ანთების საწინააღმდეგო "ჭკვიანი" აბი
შექმნეს "ჭკვიანი" აბი, რომლის კომპონენტებიც მხოლოდ ანთების კერაში მოქმედებს. პრეპარატის შემადგენლობაში შემავალი ცილის მოლეკულა, ორი დომენისგან შედგება. ამასთან, ორივე კომპონენტი ინტერლეიკინ-1 (IL-1) წარმოებულია. ცილის ერთი დომენი ფუნქციური ნაწილია, მეორე კი IL-1- ის მძლავრი ინჰიბიტორი.
როგორც მეცნიერები განმარტავენ, მედიკამენტი ორგანიზმში შეყვანისთანავე არ ავლენს ფარმაკოლოგიურ აქტივობას. მისი მოლეკულები გარკვეული პერიოდის შემდეგ განთავსდება ანთების კერაში, ცილა იშლება და მისი ფუნქციური დომენი აქტიურდება. ამგვარად, წამლის "ჩართვა" საჭირო დროს ხდება.
კვლევის ავტორებს მიაჩნიათ, რომ მათ მიერ შემუშავებული მედიკამენტი გვერდითი მოვლენების შემცირების უნიკალური მაგალითია. აღნიშნულ თვისებებს სხვა პრეპარატები არ ფლობენ. ამ მედიკამენტის ეფექტურობა პრეკლინიკური გამოცდის დროს არაერთხელ დადასტურდა.
ახალშექმნილ "ჭკვიან" აბს დიდი მნიშვნელობა აქვს, რადგან ანთებითი რეაქციის არასპეციფიკური ინჰიბირებით ორგანიზმის ინფექციებთან ბრძოლის უნარი საზოგადოდ არ ქვეითდება.
თინათინ გოცაძე