რითია საშიში ხვრინვა
ის შეიძლება გახდეს სუნთქვის გაჩერების და თავის მხრივ ინფარქტისა და ინსულტის განვითარების მიზეზი.
ხვრინვა სავიზიტო ბარათია იმისა, რომ ღამით ადამიანის ცხვირი არ სუნთქავს. ცხვირი გადაკეტილია, რის შედეგადაც აღარ ან მინიმალურად ხდება თავის ტვინის ვენტილაცია. შესაძლებელია მოხდეს სუნთქვის გაჩერება - ღამის აპნოე, რამაც გამოიწვიოს სიცოცხლისათვის საშიში შედეგები.
ხვრინვა შეიძლება იყოს ცხვირის ძგიდის თანდაყოლილი ან ტრავმული გამრუდების, ცხვირის ნიჟარების ჰიპერტროფიის და ჭარბი წონის შედეგი. ამ უკანასკნელის საშიშროება იმაშია, რომ ცხიმი გარდა მუცლის, გვერდებისა და ზურგისა შეიძლება დაგროვდეს კისრის დონეზე, რითაც მოხდება სასუნთქ არხზე ზეწოლა და ხვრინვის განვითარება.
თუ ხვრინავთ, მით უმეტეს გაქვთ ღამის აპნოე, აუცილებლად მიმართეთ ოტორინოლარინგოლოგს.