომლებიც ცნობილია როგორც პრობიოტიკები, ხელს უწყობენ სასარგებლო ბაქტერიების რაოდენობის გაზრდას, რომლებიც გვეხმარებიან ჯანმრთელი საჭმლის მომნელებელი ტრაქტის შენარჩუნებაში.
თუმცა, საჭიროა დარწმუნდეთ იმაში, რომ მისგან ყველა შესაძლო სარგებელს იღებთ.
როგორ მივიღოთ იოგურტის ყველაზე მეტი სარგებელი ნაწლავების ჯანმრთელობისა და საჭმლის მონელებისთვის?
პროდუქტის ყიდვისას შეინახეთ იოგურტი ცივ ადგილას, შესაბამისად, თქვენს კალათაში სხვა ცივ ნივთებთან ერთად განათავსეთ. რძის პროდუქტებზე დაფუძნებული იოგურტი უნდა ინახებოდეს ცივად საკვების უვნებლობის მიზნით. ტემპერატურას ასევე დიდი მნიშვნელობა აქვს, როდესაც საქმე ეხება სხვა სახის იოგურტს, მათ შორის მცენარეულ იოგურტს. გარდა სურსათის უსაფრთხოების ფაქტორისა, იოგურტი უნდა დარჩეს 0-7 °C, რათა შენარჩუნდეს მისი ცოცხალი, ნაწლავის ჯანმრთელობის გამაძლიერებელი კულტურები. მოერიდეთ იოგურტის შენახვას მაცივრის კარში, სადაც ტემპერატურა უფრო ცვალებადია. ამ რჩევის გათვალისწინება ხელს შეუწყობს ცოცხალი და აქტიური კულტურებისა და იოგურტის ხარისხის შენარჩუნებას.
მნიშვნელოვანია ისეთი იოგურტის ამორჩევა, რომელიც აკმაყოფილებს თქვენს საჭიროებებს. ყველა იოგურტი არ შეიცავს პრობიოტიკებს და არსებობს მრავალი განსხვავებული ტიპის პრობიოტიკური შტამი, რომელთაგან თითოეულს სხვადასხვა სარგებელი გააჩნია. მაგალითად, ფართოდ გამოყენებული Lactobacillus Rhamnosus GG შტამი ნაჩვენებია, რომ ხელს უწყობს იმუნური სისტემის ჯანმრთელობას. სურსათისა და წამლების ადმინისტრაცია (FDA) არ არეგულირებს სიტყვა „პრობიოტიკის“ გამოყენებას საკვების ეტიკეტებზე. ეს ნიშნავს, რომ უფრო ღრმა ცოდან დაგჭირდებათ, რომ გაიგოთ მეტი კონკრეტული შტამების შესახებ - განსაკუთრებით იმიტომ, რომ ყველა იოგურტი არ შეიცავს პრობიოტიკებს. პირველი ნაბიჯი, არის პროდუქტის ეტიკეტზე იოგურტში კონკრეტული შტამების მოძიება. ამ შტამების სახელები, როგორც წესი, შედგება სახეობისა და შტამისგან, რომლებიც გამოიხატება რიცხვების ან ასოების კომბინაციით. შტამის სახელის საძიებო სისტემაში შეყვანა დაგეხმარებათ გაარკვიოთ, თუ რა სარგებელს უკავშირდება ეს კონკრეტული შტამი. შტამების ინფორმაციის გარეშე რთულია განსაზღვროთ, არის თუ არა პროდუქტში არსებული სასარგებლო ბაქტერიები რეალურად შესწავლილი. როდესაც საქმე ეხება იოგურტის პორციაში პრობიოტიკური შტამების რაოდენობას, მეტი ყოველთვის არ არის უკეთესი. სარგებელიდან გამომდინარე, რომელსაც ეძებთ, შეიძლება დაგჭირდეთ მხოლოდ ერთი პრობიოტიკური შტამი. იოგურტის ზოგიერთი ბრენდი კი ერთდროულად მრავალ სარგებელს გვთავაზობს ჯანმრთელობის, საჭმლის მომნელებელი და იმუნური სისტემის მხარდაჭერით.
შეურიეთ იოგურტი მცენარეულ საკვებს. როდესაც საქმე ნაწლავის ჯანმრთელობას ეხება, იოგურტის შერევით მცენარეულ საკვებთან ერთად იღებთ დამატებით სარგებელს. კვლევებმა დაადგინა, რომ ადამიანებმა, რომლებმაც კვირაში 30 სხვადასხვა ტიპის მცენარეული საკვები მოიხმარეს, აჩვენეს, ნაწლავის ბაქტერიების დიდი მრავალფეროვნება, შესაბამისად, ნაწლავის კარგი ჯანმრთელობის მაჩვენებელი. ბევრი მცენარეული საკვები გემრიელ კომბინაციას ქმნის იოგურტთან. მაგალითად, ხილი, მარცვლეული, ბოსტნეული და თხილიც კი. იოგურტში მოცვის, ალუბლის, ბანანის, ნუშის ან ჩიას დამატება არის მნიშვნელოვანი ნაბიჯი ნაწლავის ჯანმრთელობისთვის.