ბავშვი და მობილური ტელეფონი - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

ბავშვი და მობილური ტელეფონი

მაგრამ არის მეორე მხარეც: თუ პატარას მობილური არ ვუყიდეთ, გაგვინაწყენდება და შესაძლოა, დეპრესიაშიც კი ჩავარდეს იმის გამო, რომ ”მობილური ყველას აქვს მის გარდა".

  • ფუფუნებაა თუ არა?

რა ასაკიდან უნდა შევუძინოთ ბავშვს მობილური ტელეფონი? პასუხი, უპირველეს ყოვლისა, იმაზეა დამოკიდებული, გჭირდებათ თუ არა ფიჭური კავშირი შვილთან კონტაქტისთვის. მეორე განმსაზღვრელი ფაქტორია ბავშვის უნარი, ისარგებლოს ცივილიზაციის ამ სიკეთით. ეცადეთ, არ მოექცეთ იმ მოზარდების გავლენის ქვეშ, რომლებიც თავს იწონებენ ახალი, ”სრულყოფილი” მოდელებით. ბავშვი პატარაობიდანვე მიაჩვიეთ იმ აზრს, რომ ტელეფონი სათამაშო არ არის. ”ჯადოსნურმა ყურმილმა” არ უნდა დაჩრდილოს დანარჩენი სამყარო და მოზარდის ინტერესები არ შთანთქას. რა თქმა უნდა, მშობლების მაგალითს გადამწყვეტი როლი ენიჭება, ამიტომ ყურადღებით დააკვირდით საკუთარ საქციელს.

  • მოზრდილთა სათამაშო

დღევანდელი ბავშვები ძალიან კარგად ერკვევიან ტექნიკის სიახლეებში, იოლად ითვისებენ ნებისმიერ ნიუანსს, თუმცა მიზანშეწონილი არ არის, ბავშვს 7 წლამდე მივცეთ მობილური ტელეფონით სარგებლობის უფლება. მეორე მხრივ, ტელეფონის შეძენა მისთვის შესაძლოა ანბანის შესწავლის სტიმულად იქცეს, რათა მალე შეძლოს მენიუში ორიენტირება და ტექსტური შეტყობინებების გაგზავნა.

თუ მობილური ტელეფონი ბავშვს უკვე უყიდეთ, აუცილებლად ესაუბრეთ მისი გამოყენების კულტურაზე.

  • უპირველეს ყოვლისა, აპარატი ყოველთვის განცალკევებით უნდა იდოს და არა სხვა სათამაშოებს შორის, თანაც - ისეთ ადგილას, რომ ზარი კარგად გაიგონოს. არც კისერზე უნდა ჰქონდეს ჩამოკიდებული, რათა მოძრაობა არ შეუზღუდოს.
  • მეორე: ბავშვმა ტელეფონით აუცილებლობისას უნდა ისარგებლოს და არა მაშინ, როცა საქმე არ აქვს და არ იცის, რა აკეთოს.
  • მესამე: აპარატი ყოველთვის დამუხტული უნდა იყოს, რათა საჭირო მომენტში არ გვიღალატოს.

საჭიროა განვიხილოთ ის საკითხიც, რა თანხას გამოყოფთ სატელეფონო ხარჯებისთვის ერთი კვირის ან ერთი თვის განმავლობაში. მიაჩვიეთ ბავშვი, მოცემულ თანხაში ჩაეტიოს.

  • ჩანთა რეკავს!

მივცეთ თუ არა ბავშვს უფლება, ატაროს ტელეფონი სკოლაში? ერთი მხრივ, ძვირიანი ნივთის ტარება სარისკოა, თუნდაც იმიტომ, რომ ბავშვმა შესაძლოა თამაშის დროს ფანჯრის რაფაზე ან სკამზე დადოს და დაავიწყდეს. მეორე საკითხია, იცის თუ არა ბავშვმა ტელეფონის გამოთიშვა ან, უბრალოდ, ხმის დაწევა გაკვეთილების დროს. ცხადია, თქვენც უნდა დაიმახსოვროთ გაკვეთილების ცხრილი, შესვენებათა განრიგი და ხანგრძლივობა, რათა ხელი არ შეუშალოთ სასწავლო პროცესს. დაფიქრდეთ იმაზეც, ხომ არ გაუფანტავს მობილური ბავშვს ყურადღებას გაკვეთილებზე და, საერთოდ, ხელს ხომ არ შეუშლის სწავლაში. ამ კითხვებზე პასუხის გაცემა ცდისა და შეცდომის მეთოდით შეიძლება: დააკვირდით, როგორ იქცევა ბავშვი, რა დროს უთმობს თამაშს, ფოტოების გადაღებას, sms-ების გაგზავნას. გაითვალისწინეთ: აშშ-ში, მაგალითად, სკოლის მოსწავლეები გაკვეთილების მსვლელობის დროს მობილურ ტელეფონებს პირად კარადებში ინახავენ.

  • მხსნელი ტარიფი

ზოგჯერ ბავშვს სასწრაფოდ სჭირდება თქვენთან დარეკვა, მაგრამ აღმოჩნდება, რომ სატელეფონო საუბრისთვის ან გზავნილებისთვის საჭირო დეპოზიტი ამოწურულა. ასეთი შემთხვევებისთვის სატელეფონო კომპანიები გვთავაზობენ საგანგებო სერვისს, მაგალითად, თანხის გადარიცხვას თქვენი ანგარიშიდან. არსებობს სპეციალური საბავშვო ტარიფიც - მისი წყალობით ბავშვი მშობლებს ნულოვანი ბალანსის დროსაც კი დაუკავშირდება. დღეისთვის ასეთი სერვისები მობილური კავშირის თითქმის ყველა კომპანიას აქვს. მათ შესახებ დაწვრილებით ინფორმაციას სერვისცენტრებში მოგაწვდიან.