ლალი ჩხიკვაძე

სამსახურებრივი თუ ოჯახური მოვალეობებით დაიტვირთებიან, ხოლო მათ, ვისთვისაც უჩვეულოა ფიზიკური დატვირთვა, სპორტს კვირაში რამდენიმე საათი უნდა დაუთმონ. ვარჯიში აუცილებელია ჯანმრთელობისთვის, მაგრამ თუ რამდენიმე მიზანს ერთდროულად დავისახავთ, ადვილად შეიძლება, ყველა ფრონტზე დავმარცხდეთ. წარმატებით გადაიჭრება მხოლოდ სწორად დასმული, რეალური და პრაქტიკულად შესრულებადი ამოცანები.

ნუ გადაიტვირთავთ თავს და ნუ დაელოდებით სწრაფ შედეგს. ნუ დაანებებთ ვარჯიშს თავს მხოლოდ იმიტომ, რომ ერთი შეხედვით არაფერი გამოგდით. მუდამ გახსოვდეთ ბრძნული გამონათქვამი: „ყველაზე გრძელი მოგზაურობაც კი პირველი ნაბიჯით იწყება, მაგრამ იყავი ფრთხილად და ყურადღებით - ამ ნაბიჯის გადადგმისას ადვილია წაბორძიკება და ტალახში ჩავარდნა”. რაც არ უნდა მოხდეს, მიზანსწრაფულობა როგორც ცხოვრებაში, ისე ვარჯიშის დროსაც დაგეხმარებათ.

ახალბედა სპორტსმენების ერთ-ერთი ყველაზე გავრცელებული შეცდომაა ზედმეტი დატვირთვა. მეტისმეტად ინტენსიურმა ვარჯიშმა შესაძლოა სახსრების დაზიანება და სხვა მძიმე გართულებები გამოიწვიოს.

• ვარჯიში დამწყებთათვის

ვიდრე ნებისყოფის განვითარების პროგრამას სრულად აითვისებდეთ, სცადეთ რომელიმე ძალისმიერი ვარჯიში მზარდი დატვირთვით. ჯობს, მიმართოთ ნაცნობ სპორტულ დარბაზს, სადაც კვალიფიციური პერსონალი შეგირჩევთ სავარჯიშო პროგრამას, რომელიც თქვენს მოთხოვნებს დააკმაყოფილებს.

• რა სიხშირით ვივარჯიშოთ?

საუკეთესი ვარიანტია კვირაში 3 დღე ვარჯიში. გაითვალისწინეთ მოთელვის წესები:

-მოთელვის სწორი მეთოდიკა მოიცავს 3-დან 5 წუთამდე ვარჯიშს გულ-სისხლძარღვთა სისტემისთვის და 5-10-წუთიან კუნთების გაჭიმვას, რაც კუნთების ეფექტურ სტიმულაციას შეუწყობს ხელს.

-კუნთების გაჭიმვა უნდა მოხდეს ნელა, ფრთხილად, ძალდაუტანებლად.

-ეცადეთ, სპორტდარბაზში მიხვიდეთ კარგად დასვენებული; მძიმე სამუშაო დღის შემდეგ ძალისმიერი ვარჯიშები დიდ სიამოვნებას ვერ მოგანიჭებთ.

-არასოდეს აირჩიოთ ზედმეტად რთული ან დაძაბული პროგრამა.

-სიმძიმეების აწევა დაიწყეთ ყველაზე მსუბუქი წონით, მოკლე ხნით და მცირე ინტენსივობით. წონა თანდათან გაზარდეთ, ისე, რომ არ გადაიძაბოთ.

ახალბედამ არ უნდა დაივიწყოს უმნიშვნელოვანესი წესი:

-დაისვენოს 1 წუთის განმავლობაში ვარჯიშის ყოველი სერიის შემდეგ.

-არ შეიძლება ვარჯიშის დროს სუნთქვის შეკავება, ეცადეთ, ისუნთქოთ შეძლებისდაგვარად ბუნებრივად, მოახდინოთ მოძრაობისა და სუნთქვის კოორდინაცია - ჩაისუნთქოთ მოდუნებისას (ტვირთის დაშვებისას) და ამოისუნთქოთ დაძაბვისას (სიმძიმის აწევის ან ატაცებისას).

-მუდმივი მოძრაობის დროს ამოსუნთქვა ხდება ხელების სხეულისკენ მიზიდვისას, ხოლო ჩასუნთქვა - განზიდვისას;

-ამოვისუნთქავთ კორპუსის წინ დახრისას, ხოლო გამართვისას ჩავისუნთქავთ.

ტრენაჟორი სახლში

არისტოტელე ამბობდა, მოძრაობა ცხოვრებაა, ამიტომ ყოველდღიური ფიზიკური დატვირთვა აუცილებელია ორგანიზმისთვის, რათა მან დიდხანს შეინარჩუნოს ჯანმრთელობა და სასურველი აღნაგობა.