რა უნდა იცოდეს მომავალმა დედამ - მკურნალი.გე

რუბრიკები

ოჯახის მკურნალის ანონსი

მარტი 2020

რა უნდა იცოდეს მომავალმა დედამ

რა უნდა იცოდეს მომავალმა დედამ
ორსულობის მშვიდად, გართულებების გარეშე წარმართვისათვის,
ჯანსაღი ბავშვის ჩასახვისა და გაჩენისათვის გარკვეული მომზაადებაა საჭირო. რატომ და როგორ უნდა მოვემზადოთ ორსულობისთვის - ამ საკითხებზე გვესაუბრება მედიცინის მეცნიერებათა დოქტორი, პროფესორი დავით გაგუა.

- რა უნდა იცოდეს წყვილმა, რომელიც გეგმავს ორსულობას - რისი გათვალისწინებაა აუცილებელი?

- წყვილის მიერ ორსულობის დაგეგმვა არის დიდი პასხუსმგებლობა, ამიტომ ჩასახვამდე აუცილებელია წყვილის ვიზიტი ექიმთან, სათანადო გამოკვლევების შემდეგ შესაძლებელია დაიგეგმოს ორსულობა.

- რა რეკომენდაციებს მისცემთ ორსულებს?

ქალმა, რომელიც გეგმავს ორსულობას, აუცილებლად უნდა დაიცვას შემდეგი რეკომენდაციები:

  • ჯანმრთელი ცხოვრების წესი;
  • ჯანსაღი კვება;
  • ოპტიმალური წონის შენარჩუნება;
  • მავნე ჩვევებზე უარის თქმა;
  • ფოლიუმის მჟავის მიღება ორსულობამდე, სულ ცოტა, 6 კვირით ადრე.

- ორსულობამდე მიღებული მედიკამენტები მოქმედებს თუ არა უარყოფითად ნაყოფზე?

- უნდა შეფასდეს კონკრეტული მედიკამენტის მოქმედება ინდივიდუალურად.

- როგორ მოქმედებს თამბაქო ორსულობაზე?

- ორსულობის დროს თამბაქოს გამოყენება დაკავშირებულია სპეციფიკურ რისკებთან, ეს არის: ნაყოფის საშვილოსნოსშიდა
ზრდის შეფერხება, ნაადრევი მშობიარობა და ა.შ. ქალმა, რომელსაც სურს დაორსულება, და ასევე ორსულმა, უნდა შეწყვიტოს თამბაქოს, ალკოჰოლისა და ნარკოტიკული საშუალებების გამოყენება, ვინაიდან ისინი მნიშვნელოვნად ზრდის თვითნებითი აბორტისა და ნაყოფის განვითარების ანომალიების რისკს.

- უნდა შეიზღუდოს თუ არა ყავა ორსულობისას?

- ზომიერად მიღება შეიძლება. ორსულმა ქალმა, რომელიც ჭარბი რაოდენობით იღებს კოფეინის შემცველ სასმელებს, სასურველია შეზღუდოს მათი დღიური მიღება, რათა შეამციროს ორსულობის შეწყვეტისა და მცირე წონის ახალშობილის გაჩენის რისკი.

- რა უნდა იცოდეს ორსულმა მგზავრობისას?

- ორსულისთვის რეკომენდებულია სამი საფიქსაციო წერტილის მქონე ღვედის გამოყენება მგზავრობის დროს, რასაც სამწუხაროდ ჩვენთან ნაკლებად აქცევენ ყურადღებას.

საჰაერო მოგზაურობა ორსულებში ასოცირდება ვენური თრომბოემბოლიზმის რისკის ზრდასთან. ზოგადად კომპრესიული წინდების სწორი გამოყენება ეფექტური საშუალებაა თრომბოემბოლიზმის რისკის შესამცირებლად.

- როგორია კვებითი რეკომენდაციები?

- ორსული უნდა მოერიდოს ნაკლებად მოხარშულ საკვებს, ზღვის პროდუქტებს, ასევე არ არის რეკომენდებული მისთვის ღვიძლისა და ღვიძლის პროდუქტების მიღება, რადგან შეიცავენ დიდი რაოდენობით A ვიტამინს, თუთიას და სხვა ნივთიერებებს, რომლებიც არ არის სასურველი ორსულობის დროს.

- დაშვებულია თუ არა ვარჯიში ორსულობისას?

- ორსულისთვის ზომიერი ვარჯიში დასაშვებია მთელი ორსულობის განმავლობაში და არ ასოცირდება უარყოფით გამოსავალთან.
გააკეთეთ კომენტარი
კომენტარი არ გაკეთებულა
მსგავსი სიახლეები
საოცარი განცდაა ხოლმე - სიამაყის, აღმაფრენის, სიდიადის, როდესაც ჩვენი თანამემამულე უცხოეთში
11-06-2018
დიეტოლოგია
ადამიანები ხშირად ჩივიან, რომ წონას ვერ იკლებენ, მიუხედავად იმისა, რომ დიეტასაც იცავენ,
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
კატეგორიის სხვა სტატიები
საშვილოსნოს მიომა და საკვერცხის კისტა რეპროდუქციული ასაკის ქალების ხშირი პრობლემაა.
დღევანდელი რუბრიკის თემაა ენდომეტრიოზი.
კისტა ტომრისმაგვარი წარმონაქმნია, აქვს კედელი და შიგთავსი, შესაძლოა წარმოიქმნას სხვადასხვა ქსოვილსა და ორგანოში.
დღევანდელი რუბრიკის ფარგლებში განვიხილავთ ერთ-ერთ ყველაზე გავრცელებულ პათოლოგიას გინეკოლოგიურ-ენდოკრინოლოგიაში.
გინეკოლოგიური დაავადებები ქალის ჯანმრთელობის ერთ-ერთი უმნიშვნელოვანესი პრობლემაა როგორც მსოფლიოში, ისე საქართველოში.
ვირუსების ნაწილაკები საათობით ინარჩუნებენ აქტივობას მშრალ, თბილ და უმოძრაო ჰაერში
კორონავირუსის პანდემიამ აქტუალური გახადა ყველგან და ყველაფერში სისუფთავის დაცვის საკითხი.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად