ახალი წელი და რჩევები
ხალისით ხვდებიან მას. ახალი წელი თავისებური დღესასწაულიცაა, რომლის შესახვედრად და ლამაზად აღსანიშნავად უამრავ სამშვენისსა და სხვადასხვა სახის საზეიმო ნივთს იყენებენ; ამზადებენ და მიირთმევენ სადღესასწაულო, ტრადიციულ კერძებსა და სასმელებს. ზომიერების გრძნობა ადამიანმა ნებისმიერ სიტუაციაში უნდა შეინარჩუნოს, მათ შორის დღესასწაულის დროსაც. საკვებისა და სასმლის მიღებისას ზომიერება მართებს ყველას, რათა საახალწლო სუფრასა თუ მეჯლისზე ყოფნისას მიღებული სიამოვნება და სიხარული ხანმოკლე არ აღმოჩნდეს, ჯანმრთელობა და სიცოცხლე საფრთხეში არ ჩავაგდოთ.
სადღესასწაულო სუფრა, საჭმელ-სასმელი და ზომიერება
ახალი წლის ღამეს სასიამოვნოა სტუმრების მიღება და გამასპინძლება. საქართველოში, როგორც წესი, საღამოდან დილამდე სუფრას უსხედან. ჯერ ძველ წელს აცილებენ, შემდეგ ახალ წელს ხვდებიან ტრადიციული სადღეგრძელოებით, საათები გრძელდება სხვადასხვაგვარი საკვების, სასმლის, ტკბილეულის მიღება... მათ ერთმანეთში არევას კი ხშირად არასასიამოვნო შედეგებამდე მივყავართ. ბევრი ადამიანი გადაჭარბებული სადღესასწაულო კერძებისა და სასმელების გამო ახალ წელს საავადმყოფოშიც კი ხვდება.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ახალი წელი და სასმელები
ახალი წლის დღესასწაული და საზეიმო სუფრა წარმოუდგენელია შამპანურის და სისხლივით წითელი ღვინის, კონიაკისა თუ საზეიმო ლიქიორების გარეშე. ბოლო დროს კი სუფრას ბევრი უცხო თუ ეგზოტიკური სასმელიც შეემატა. საახალწლო დღესასწაული რომ დიდ უსიამოვნებად არ გექცეთ, დაიცავით ზომიერება. მიირთვით მხოლოდ სუფთა ღვინო, რა თქმა უნდა, ნატურალური. ნუ აურევთ სხვადასხვა სასმელს, ნურც უალკოჰოლო სასმელებს აურევთ სხვა სასმელში. ამან შეიძლება ალკოჰოლური ინტოქსიკაცია გამოიწვიოს. მოკლედ, დაიცავით ზომიერება საკვებისა და სასმლის მიღებისას; დაიცავით უსაფრთხოების წესები; უყურადღებოდ არ დატოვოთ ბავშვები, მათაც იციან სასმელთან მიპარვა. თუ ყურადღებას არ მოადუნებთ, ახალი წელი ორმაგად სასიამოვნო იქნება თქვენთვისაც და სხვებისთვისაც...
როგორ ავირიდოთ ნაბახუსევი
ახალი წლის დღესასწაულის შემდეგ, მეორე-მესამე დღეს, ბევრს აქვს ნაბახუსევის პრობლემა. მის ასარიდებლად სადღესასწაულო წვეულების შემდეგ, დასაძინებლად დაწოლამდე, დალიეთ რამდენიმე ჭიქა წყალი. სითხის მიღება რამდენადმე შეგიმცირებთ მოსალოდნელ ტანჯვას. გაღვიძებისთანავე, თუ გული ან მაღალი წნევა არ შეგაწუხებთ, შეგიძლიათ მიიღოთ თბილი შხაპი (და არა ცხელი); შემდეგ კი კომბოსტოს, კიტრის ან პამიდვრის მწნილი ჭამოთ და მათი მჟავე წვენიც დალიოთ. თავის ტკივილის შემთხვევაში მიიღეთ მსუბუქი ტკივილგამაყუჩებელი და არამც და არამც საძილე საშუალებები. ნუ იჩქარებთ არყის ან ლუდის დალევას, იქნებ ზემოთ შემოთავაზებულმა საშუალებებმა გამოგიყვანოთ მდგომარეობიდან.
ნუ უღალატებთ ტრადიციებს
ამბობენ, ახალ წელს როგორც შეხვდები, მთელ წელიწადს ისე გაატარებო. ამიტომაც საახალწლო სამზადისი წინასწარ იწყება, წინასწარ იქმნება საზეიმო განწყობა. საახალწლო სუფრა კი განსაკუთრებული მრავალფეროვნებით გამოირჩევა. ვცდილობთ ტრადიციებს არ ვუღალატოთ და რაც შეიძლება ლამაზად შევხვდეთ ახალ წელს. შეიძლება, საახალწლო სუფრა დახუნძლული არ იყოს, მაგრამ მთავარი ის საზეიმო განწყობაა, რომელიც დღესასწაულს აუცილებლად უნდა ახლდეს. გემოვნებით გაწყობილი სუფრა, ორიოდე ტრადიციული საახალწლო კერძი, ნატურალური სასმელი და სასურველი ადამიანები სრულიად საკმარისია საახალწლო განწყობისათვის.
გახსოვდეთ, რომ აუცილებელია ზომიერების დაცვა და საახალწლო სიამოვნებაც მთელი წლის მანძილზე გაგყვებათ.
