ლალი ჩხიკვაძე

გამოირკვა, რომ სპირტიან სასმელებზე უარს აცხადებენ ის ადამიანები, რომლებსაც აღენიშნებათ სიცოცხლის ხანგრძლივობის შემამცირებელი დაავადებები.

გერმანელმა მეცნიერებმა გაანალიზეს ქვეყნის 4028 მოზრდილი მოქალაქის მონაცემები. 1996-1997 წლებში, 18-64 წლის ასაკის რესპოდენტები ავსებდნენ საკუთარი ჯანმრთელობის მდგომარეობის, ალკოჰოლისა და ნარკოტიკების მიღების და სხვა მავნე ჩვევების შესახებ კითხვარს. სიკვდილიანობის შესახებ მონაცემებს მკვლევარები იღებდნენ პაციენტებზე 20 წლიანი დაკვირვების შედეგად.

სპეციალისტებმა გააქარწყლეს მითი ალკოჰოლის ზომიერი მოხმარების სარგებელთან დაკავშირებით. ეს უკავშირდებოდა იმ მონაცემს, რომ არამსმელი ადამიანები უფრო ადრე იღუპებიან, ვიდრე ალკოჰოლის მცირე ან ზომიერად მომხმარებელი ადამიანები. მათ უარყვეს პოპულარული მოსაზრება იმის შესახებ, რომ სპირტიანი სასმელები დადებით გავლენას ახდენს ადამიანის ორგანიზმზე.

ნაადრევი სიკვდილი არამსმელ ადამიანებში უკავშირდება არა ალკოჰოლზე უარის თქმას, არამედ ისეთ მიზეზებს, როგორიცაა: ქრონიკული დაავადებები, თამბაქოს, ნარკოტიკების მოხმარება, წარსულში ალკოჰოლის მოხმარება, რამაც გამოიწვია ჯანმრთელობის პრობლემები. შესაბამისად, ალკოჰოლის დამცავი ეფექტი არ ვლინდება ამ სიტუაციაში.