სხეულის მასის შეფასება
აღნიშნული ინდექსის გამოთვლა ხდება სხეულის მასის (კილოგრამებში) შეფარდებით სხეულის სიგრძის (მეტრებში გამოხატული სიმაღლის) კვადრატთან.
სხეულის მასა (კგ)
სხეულის მასის ინდექსი =
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
სიმაღლე 2 (მ2)
მაგალითად, თუ 1,70 მ სიგრძის ადამიანი 67 კგ-ს იწონის, ასე უნდა გამოიანგარიშოს საკუთარი სხეულის მასის ინდექსი
67:(1,7X1,7)=23,18
ზრდასრულთათვის სხეულის ნორმალურ მასად ითვლება მაჩვენებელი, რომელიც 18,5-დან 25-მდე ინტერვალშია.
<18,5 - არასაკმარისი წონა
18,5-24,9 - ნორმალური წონა
25-29,9 - ჭარბი წონა
30-34,9 - გაცხიმოვნება I ხარისხის
35-39,9 - გაცხიმოვნება II ხარისხის
>40 - გაცხიმოვნება III ხარისხის
როგორც ჭარბი წონა, ასევე წონის დეფიციტი ამოკლებს სიცოცხლის ხანგრძლივობას. ექსპერტთა დასკვნით, გულ-სისხლძარღვთა სისტემის დაავადებების და ბევრი პათოლოგიის რისკი მნიშვნელოვნად იმატებს, როდესაც ადამიანის სხეულის მასის ინდექსი 27-ს აღემატება. როდესაც სხეულის მასის ინდექსი 30-ზე მეტია, გაცხიმოვნებაზე საუბრობენ. გაცხიმოვნება, საზოგადოდ, ისეთი მდგომარეობაა, როდესაც ადამიანის ორგანიზმში ცხიმის შემცველობა იზრდება იმ დონემდე, რომ ის სერიოზულად აისახება ჯანმრთელობაზე.
მაგალითად, 170 სმ სიმაღლის მქონე პირისთვის სხეულის ნორმალურ მასად ითვლება 54-72 კგ წონა. ეს საკმაოდ დიდი დიაპაზონია. ახალგაზრდა პირებს შესაძლოა წონა დიაპაზონის ქვედა ზღვართან ჰქონდეთ ახლოს, შედარებით ასაკოვნებს კი - ზედა ზღვართან.
რამდენადაც მამაკაცებს უფრო მტკიცე და მკვრივი ძვლები აქვთ ქალებთან შედარებით, მათი წონა რამდენადმე აღემატება ქალებისას. ჭარბი წონა ან კიდევ გაცხიმოვნების საწყისი სტადია 170 სმ სიმაღლის ადამიანს აღენიშნება მაშინ, როდესაც ის იწონის 73-87 კგ-ს, გაცხიმოვნება კი მაშინ აღინიშნება, როდესაც წონა კიდევ უფრო მეტ რიცხვებს შეესაბამება.
გაცხიმოვნების ფაქტის კონსტატაცია სხეულის მასის ინდექსის დახმარებით ყველა შემთხვევაში 100%-ით არ არის სწორი. მაგალითად, სპორტსმენები, რომლებსაც დიდი კუნთოვანი მასა აქვთ, ამ კლასიფიკაციით ჭარბი წონის მქონენი გამოდიან. ამიტომაც სიმსუქნეს და გაცხიმოვნებას, საზოგადოდ, წელისა და თეძოების გარშემოწერილობის განსაღვრითაც აფასებენ.
ქალების შემთხვევაში წელის გარშემოწერილობა 88 სმ-ზე ნაკლები უნდა იყოს, მამაკაცების შემთხვევაში კი - 102 სმ-ზე ნაკლები; თუ წელის გარშემოწერილობის შეფარდება თეძოების გარშემოწერილობასთან, მამაკაცების შემთხვევაში, 1-ზე მეტია, ხოლო ქალებისა 0,8-ზე მეტი, ეს გაცხიმოვნებაზე მიუთითებს.
