გინეკოლოგიური დაავადებები - მკურნალი.გე

რუბრიკები

ოჯახის მკურნალის ანონსი

ივლისი 2019

კითხვა-პასუხი

გინეკოლოგიური დაავადებები

გინეკოლოგიური დაავადებები
ქალის ჯანმრთელობა - ერთობ დელიკატური თემაა: სულ უმნიშვნელო პრობლემაც კი საკმარისია მისი სიმშვიდის დასარღვევად. ქალებს არ უყვართ საუბარი გინეკოლოგიურ პრობლემებზე და შესაბამისად, გაურბიან ექიმთან ვიზიტს უსიამოვნო დიაგნოზის მოსმენის შიშით.

გინეკოლოგიურ პათოლოგიათა ნაწილი დიდი ხნის მანძილზე უსიმპტომოდ მიმდინარეობს, თუ არაფერი გვაწუხებს, გინეკოლოგსაც პროფილაქტიკური გასინჯვისთვის იშვიათად მივმართავთ. ოჯახზე, შვილებზე, მეუღლეზე, სამსახურსა და ათას ცხოვრებისეულ პრობლემაზე ზრუნვით ვერასდროს ვპოულობთ დროს დავრწმუნდეთ, რომ ჯანმრთელნი ვართ.



დაავადებათა ძირითადი ჯგუფები

ქალის სასქესო სისტემასთან დაკავშირებული დაავადებები 3 ძირითად ჯგუფად იყოფა: ინფექციური, ენდოკრინული და სიმსივნური ახალწარმონაქმნები.


ინფექციური

ამ ჯგუფში გაერთიანებულია სასქესო გზით გადამდები ინფექციები: ქლამიდიოზი, ტრიქომონიაზი, გონორეა, კანდიდოზი და სხვა. ჩვეულებრივ, ისინი ფარულად მიმდინარეობს, ამიტომ მათ გამოსავლენად გინეკოლოგთან პროფილაქტიკური ვიზიტის როლი განსაკუთრებით მნიშვნელოვანია.


ენდოკრინული


ჰიპოფიზის, თირკმელზედა ჯირკვლებისა და საკვერცხეების დისფუნქცია უშუალოდ აისახება ქალის შვილოსნობის უნარზე, მისი სქესობრივი ცხოვრების ხარისხსა და გარეგნობაზეც კი. ასეთი დაავადებები შესაძლოა იყოს თანდაყოლილი და შეძენილი. დღეს ამ ჯგუფს სულ უფრო ხშირად აკუთვნებენ გაცხიმოვნებას, რომელიც იწვევს მენსტრუალური ციკლის მოშლას და უნაყოფობას.


სიმსივნური ახალწარმონაქმნები

კეთილი და ავთვისებიანი სიმსივნური წარმონაქმნები დღეს ერთნაირი პრობლემაა როგორც ასაკოვანი, ისე ახალგაზრდა ქალებისთვის. საბედნიეროდ, ავთვისებიანი სიმსივნე უკვე აღარ არის განაჩენი, მნიშვნელოვანია მისი ადრეულ სტადიაზე აღმოჩენა და მკურნალობის დროული დაწყება, რაც კიდევ ერთი არგუმენტია პროფილაქტიკური ვიზიტისთვის, განსაკუთრებით მათთვის, ვისაც საკვერცხეებისა და საშვილოსნოს კიბოსადმი დადებითი მემკვიდრული წინასწარგანწყობა აქვს.


გინეკოლოგიურ დაავადებათა გალერეა


1. საშვილოსნოს ყელის ეროზია;
2. კოლპიტი - საშოს ლორწოვანი გარსის ანთება;
3. საშვილოსნოს მიომა - კეთილთვისებიანი სიმსივნე, რომელიც საშვილოსნოს კუნთოვან გარსში - მიომეტრიუმში ვითარდება. იგრძნობა მისი გაახალგაზრდავება, სულ უფრო ხშირად ის 25-27 წლის ქალების პრობლემაა.
4. ადნექსიტი - საშვილოსნოს დანამატების: საკვერცხეებისა და საშვილოსნოს მილების ანთება;
5. უშვილობა - ქალთა უშვილობა იგულისხმება მაშინ, როდესაც ქალი ვერ ორსულდება რეგულარული სქესობრივი ცხოვრების დაწყების შემდეგ 1 წლის მანძილზე, ამასთან, სქესობრივი კონტაქტი ხდება, სულ მცირე, კვირაში ერთხელ, კონტრაცეფციის საშუალებების გარეშე;
6. ენდომეტრიოზი - დაავადება, რომლის დროსაც საშვილოსნოს შიგნითა შრის ენდოდმეტრიუმის უჯრედები არატიპურ ადგილებში იწყებენ ზრდას. ენდომეტრიოზის ბუნება ბოლომდე შესწავლილი არ არის, თუმცა იმის თქმა შეიძლება, რომ ანთებითი პროცესები მისი მაპროვოცირებელი ფაქტორებია. ენდომეტრიოზი უშვილობის ერთ-ერთი ყველაზე გავრცელებული მიზეზია;
7. საკვერცხეების კისტა - კეთილთვისებიანი წარმონაქმნია, ქსოვილოვანი ღრუ, რომელიც ამოვსებულია თხიერი ან ნახევრად თხიერი შიგთავსით;
8. საშვილოსნოს ყელის დისპლაზია - კიბოსწინარე დაავადებაა, რომლის დროსაც ირღვევა საშვილოსნოს ყელის მფარავი უჯრედების მომწიფება და დიფერენცირება;
9. მენსტრუალური ციკლის დარღვევა - ნებისმიერი გადახრა ნორმალური მენსტრუალური ციკლიდან.
10. ენდომეტრიუმის ჰიპერპლაზია - საშვილოსნოს შიგნითა შრის სისქეში გადიდებაა, მიზეზი ქალის ორგანიზმში მიმდინარე ჰორმონული დარღვევებია;
11. ავთვისებიან სიმსივნეებს შორის ლიდერობს საშვილოსნოს ყელის კიბო. ამასთან, არ შეიმჩნევა მისი შემცირების აშკარა ტენდენცია, რაც ვირუსული ინფექციების ფართოდ გავრცელებას უკავშირდება. ავთვისებიან სიმსივნეებს შორის მნიშვნელოვანი წილი მოდის საკვერხეების კიბოზეც;
12. გინეკოლოგები აღნიშნავენ, რომ უკანასკნელ წლებში საკმაოდ იმატა მოზარდ გოგონათა გინეკოლოგიურმა პრობლემებმა, რაც ადრე დაწყებული სქესობრივი ცხოვრებისა და არასათანადო დონეზე განვითარებული სქესობრივი კულტურის შედეგია. გახშირდა, მოზარდთა როგორც ინფექციური, ისე ენდოკრინული ტიპის პრობლემები.

გაითვალისწინეთ! ნებისმიერი გინეკოლოგიური დაავადება ადრეულ სტადიაზე იკურნება, ამიტომ მნიშვნელოვანია წესად ვაქციოთ 6 თვეში ერთხელ გინეკოლოგთან ვიზიტი: გიყვარდეთ თავი და იყავით ჯანმრთელი!
გააკეთეთ კომენტარი
თარიღი : 05-07-2019
Malvina
Gamarjobat. Zalian mainteresebs menstuaciis shemdeg erti kviraa gasuli da vardisferi gamonadeni maqvs patara patara koltebit tan meqaveba da tan wvis shegrzneba maqvs raunda iyos zalian mainteresebs gtxovt mipasuxot
რეკომენდებული პროდუქტები
რეპროდუქციული ასაკის ქალებისათვის - 30აბი
ფასი: 42.9
გონებრივი აქტიურობის შესარჩუნებლად-30აბი
ფასი: 34.9
ხვრინვის საწინააღმდეგო საშუალება-20მლ აეროზოლი
ფასი: 37.4
უსაფრთხო პრენატალური ფორმულა -90აბი
ფასი: 74.9
დიეტოლოგია
დიეტური კვება აუმჯობესებს ნაწლავის პერისტალტიკას და უზრუნველყოფს მის დროულ დაცლას;
წონის კორექციის მსურველებს დიეტოლოგები რამდენიმე რჩევას აძლევენ - არ შეიძლება ისეთი აბებისა თუ
მკვლევარებმა შეადარეს ეფექტი, რომელსაც დაბალი და მაღალი ენერგეტიკული სიმკვრივის პროდუქტები მადასა
კატეგორიის სხვა სტატიები
ტესტით სისხლში იძებნება დაავადებისთვის დამხასიათებელი დნმ-ის ფრაგმენტი, რაც ინვაზიური სადიაგნოსტიკო
კვერცხუჯრედები საკვერცხეების ფოლიკულებში წარმოიქმნება და ფორმირების პროცესს გოგონებთან
2018 წელს ორსულობის ხელოვნური შეწყვეტის (აბორტის) რეგისტრირებული რაოდენობა გასულ წელთან შედარებით
საკვერცხეების პოლიკისტოზური სინდრომი წარმოადგენს ჰორმონული დისბალანსისა და ნივთიერებათა
ენდომეტრიოზი XXI საუკუნის ერთ-ერთი გავრცელებული გინეკოლოგიური დაავადებაა
ადნექსიტი - საშვილოსნოს დანამატების - ფალოპის მილებისა და საკვერცხეების ანთებაა.
ბალახეული ნაყენები: ბალახეულ ნაყენებს ორგვარად - ცხელი და ცივი მეთოდით - ამზადებენ. ცივი მეთოდი ასეთია: ნედლეულს
ბებიაჩემი გამუდმებით ჩამჩიჩინებს, რომ კანი კოსმეტიკით არ უნდა გადავტვირთო, რომ კონსერვანტები ზამთარშიც ეყოფა, ახლა კი დასვენება და ცოცხალი ვიტამინები სჭირდება. მართლა ასეა თუ არა?


ბაღი ნამდვილად ყველა სახლს დაამშვენებს. ბაღიან ეზოში დასვენება, განტვირთვა ძალიან სასიამოვნო და სასარგებლოა.
აღმოსავლელი მკურნალები გვირჩევენ:

კვების სიბრძნე
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად