ჩვენი წიგნი - მკურნალი.გე

რუბრიკები

ოჯახის მკურნალის ანონსი

მარტი 2020

ჩვენი წიგნი

ჩვენი წიგნი
რა დასამალია - საბავშვო წიგნი არ არის იაფი სიამოვნება. მოდი, ვცადოთ და ჩვენივე ხელით შევქმნათ წიგნი. ეს საინტერესო და სახალისო სამუშაოა. შეიძლება, ზოგიერთი გაკვირვებულიც დარჩეს - მიზანი არცთუ მარტივი და თანაც უცნაურია! მათ საყურადღებოდ ვიტყვით, რომ თვითნაკეთი წიგნი მართლაც საინტერესო სიახლეა. მისი შექმნა არც ისე რთულია, როგორც ერთი შეხედვით შეიძლება მოგვეჩვენოს. საკმარისია გვერდები, ყდა, მათი შეერთება, შინაარსი, ტექსტის დაწერა და რამდენიმე ილუსტრაცია.


გვაქვს იდეა!
მოდი, ვისაუბროთ იმაზე, რას უნდა მივაქციოთ ყურადღება ჩვენი საინტერესო იდეის ხორცშესხმის პროცესში. უპირველესად, აუცილებელია წიგნის საფუძველი.
საამისოდ მრავალი ვარიანტი არსებობს. ვარიანტი პირველი - საფუძვლად გამოდგება რვეული, ბლოკნოტი ან სახატავი ალბომი. არჩევანი იმაზეა დამოკიდებული, რა ფორმატის წიგნი გვინდა გავაკეთოთ. ამ შემთხვევაში საჭირო იქნება ყდისა და ფურცლების გაფორმება, მათზე ტექსტისა და სურათების მოთავსება. ვარიანტი მეორე - ცალკე უნდა მოვამზადოთ საჭირო რაოდენობის გვერდი, მერე
კი მოვათავსოთ ისინი ყდაში (ალბომში) ან საქაღალდეში გამჭვირვალე ფაილებით. ამ ვარიანტის ღირსება ისაა, რომ ფაილებში მოთავსებული ფურცლები არ დაისვრება და არ დაიხევა, უფრო მეტხანს შეინახება. ვარიანტი მესამე - საჭირო ზომისა და ფორმის ფურცლები და ყდა შეიძლება გამოვჭრათ მუყაოსაგან. ეს ვარიანტი უფრო მეტ დროსა და მასალას მოითხოვს, მაგრამ წიგნი უფრო ლამაზი და ორიგინალური იქნება. შეიძლება სპეციალური სქელი ფერადი ფურცლების შეძენაც. ფურცლების ფორმაც ჩვენსავე ფანტაზიაზეა დამოკიდებული. შეგვიძლია შევქმნათ არა მარტო კვადრატის ან ნახევარწრის, არამედ პატარა სახლის, მანქანის, რომელიმე ცხოველის ფორმის წიგნი. რასაკვირველია, ფორმა წიგნის შინაარსს უნდა ესადაგებოდეს. მზა ფურცლები შეიძლება გავხვრიტოთ და ლამაზი ლენტით ან სპეციალური რგოლებით შევკრათ. შეიძლება, თითოეულ ფურცელზე ფერადი ფურცლებით შევასრულოთ აპლიკაცია. ჯობს, ავირჩიოთ ნაზი ფერები, რათა ტექსტის წაკითხვა არ გაგვიჭირდეს. შეიძლება ფურცლების გაფორმება აკვარელით. როცა წიგნის საფუძველს მოვამზადებთ, შინაარსზე დაფიქრების დროც მოვა.

რაზე დავწეროთ?
ასეთ წიგნს საკუთარი სიამოვნებისათვის ვაკეთებთ. შესაბამისად, შინაარსიც ჩვენს სურვილზეა დამოკიდებული. საოჯახო ქრონიკა - შეიძლება, წიგნის თითოეული გვერდი ოჯახის თითოეულ წევრს დაეთმოს. პირველ გვერდზე შეიძლება იყოს ოჯახური პორტრეტი, ბოლოზე - გენეალოგიური ხე. ფურცლებზე შეიძლება მოთავსდეს ბავშვების ნახატები, დაიწეროს პატარა მოთხრობები მათ შესახებ. ასევე შეიძლება შეიქმნას წიგნი მეგობრების შესახებ. მინიენციკლოპედია - წიგნი შეიძლება შეიცავდეს ინფორმაციას ბავშვებისათვის საინტერესო საკითხებზე. მაგალითად, შეიძლება დავწეროთ დინოზავრების, ძაღლების, მანქანების, მცენარეების შესახებ. ყოველ გვერდზე უნდა იყოს ილუსტრაცია და მოკლე ჩანაწერი. ასეთი წიგნის შესაქმნელად ბავშვს მოუწევს შრომა - ინფორმაციის მოძიება, მთავარი და საინტერესო საკითხების გამოყოფა, საკუთარი ტექსტის შედგენა. რასაკვირველია, დასჭირდება უფროსების დახმარებაც. ეს ძალიან სასარგებლო იქნება - ბავშვი ცოდნასაც გაიმდიდრებს და ინფორმაციის წყაროსთან მუშაობის ჩვევებსაც შეიძენს, რაც ძალიან გამოადგება მომავალში. მხატვრული ლიტერატურა - საკუთარ წიგნში შეიძლება მოვათავსოთ საყვარელი ზღაპარი ან მოთხრობა. საკმარისია მისი ნაწილებად დაყოფა და ფურცლებზე გადატანა. საკუთარი ნაწარმოები - ეს კიდევ ერთი ვარიანტია. მართლაც, რა სჯობია იმას, თუ წიგნში ბავშვის მიერ შეთხზული მოთხრობა, ლექსი ან ზღაპარი ჩაიწერება.

ვიწყებთ წერას!
მაშ ასე, თემა შერჩეულია, ტექსტიც - შედგენილი. ჯობია, ის თავდაპირველად შავად დავწეროთ, რომ შეცდომების გასწორებისას  წიგნის იერი არ შეილახოს. უფრო მიმზიდველია ხელნაწერი ტექსტი. ის ფანტაზიის საშუალებასაც გაძლევთ - შეგიძლიათ, ასოები გააფორმოთ. თუ ბავშვმა უკვე იცის წერა-კითხვა, ურიგო არ იქნება, ტექსტი თვითონვე დაწეროს. რასაკვირველია, თქვენი დახმარებით. ამ მეთოდით შესრულებული წიგნი  საუკეთესო სუვენირი იქნება. რა თქმა უნდა, შეიძლება კომპიუტერის შესაძლებლობებიც გამოვიყენოთ - ჩვენ მიერ შერჩეული შრიფტით შესრულებული ტექსტი გამოვჭრათ და ფურცლებზე დავაწებოთ.

რა დავხატოთ?
წიგნის დასურათება ყველაზე საინტერესო მომენტია. ის არა მარტო ფანტაზიას აძლევს გასაქანს, არამედ ბავშვს სხვა თვალითაც დაანახვებს წიგნს. ბავშვი გაიგებს, რას ნიშნავს “ფორზაცი”, “მთავრული ასო”, “ილუსტრაცია”. თუ საყვარელ ზღაპარს ასურათებთ, კარგი იქნება, წინასწარ გაეცნოთ სხვადასხვა ილუსტრატორის ნამუშევრებს, შეადაროთ მათი სტილი, მანერა, ფერები.

ილუსტრაციის ხერხები
წიგნის ილუსტრირება სხვადასხვა ხერხითაა შესაძლებელი. შეგიძლიათ:

  • დახატოთ სურათი აკვარელით ან ფანქრით.
  • შეასრულოთ აპლიკაცია - ამისთვის შეიძლება გამოიყენოთ არა მარტო ქაღალდი, არამედ ქსოვილი, გამხმარი ფოთლებიც.
  • ძველი ჟურნალიდან ამოჭრათ შესაფერისი ნახატი.

წიგნის გაფორმება არ არის მხოლოდ ტექსტის ილუსტრირება - შეიძლება, ფურცლები შევამკოთ ჩარჩოებით, ორნამენტებით, მთავრული ასოებით.


გააკეთეთ კომენტარი
კომენტარი არ გაკეთებულა
დიეტოლოგია
ტვინისათვის სასარგებლო ბოსტნეულიდან დიეტოლოგები გამოყოფენ წითელ კომბოსტოს, ჭარხალსა და ისპანახს. წითელი კომბოსტო მეტად სასარგებლოა ტვინის
თუ შეკრულობა (ყაბზობა) გაწუხებთ, რეგულარულად უნდა მიირთვათ ბროკოლი, ვაშლი და ისპანახი.
შვრია აქვეითებს სისხლში ქოლესტერინის დონეს, ანთების მაჩვენებლებს, წონას და აუმჯობესებს საჭმლის მონელებას.
კატეგორიის სხვა სტატიები
წარმოდგენილ ვიდეოში განვიხილავთ დამატებით კვების შეტანის სქემას 6-დან 12 თვემდე ასაკის ბავშვებში,
კანადელი მეცნიერების განცხადებით, რძის მოყვარული ბავშვები თანატოლებთან შედარებით ბევრად მაღლები არიან. გარდა ამისა, მათ უფრო მეტად ჯანსაღი თმა და ფრჩხილები აქვთ.
ბავშვის ორგანიზმის ნორმალური ფუნქციონირებისა და ჯანსაღად განვითარების მთავარი წინაპირობა კვების სწორად შერჩევაა. ეს პროცესი საკმაოდ კომპლექსურია და დიდ დაკვირვებას მოითხოვს, განსაკუთრებით იმ პირობებში, როდესაც ბაზარი ზედმეტად გაჯერებულია საინტერესო რეკლამებითა და მიმზიდველი შეფუთვების მქონე უამრავი პროდუქციით.
ხილის წვენი ასეთი პატარებისთვის სასარგებლო არაა. უფრო მეტიც, ამის გამო ბავშვმა შეიძლება წონაში ზედმეტად
სკოლა მთლიანად ჯანსაღი ცხოვრების წესთან უნდა ასოცირდებოდეს, მათ შორის კვების ნაწილშიც – ამის შესახებ განათლების მინისტრმა ალექსანდრე ჯეჯელავამ განაცხადა.
კერძის მომზადების ბოლო აკორდი გემრიელი სოუსია. ის განსაკუთრებით პიკანტურს ხდის კერძს. საბავშვო კულინარიაში კი სოუსი დაგეხმარებათ გაალამაზოთ და გაამრავალფეროვნოთ ბავშვის, განსაკუთრებით უჭმელი პატარის მენიუ. რა სახის სოუსების მომზადება შეგვიძლია ბავშვისთვის - ამ საკითხზე გვესაუბრება პედიატრი მარინა აფციაური.

ადამიანის ხერხემალს ყოველდღიურად დიდი დატვირთვა ადგება, შესაბამისად,
კორონავირუსის პანდემიამ აქტუალური გახადა ყველგან და ყველაფერში სისუფთავის დაცვის საკითხი.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად