როდის იმატებს სისხლში ნატრიუმის დონე და რა საფრთხეს შეიცავს ჰიპერნატრემია
სხვა მიზეზებს შორისაა: ძლიერი ღებინება, გაძლიერებული ოფლიანობა, ხანგრძლივი დიარეა, დიდი ხნის განმავლობაში შარდმდენი პრეპარატების მიღება. ჰიპერნატრიემიის რისკ-ფაქტორია შაქრიანი დიაბეტი. თუ უშაქრო დიაბეტს და თირკმლის ზოგიერთ დაავადებას თან ახლავს შარდის ჭარბი გამოყოფა, იქმნება დეჰიდრატაციის საფრთხე და, შესაბამისად, იზრდება ჰიპერნატრემიის განვითარების რისკი.
სისხლში ნატრიუმის დონის მატების ნიშნებია:
- გაძლიერებული წყურვილი;
- მოუსვენრობა;
- გაღიზიანება;
- თავბრუხვევა;
- დაღლილობა
მძიმე ჰიპერნატრიემიამ შესაძლოა გამოიწვიოს კუნთების კრუნჩხვები და ცნობიერების დაქვეითება.
ჭარბი ნატრიუმის შემცველი საკვები შესაძლოა საფრთხის შემცველი აღმოჩნდეს სიცოცხლისთვის. ამ დროს იმატებს ჰიპერტენზიის განვითარების რისკი. როდესაც ორგანიზმში ნატრიუმის კონცენტრაცია იმატებს, გაძლიერებულად ვიღებთ სითხეს, რაც წნევის აწევას განაპირობებს. მაღალმა წნევამ კი შეიძლება ინსულტი ან ინფარქტი გამოიწვიოს. მდგომარეობა უარესდება მაშინ, როდესაც მას თან ახლავს სხვა რისკფაქტორებიც(სიმსუქნე, შაქრიანი დიაბეტი, არასაკმარისი ფიზიკური აქტივობა).
ამას გარდა, ნატრიუმის სიჭარბე საფრთხეს უქმნის თირკმლის ჯანმრთელობას, აზიანებს ნაწლავურ ფლორას, იმუნურ სისტემას, ხელს უწყობს წონის მატებას.