ჰაუსის როლის შემსრულებლის ჰიუ ლორის იდეა იყო, რომ მას სპორტული ფეხსაცმელი ეტარებინა. მსახიობის სასცენო გარდერობში 37 წყვილი ბოტასი ინახებოდა, მათ შორის დიდი ადგილი "ნაიკის" ბრენდის ფეხსაცმელს ეკავა.
აღსანიშნავია, რომ ჰაუსის ფეხსაცმლის ფასი ძირითადად 80-120 დოლარის ფარგლებში მერყეობს. ახალი სერიების გამოსვლისა და ახალი ბოტასის გამოჩენისთანავე მატულობდა მოთხოვნა იმ კონკრეტულ მოდელებზე. "ამაზონსა" და სხვა ინტერნეტ მაღაზიებში ფეხსაცმელი იყიდებოდა, როგორც ექიმი ჰაუსის ფეხსაცმელი.
ჰაუსს განსაკუთრებული მიდგომა ქონდა არა მხოლოდ მამაკაცის, არამედ ქალის ფეხსაცმლის მიმართაც.
"მხოლოდ ძალიან ზედაპირულ და არასაიმედო ქალს შეუძლია მთელი დღე მაღალქუსლიანი ფეხსაცმელი ატაროს და ფეხების ტკივილი არჩიოს კომფორტულ და წესიერ ფეხსაცმელს. ასეთი ქალები ჩემ გარშემო არ მჭირდება," - ამბობს გრეგორი ჰაუსი ერთ-ერთ სერიაში.
აქვე გთავაზობთ რჩევებს, თუ როგორ უნდა აარჩიოთ ფეხსაცმელი სწორად და რა დაავადებების იწვევს მაღალქუსლიანი ფეხსაცმლის ხშირი ტარება.
ფეხსაცმლის შერჩევისას მამაკაცმა უნდა გაითვალისწინოს საკუთარი სიმაღლე და ფეხის ზომა. თუ მამაკაცი დაბალია და დიდი ფეხები აქვს, ჯობს არჩევანი მრგვალცხვირა ფეხსაცმელზე შეაჩეროს. მაღალი და საშუალო სიმაღლის სტანდარტული პროპორციის მამაკაცისთვის მისაღებია ფეხსაცმელი ოდნავ წაგრძელებული ცხვირით. ქუსლიანი ფეხსაცმელი უმჯობესია დაბალმა მამაკაცმა შეიძინოს.
ფეხსაცმლის შერჩევა უფრო რთულია ქალებისთვის. ისინი მუდმივად დგანან დილემის წინაშე ჩაიცვან მაღალქუსლიანი ფეხსაცმელი, რომელიც უფრო მომხიბვლელია თუ დაბალქუსლიანი და კომფორტული.
როდესაც ადამიანი დგას სწორად მისი სხეულის სიმძიმე თანაბრად გადანაწილდება, ხოლო ქუსლებზე დგომისას სიმძიმის ცენტრი წინ გადაინაცვლებს. შედეგად ზოგიერთი ორგანოსა და კუნთების დაძაბულობა იზრდება, ზოგიერთის კი პირიქით სუსტდება. აღნიშნულს ორგანიზმი ძირეულ დისბალანსამდე მიყავს. ასეთი მდგომარეობა ჯანმრთელობაზე კარგად არ აისახება. ამ დროს შეიძლება განვითარდეს სქოლიოზი, დაირღვეს სისხლის მიმოქცევა კიდურებში და განვითარდეს ვენების ვარიკოზული დაავადება. თუ ქალბატონს აქვს სქოლიოზი, მაღალქუსლიანი ფეხსაცმელი ამ პრობლებას უფრო აძლიერებს.
ამიტომაც არ არის აუცილებელი ქალი მუდმივად მაღალ ქუსლზე იდგეს. მისი ჩანაცვლება სასურველია ბრტყელძირიანი ან შედარებით დაბალქუსლიანი ფეხსაცმლით.
ქუსლის ოპტიმალური და უსაფრთხო სიმაღლე მერყეობს 3-5 სმ-მდე. შედარებით სქელი ქუსლი ნაკლებ ზიანს აყენებს ჯანმრთელობას, ვიდრე წვრილი ქუსლი. თუ მაღალი ქუსლის გარეშე ვერ წარმოგიდგენიათ ცხოვრება, ტერფი სიმაღლეს ნელ-ნელა შეაჩვიეთ. დაიწყეთ 4-5 სმ-იანი ქუსლით და მისი სიმაღლე თანდათანობით გაზარდეთ. ეს სხეულს შეჩვევასა და დატვირთვის სწორად გადანაწილებაში დაეხმარება.
ეცადეთ, სწორედ შეარჩიოთ ფეხსაცმელი და არ დაგავიწყდეთ ყოველ სამუშაო დღეს, საღამოს 19:00 საათზე #ჩაუჯექით "ექიმ ჰაუსს" GDS-ზე.
