როგორ დავიცვათ ცხოვრების ჯანსაღი წესი
რომელიც მოიცავს ჯანმრთელობის გასაუმჯობესებელი ღონისძიებების მთელ კომპლექსს. ცხოვრების ჯანსაღი წესის დაცვისას მნიშვნელოვნად იზრდება სიცოცხლის ხანგრძლივობა და უმჯობესდება მისი ხარისხი.
ცხოვრების ჯანსაღი წესის უპირატესობები:
ცხოვრების ჯანსაღი წესი მნიშვნელოვან გავლენას ახდენს იმუნიტეტზე, უმჯობესდება განწყობა და იცვლება სამყაროს აღქმა. ამას გარდა:
- მცირდება ქრონიკული დაავადებების რეციდივების სიხშირე;
- გაღვიძებისას აღარ აღინიშნება დაღლილობის შეგრძნება და იგრძნობა ძალების მოზღვავება;
- იზრდება ამტანობა;
- მცირდება გაციებათა სიხშირე და ქვეითდება მათი მიმდინარეობის სიმძიმე;
- კანი მეტად ელასტიკური და სუფთა ხდება.
ამას გარდა, კვლევები აჩვენებს, რომ ცხოვრების ამგვარი წესის დაცვისას ქვეითდება მთელი რიგი მოსალოდნელი ასაკობრივი დაავადებების განვითარება.
ცხოვრების ჯანსაღი წესის ფორმირების ძირითადი საფუძვლები:
ცხოვრების ჯანსაღი წესი ეფუძნება შვიდ ძირითად დებულებას:
- ფიზიკური აქტივობა;
- დაბალანსებული კვება;
- მავნე ჩვევების უკუგდება;
- ჰიგიენური მოვლა;
- სრულფასოვანი ძილი;
- კარგი დასვენება;
- გამაჯანსაღებელი პროცედურები და დადებითი ემოციური განწყობა.
სწორი კვების წესის დაცვა
ჯანმრთელობა, გარეგნობა, იმუნიტეტი, განწყობა პირდაპირ უკავშირდება იმას, თუ რით ვიკვებებით. ჯანსაღი ცხოვრების წესი გულისხმობს არომატიზატორების, გემოს გამაძლიერებლების, ცხიმიანი პროდუქტების, საღებავებისა და კონსერვანტების გამორიცხვას ან შემცირებას მაინც.
ძირითადი წესები:
- დაუშვებელია შიმშილი ან სიმაძღრე. ერთიც და მეორეც უარყოფითად მოქმედებს განწყობაზე.
- სვით სუფთა წყალი. სასურველია დღეში 1,5-2 ლიტრი (ჩაი, ყავა, წვენი და ა.შ. არ შედის).
- შეიმცირეთ რაციონში ტკბილეული. უპირატესობა მიანიჭეთ ხილს, ბოსტნეულს, ჩირს. შეგიძლიათ ზომიერი მოცულობით მიიღოთ მწარე შოკოლადიც.
- საკვები დღეში, სულ მცირე, 4-5-ჯერ მიიღეთ, მცირე ულუფებით.
- დღიური მენიუ უნდა შეიცავდეს ხორცს ან თევზს, ხილს, ბოსტნეულს, ბურღულეულს, რძის პროდუქტებს.
- ვახშამი დაძინებამდე 2 საათით ადრე მაინც უნდა მიიღოთ.
- რაციონიდან გამორიცხეთ ფასტ ფუდი, ცხიმიანი და შებოლილი პროდუქტები.
- უპირატესობა მიანიჭეთ მოხარშულ, ჩაშუშულ ან გამომცხვარ პროდუქტებს.
ფიზიკური აქტივობა
ადინამიკა და ჰიპოდინამიკა იწვევს ნივთიერებათა ცვლის პროცესების შენელებას, საყრდენ-მამოძრავებელი აპარატის, გულ-სისხლძარღვთა და ნერვული სისტემის პათოლოგიებს.
ცხოვრების მჯდომარე წესის დროს შეეცადეთ გაზარდოთ აქტივობა. მეცნიერებმა დაამტკიცეს, რომ აქტივობის თითოეული წუთი დადებითად მოქმედებს ორგანიზმის მდგომარეობაზე.
დაიწყეთ და დაასრულეთ დღე მსუბუქი ვარჯიშით, იარეთ ფეხით, ივარჯიშეთ სპორტულ დარბაზში ან იცურავეთ აუზზე.
ჰიგიენური მოვლა
პირადი ჰიგიენის დაცვა ცხოვრების ჯანსაღი წესის ერთ-ერთი შემადგენელია. პირველ რიგში, ეს პირის ღრუს ეხება. კბილები დღეში 2-ჯერ მაინც უნდა გავიწმინდოთ. ამასთან, მთელ პირის ღრუს უნდა მოვუაროთ. გარდა სტანდარტული ნაკრებისა, რომელიც წარმოდგენილია კბილის ჯაგრისითა და პასტით, აუცილებლად უნდა გვქონდეს ირიგატორი, კბილის ძაფი და პირის ღრუს სავლები. პირის ღრუს ჰიგიენის უგულებელყოფა არა მარტო კარიესის, პაროდონტიტისა და კუჭ-ნაწლავის ტრაქტის დაავადებების გამომწვევია.
მნიშვნელოვანია, სახლში გვქონდეს წესრიგი: რეგულარულად ჩატარდეს სველი დალაგება, არ დავუშვათ მტვრის დაგროვება, ყოველდღიურად გავანიავოთ ოთახი.
დღის რეჟიმის დაცვა
მეცნიერებმა დაასკვნეს, რომ ჯანმრთელობისა და კარგი განწყობისათვის აუცილებელია სრულფასოვანი ძილი. ადამიანს დღე-ღამეში უნდა ეძინოს, სულ მცირე, 7 საათი. ამასთან, დაძინება და გაღვიძება სასურველია ერთსა და იმავე დროს მოხდეს.
ემოციური განწყობა
ნერვული დაძაბულობა, სტრესი უარყოფითად აისახება ხასიათზე, განწყობასა და, საზოგადოდ, ჯანმრთელობაზე. სპეციალისტები გვირჩევენ შემდეგს:
- არ ინერვიულოთ იმაზე, რისი შეცვლაც თქვენს ძალებს აღემატება;
- იფიქრეთ დადებითზე, ნებისმიერ სიტუაციაში მოძებნეთ დადებითი მომენტები;
- არ ჩაიდოთ გულში წყენა;
- შეეცადეთ თავი აარიდოთ სტრესულ სიტუაციებს.
ჯანსაღი ცხოვრების ჩვევა
შეეცადეთ, ჯანსაღი ცხოვრების ჩვევა გადასცეთ თქვენს შვილებს. ადრეული ასაკიდანვე მიაჩვიეთ ბავშვები სწორ ქცევებს.
- ადრეული ასაკიდანვე მიიყვანეთ ბავშვი სპორტზე;
- კვირაში ერთხელ მაინც გადით ბუნებაში;
- მეტი იარეთ ფეხით;
- რეგულარულად ჩაიტარეთ პროფილაქტიკური კვლევები;
- შეეცადეთ არ მიაჩვიოთ ბავშვი ფასტ ფუდს, ტკბილეულსა და მავნე საკვებს;
- ადრეული ასაკიდანვე მიაჩვიეთ ბავშვი პირადი ჰიგიენის წესებს;
- ჩართეთ ბავშვი სახლის დალაგებაში.
ჯანსაღი ცხოვრების წესი არ უნდა იწვევდეს დისკომფორტს. ყველა მოქმედება უნდა იყოს სიხარულის მომნიჭებელი. სასარგებლო ჩვევებს თანდათანობით მიეჩვიეთ და დროთა განმავლობაში უკეთ და მშვიდად იგრძნობთ თავს.