დღეში 6 ფინჯანზე მეტი ყავა სისხლში ქოლესტერინის დონეს ზრდის
თუმცა ნორვეგიელი მკვლევარების აზრით, ეს ეფექტი დამოკიდებულია ადამიანის სქესზე და სასმელის მომზადების მეთოდზე.
მეცნიერებმა გააანალიზეს ნორვეგიის ქალაქ ტრომსეში მცხოვრები 21 000 ადამიანის მონაცემები. მათი საშუალო ასაკი შეადგენდა 56 წელს. მონაწილეებს ეკითხებოდნენ რამდენ ფინჯან ყავას მიირთმევდნენ დღეში და როგორ მომზადებულ ყავას ანიჭებდნენ უპირატესობას. მონაწილეები ასევე აბარებდნენ სისხლის ანალიზს და საუბრობდნენ საკუთარი ცხოვრების წესზე, კვებაზე, ფიზიკურ აქტივობაზე, განათლების დონესა და ჯანმრთელობის მდგომარეობაზე.
მოპოვებული ინფორმაციის ანალიზმა აჩვენა, რომ ყველაზე მეტად სქესობრივი განსხვავება სისხლში ქოლესტერინის დონის მომატებასთან დაკავშირებით აღინიშნებოდა ესპრესოს შემთხვევაში. რაც შეეხება სხვა ტიპის ყავას, დღეში 6- და მეტი ფინჯანი ყავის მიღება ქოლესტერინის დონეს ორივე სქესის შემთხვევაში დაახლოებით ერთნაირად ზრდიდა. ხსნადი ყავა ასევე მოქმედებს სისხლში ქოლესტერინის დონეზე ორივე სქესის წარმომადგენლებში დაახლოებით ერთანირად, მიუხედავად მიღებული რაოდენობისა.
მეცნიერები ჯერჯერობით ვერ საზღვრავენ, სხვადასხვა მეთოდით მომზადებული ყავა რატომ მოქმედებს სისხლში ქოლესტერინის დონეზე სხვადასხვა სქესის წარმომადგენლებში სხვადასხვანაირად.