რატომ არ მუშაობს ჩვენი კოსმეტიკა
ასეთ პროდუქტს არ ექნება სათანადო ეფექტი და შეიძლება სხვა პროდუქტების შედეგებზეც იმოქმედოს.
ქაფიანი პროდუქტები კანის გასაწმენდად ბევრად უფრო ეფექტურია: ისინი არ არღვევენ pH ბალანსს, აშორებენ ჭუჭყს და უნარჩუნებენ კანს ბუნებრივ დაცვას. დამზოგველი დასაბანი საშუალების გამოყენების დროსაც სახე დაიბანეთ თბილი წყლით.
კრემი არ არის შესაფერისი კანისთვის
სხვადასხვა ტიპის კანი განსაკუთრებულ მიდგომას მოითხოვს. თუ კანის მოვლის არასწორ საშუალებას აირჩევთ, შეიძლება გამონაყარი გამოიწვიოთ ან შედეგი საერთოდ ვერ შენიშნოთ. ნორმალური კანის მქონეთათვის ნებისმიერი საბაზისო მოვლის ფორმა მისაღები იქნება. მაგრამ სხვა ტიპის კანისთვის პროდუქტები მეტი სიფრთხილით უნდა შეირჩეს.
ცხიმიანი კანის იდენტიფიცირება ყველაზე მარტივია: ბზინვარება, რომელიც გაწმენდის შემდეგ თითქმის მყისიერად ჩნდება, ფართო ფორები და ანთებისკენ მიდრეკილება. ამ ტიპისთვის შესაფერისია დამატენიანებელი ჰიალურონის მჟავით ან გლიცერინით. შეარჩიეთ ტექსტურები, რომლებიც არ დაახშობს ფორებს (კომედოგენური).
მშრალი კანი ხშირად იქერცლება, მკვეთრად რეაგირებს ყველა გაღიზიანებაზე და ხშირად იწვევს დაჭიმვის შეგრძნებას. მისთვის საუკეთესო გამოსავალი იქნება მკვრივი მკვებავი ტექსტურები. ყურადღება უნდა გამახვილდეს არა მხოლოდ დამატენიანებელ, არამედ ეპიდერმისის აღმდგენ კრემებზე, მაგალითად, ვიტამინი E, პანთენოლი, შიის კარაქი.
კომბინირებული კანის დროს უნდა მოფრთხილდეთ: სახის მშრალი უბნები უნდა გამოკვებოთ, მაგრამ არ გადატვირთოთ ეპიდერმისი. საუკეთესო ვარიანტია მცენარეული ინგრედიენტების შემცველი პროდუქტები, რომლებიც ატენიანებენ და აძლიერებენ კანის დამცავ ფუნქციებს.
არასაკმარისი წმენდა
კანი უნდა გაიწმინდოს არა მხოლოდ ნაზად, არამედ რეგულარულადაც. ეს უნდა გაკეთდეს როგორც დილით, ისე საღამოს: პირველ შემთხვევაში ვიშორებთ კანის მკვდარ უჯრედებს, მტვერს და საყოფაცხოვრებო დაბინძურებას, მეორეში კი – ყველაფერს, რაც ეპიდერმისზე მოხვდა დღის განმავლობაში და კოსმეტიკას. საღამოს, უმჯობესია, სახე ორ ეტაპად დაიბანოთ. პირველ ჯერზე მაკიაჟი ჰიდროფილური ზეთით ჩამოიბანეთ – წაისვით ოდნავ მშრალ კანზე და გადაისვით სახეზე სველი თითებით, რომ ზეთმა უფრო ეფექტურად იმუშაოს. მეორე ეტაპზე კი, ჭუჭყისა და ცხიმის მოსაშორებლად, სახე ქაფით დაიბანეთ. ამ პროცედურის შემდეგ მიზანშეწონილია მატონიზებლის წასმა: ის კიდევ უფრო გაასუფთავებს კანს და მოამზადებს მოვლის შემდგომი ეტაპებისთვის.
შეუსაბამო კომბინაცია
კოსმეტიკაში შემავალი ზოგიერთი ნივთიერება ანეიტრალებს ერთმანეთს, რაც ჩვენს რუტინას უაზროს ხდის. მაგალითად, ნიაცინამიდის გამოყენება არ შეიძლება C ვიტამინთან ერთად. დიახ, ორივე კომპონენტს აქვს ანტიოქსიდანტური თვისებები, მაგრამ ერთდროულად გამოყენებისას ისინი ანეიტრალებენ ერთმანეთს. ამიტომ, მათი გამოყენება შესაძლებელია, სულ მცირე, ერთი დღის ინტერვალით.
AHA (Alpha Hydroxy Acids) და A (Beta Hydroxy Acids) მჟავებს და რეტინოლს სახეზე აგრესიული ეფექტი აქვს, ამიტომ მათი პარალელურად გამოყენება არაეფექტური იქნება და შეიძლება მხოლოდ გააუარესოს სიტუაცია. უმჯობესია ამ კომპონენტების მოხმარება სხვადასხვა კურსებით, რამდენიმეთვიანი შესვენებით. გარდა ამისა, რეტინოლიცა და ხილის მჟავებიც, საგრძნობი შედეგის მისაღებად, ღამით უფრო უნდა გამოიყენებოდეს.
არ უნდა გამოვიყენოთ პეპტიდები მჟავებთან: პეპტიდური ცილები იჟანგება დაბალ pH-ზე და არ აქვთ სასურველი ეფექტი.
არაკომპლექსური ზემოქმედება
ხშირად, კანისა და ასაკის თავისებურებების გამო, არ არის საკმარისი მხოლოდ ერთი დამატენიანებელი ძირითადი პროდუქტის გამოყენება. უპირველესად რაც უნდა გააკეთოთ იმისათვის, რომ კანის მოვლის საშუალებებმა რეალურად იმოქმედონ, სპეციალისტთან კონსულტაციაა. ეს ხელს შეუწყობს სიმშრალის, ცხიმიანობის ან ანთების გამომწვევი მიზეზის დადგენას და გამორიცხავს ვიტამინის დეფიციტს, რაც ასევე მოქმედებს კანის მდგომარეობაზე.
შემდეგი ნაბიჯია იმის გაგება, როგორ უნდა მოგვარდეს შინაგანი და გარეგანი პრობლემები. მაგალითად, დეჰიდრატირებული კანის სილამაზის აღსადგენად, საჭიროა სასმელის რეჟიმის დარეგულირება და სახლში ჰაერის დამატენიანებლის გამოყენება, განსაკუთრებით შემოდგომით და ზამთარში.