5 ნიშანი იმისა, რომ სახლის დალაგებისას შეცდომებს უშვებთ
1. წესრიგი და სისუფთავე ნარჩუნდება რამდენიმე დღე
ვასუფთავებთ, ბინა ბრწყინავს, ყველაფერი თავის ადგილზეა, მაგრამ მეორე დღის ბოლოს ყველაფერი ისევ არეულია. ასე უნდა ვიცხოვროთ უწესრიგობაში მომდევნო მასშტაბურ დასუფთავებამდე.
რატომ ხდება ეს და რა უნდა გავაკეთოთ?
სახლში ცხოვრობენ ბავშვები, რომლებმაც ჯერ არ იციან საკუთარი თავის მოწესრიგება. ამ სიტუაციაში ღირს გარემოებების მიღება ისე, როგორც არის და ყველა შესაძლო ხერხის გამოყენება წესრიგის აღდგენის პროცესის გასამარტივებლად. მაგალითად, ყოველ საღამოს არ დაალაგოთ ყველა სათამაშო სხვადასხვა თაროზე და ყუთში, არამედ მოათავსეთ ისინი დიდ სახურავიან ყუთში. ხელთ გქონდეთ საწმენდი საშუალებებისა და მიკრობოჭკოვანი ქსოვილების მარაგი, ჩართეთ მტვერსასრუტი და შეიძინეთ უფრო დიდი ჭურჭლის სარეცხი მანქანა. და, რა თქმა უნდა, თანდათანობით მიაჩვიეთ ბავშვები წესრიგს.
თქვენ მიჩვეული ხართ წმენდას მხოლოდ ერთხელ, კვირის ბოლოს. სინამდვილეში ეს მეთოდი არ მუშაობს. უმჯობესია ბინა ზონებად დაყოთ და ყოველ საღამოს 10-20 წუთი დაუთმოთ დასუფთავებას.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
საცხოვრებელი ზედმეტად გადატვირთულია. ამ შემთხვევაში ძნელია წესრიგის დაცვა იმის გამო, რომ მუდმივად გიწევს უამრავი ნივთის გაწმენდა. იმის ნაცვლად, რომ მუდმივად მიუჩინოთ ნივთებს ადგილი, ჩაატარეთ უსარგებლო ნივთების გადაყრის რამდენიმე სესია. მაშინვე შეამჩნევთ, რომ წესრიგი თავისთავად უფრო დიდხანს შენარჩუნდება.
2. ყოველთვის რჩება უმნიშვნელო ნაკლოვანებები
ბევრისთვის ნაცნობი გრძნობა: რაც უნდა შრომატევადი და ხანგრძლივი იყოს დასუფთავება, იმის თქმა, რომ მთლიანი ბინა საბოლოოდ იდეალურ მდგომარეობაშია, მაინც არ შეიძლება. ყოველთვის არის მცირე ხარვეზები: აივანი სავსეა ნივთებით, გარდერობი გამოტენილია ტანსაცმლით, კომოდი გაჩხერილია დერეფანში.
ამის გამო დალაგება ხდება გაუთავებელი და მტკივნეული პროცესი, შედეგი კი არ არის სახარბიელო.
ამ მოცემულობის შესაცვლელად ჯერ უნდა გაარკვიოთ, რომელი ზონა საჭიროებს გლობალურ ჩარევას და მიზანმიმართულად დაკავდეთ ამით.
მაგალითად, შეარჩიეთ თაროები და კალათები აივნისთვის. დაამატეთ კარადაში შესანახი აქსესუარები და მოაშორეთ ზედმეტი ზედაპირებიდან.
3. არ გსიამოვნებთ დალაგების პროცესი
თუ დალაგების ფიქრი განწყობას გიფუჭებთ და დასუფთავების დასაწყებად საკუთარ თავზე ძალადობა გიწევთ, გააანალიზეთ, კონკრეტულად რა გაღიზიანებთ.
მაგალითად, შეიძლება ეს იყოს აბაზანის რეცხვა. ბინძურ ზედაპირებთან კონტაქტის მინიმუმამდე შემცირებაში დაგეხმარებათ: სქელი რეზინის ხელთათმანები, მძლავრი სარეცხი საშუალებები სპრეის ბოთლებში, ერთჯერადი ტილოები, სამედიცინო ნიღაბი მძაფრი სუნის საწინააღმდეგოდ.
მსგავსი გადაწყვეტილებები შეიძლება შეირჩეს ნებისმიერი დისკომფორტის ზონისთვის.
თუ დასუფთავების პროცესი თავისთავად გთრგუნავთ, მოატყუეთ თქვენი ტვინი და დალაგებას შეუთავსეთ რაიმე სასიამოვნო: სერიალის ყურება, პოდკასტის მოსმენა, ტელეფონზე საუბარი.
4. ალაგებთ მკაფიო გეგმის გარეშე
კიდევ ერთი მიზეზი, რის გამოც დალაგება ხდება ქაოსური, ხანგრძლივი და არაეფექტური, არის ის, რომ მას არ აქვს სცენარი. თქვენ უბრალოდ აკეთებთ იმას, რაც თვალში პირველი მოგხვდებათ და მკაფიო გეგმის გარეშე გადადიხართ ერთი ზონიდან მეორეში.
შემდეგ ჯერზე შეეცადეთ შეაფასოთ სხვადასხვა ოთახში არეულობის ხარისხი და დაფიქრდეთ მოქმედებების თანმიმდევრობაზე.
ჩართეთ ოჯახის წევრები მოწესრიგებაში: როდესაც ამოცანების სია ნათელია, უფრო ადვილია მათი დელეგირება და მკაფიო მითითებების მიცემა.
5. დალაგებას მთელი დღე სჭირდება
კიდევ ერთი ცუდი ნიშანი არის ის, რომ დალაგებას მთელი დღე, ყველაზე ხშირად დასვენების დღე სჭირდება.
ეს ხდება სხვადასხვა ფაქტორის ერთობლიობის გამო: იშვიათად იცილებთ თავიდან უსარგებლო ნივთებს, იშვიათად ალაგებთ გარკვეულ ზონებს, არ გაქვთ დალაგების გეგმა და ოჯახის სხვა წევრების დახმარება.
დაიწყეთ გლობალური პრობლემების მოგვარებით. მოიშორეთ სახლიდან ყველა არასაჭირო ნივთი, გააუმჯობესეთ შენახვის სისტემა, შეიძინეთ მოსახერხებელი საწმენდი მოწყობილობა.
შემდეგ შეგიძლიათ გადახვიდეთ წვრილმანებზე: დაგეგმეთ ყოველდღიური საღამოს ექსპრესწმენდა, გადაანაწილეთ მოვალეობები და შეარჩიეთ ეფექტური სარეცხი საშუალებები.
