დიაბეტის ადრეული ნიშნები და გართულებისთვის მახასიათებელი სიმპტომები
ადრეულ სიმპტომებზე თვალის დევნება დაგეხმარებათ დროულ დიაგნოსტიკასა და გართულებების თავიდან აცილებაში. თუ სისხლში გლუკოზის დონე ძალიან მაღალია, ამან შეიძლება დააზიანოს უჯრედები და გამოიწვიოს გართულებები მთელ ორგანიზმში.
არსებობს დიაბეტის ორი ძირითადი ტიპი: ტიპი1 და ტიპი 2.
2018 წლის მონაცემებით, შეერთებულ შტატებში 26,8 მილიონ ადამიანს დაუსვეს დიაბეტის დიაგნოზი. მათ შორის, დაახლოებით 1,6 მილიონს ჰქონდა 1 ტიპის დიაბეტი.
დიაბეტის ადრეული სიმპტომების იდენტიფიცირების უნარი შეიძლება დაეხმაროს ადამიანს, იცოდეს, როდის მიმართოს ექიმს. დროული დიაგნოსტიკა და მკურნალობა თავიდან აგაცილებთ გართულებებს.
ნიშნები და სიმპტომები
არსებობს ისეთი სიმპტომები, რომლებიც ორივე ტიპის დიაბეტისთვისაა დამახასიათებელი:
- დაღლილობა
- შიმშილი გრძნობა ჭამის დროს ან ცოტა ხნის შემდეგ
- წონის დაკლება, მიუხედავად იმისა, რომ საკმარისად მიირთმევთ
- გაუსაძლისი წყურვილის შეგრძნება
- ხშირი შარდვა
- ბუნდოვანი მხედველობა
- ჭრილობების ნელი შეხორცება
- ჩხვლეტა, ტკივილი ან დაბუჟება ხელებსა და ფეხებში
თუ დიაბეტს ადრევე არ ვუმკურნალებთ, თავს იჩენს სხვადასხვა სახის გართულებები
დიაბეტით გამოწვეული გართულებები შეიძლება იყოს:
- კანის ინფექციები ან ქავილი
- თვალისა და მხედველობის ცვლილებები
- ჩხვლეტა, ტკივილი, დაბუჟება და სისუსტე ფეხებსა და ხელებში
- სისხლის ცუდი მიმოქცევა და წყლულები ფეხებზე
- წყურვილი ან პირის სიმშრალე
- სუნთქვის გართულება
- თირკმელების პრობლემები.