მომეცი, მინდა, ჩემია! - მკურნალი.გე

რუბრიკები

ოჯახის მკურნალის ანონსი

ნოემბერი 2020

კითხვა-პასუხი

მომეცი, მინდა, ჩემია!

მომეცი, მინდა, ჩემია!
2 წლის ასაკამდე ბავშვების უმრავლესობა სიმშვიდით გამოირჩევა, ნაკლებად პრეტენზიულები არიან, ჯერ კიდევ არ შეიმჩნევა მათში მესაკუთრის თვისებები. 2 წლის შემდეგ კი საკუთარი ნივთების მიმართ ბევრს განსაკუთრებული დამოკიდებულება უჩნდება. თუ მათ სათამაშოს ვინმე ეხება, უცხო ადამიანი ან თანატოლი, ბავშვები იწყებენ ნერვიულობას, უჭირთ თავანთი საკუთრების სხვებისთვის განაწილება. მშობლებს უჩნდებათ შიში, რომ ეს სიხარბის მაჩვენებელი არ იყოს.
უპირველესად, უნდა გავიგოთ, საიდან იღებს სათავეს სიხარბე. ხშირად ამისკენ თავად მშობლები უბიძგებენ ბავშვს.

თუ ოჯახის ყველა წევრი უსიტყვოდ ასრულებს ბავშვის ახირებებს, დადგება დღე, როცა ის თავს
სამყაროს ჭიპად წარმოიდგენს, გაუჩნდება განსაკუთრებულობის რწმენა და სხვათა მანიპულირების მოთხოვნილება.

სიხარბის მაპროვოცირებელი შესაძლოა ეჭვიანობაც იყოს. უფროსი შვილი, რომელიც ხედავს, რა მზრუნველობითა და სინაზით ეპყრობა დედა უმცროსს, უნებურად ეჭვიანობას იწყებს, ეჩვენება, რომ ის აღარ სჭირდებათ, აღარ უყვართ. ესაუბრეთ ბავშვს, აუხსენით, რომ უმცროსი დის ან ძმის დაბადების
შემდეგ მისდამი დამოკიდებულება არ შეგცვლიათ, ასევე სთხოვეთ, თავად გადაწყვიტოს, რომელი ნივთებია (სათამაშოები, ნახატები და ა.შ.) მისთვის გამორჩეულად ძვირფასი და მიეცით უფლება, არ ათხოვოს ისინი უმცროსს.


როგორ ვებრძოლოთ სიხარბეს?

ნუ დაუსახავთ შვილს მაგალითად თანატოლებს - ამან შესაძლოა მხოლოდ გააღიზიანოს და გააბრაზოს ის, საპირისპიროდ მოქცევა აიძულოს, უარეს შემთხვევაში კი, მის წინააღმდეგ განაწყოს. ნუ დაუძახებთ ბავშვს ხარბს - ამით შესაძლოა შთაუნერგოთ, რომ ის ცუდია; აზრი საკუთარი სიხარბის შესახებ შეიძლება ქვეცნობიერში ჩაებეჭდოს და ხასიათის ეს თვისება ნორმად მიიჩნიოს. ასევე არ შეიძლება სათამაშოს ძალით წართმევა და სხვა ბავშვისთვის გადაცემა.

ასე არაფრით მოიქცეთ! შესთავაზეთ პატარას, რომელიმე ბავშვს გაუცვალოს სათამაშო, თან ზუსტად განუსაზღვრეთ დრო (5-10 წუთით). დროდადრო სთხოვეთ, მოგცეთ თავისი ნივთებით სარგებლობის უფლება, მის საყვარელ სკამზე დაჯდომის ნება და ა.შ. თუ უარს იტყვის, აუხსენით, რომ სხვისთვის რამის გაყოფა ყოველთვის სასიამოვნოა, სიკეთე, ხელგაშლილობა ადამიანს სხვა ადამიანთან კონტაქტში ეხმარება. გულუხვობის ნებისმიერი გამოვლინება წაახალისეთ, ახლობლების ან თანატოლების მიმართ გამოჩენილი ხელგაშლილობისთვის აუცილებლად შეაქეთ. შესთავაზეთ პატარას, რაიმე აჩუქოს ბებიას, ბაბუას, დას, ძმას, ბიძაშვილს, ნებისმიერ სხვა ახლობელსა თუ ნათესავს. თუ საბავშვო ბაღში მიდის, გაატანეთ კანფეტები, რათა მეგობრებს გაუმასპინძლდეს. უკითხეთ წიგნები, სადაც მოთხრობილია, სადამდე მიიყვანა მთავარი გმირები სიხარბემ. ეცადეთ, ბავშვი დიდი სიფრთხილით გადააჩვიოთ სიხარბეს, რომ, იმავდროულად, სხვა კომპლექსი არ გაუჩინოთ.

დაბოლოს, უბრალოდ გიყვარდეთ - სიყვარულითა და მზრუნველობით გარემოცული ადამიანი არასოდეს გახდება ხარბი.
გააკეთეთ კომენტარი
კომენტარი არ გაკეთებულა
მსგავსი სიახლეები
მხედველობის სისტემის ჩამოყალიბება ხდება 1-5 წლის ასაკში, როდესაც ფორმირდება ძირითადი ფუნქციები: მხედველობის
24-10-2019
ბავშვისთვის ყველაზე კარგი მაგალითი მშობლის ქცევაა და არა რჩევა-დარიგებები. როგორ აღვზარდოთ
20-08-2019
ზაფხული პერიოდია, რომელიც ჩვენს შვილებს კიდევ უფრო მეტად გვაახლოებს.
13-07-2019
დიეტოლოგია
ნიგოზი გულისთვის განსაკუთრებულად სასარგებლო პროდუქტადაა აღიარებული.
ღვიძლი ის ორგანოა, რომელიც მრავალ, მნიშვნელოვან ფუნქციას ასრულებს. ამიტომ მის დასაცავად ყველაფერი უნდა გავაკეთოთ.
კატეგორიის სხვა სტატიები
სიტუაცია განსჯისათვის: მოზრდილმა გოგონამ მამასა და დედინაცვალთან ერთად ცხოვრება გადაწყვიტა.
ბავშვი რა ასაკიდან დავტოვოთ მარტო, უფროსების მეთვალყურეობის გარეშე?
"მკურნალს" ფსიქოლოგი მეგი გოგოხია იმ აქტუალურ საკითხებზე ესაუბრება, რომლებიც ბოლო დროს დადგა ჩვენი საზოგადოების წინაშე:
ემოციები უზარმაზარ ზემოქმედებას ახდენენ მოზრდილ ადამიანთა ცხოვრებაზეც, რომ არაფერი ვთქვათ ბავშვებზე.
აღმოჩნდა, რომ არსებობს "პირველი სამი წუთის" ეფექტი და მან ბევრი ოჯახის ცხოვრება შეცვალა უკეთესობისკენ...
პერინატალური ფსიქოლოგიის წარმომადგენლებს დაუგროვდათ საკმაო ინფორმაცია,
შაქარი და ცხიმები წარმოადგენს ძირითად საწვავს, რომელიც კვებავს სხეულის თითოეულ უჯრედს.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად