ფიზიკურად ნავარჯიშევი პირები იშვიათად ავადობენ ნაწლავისა და ფილტვის კიბოთი

დიდი ხანია მეცნიერული კვლევებით დადასტურებულია, რომ სპორტით დატვირთვა ამცირებს გულ-სისხლძარღვთა დაავადებებისა და მეტაბოლური დარღვევების განვითარების რისკს.

ჯონ ჰოპკინსის სამედიცინო სკოლის თანამშრომლებმა ივარაუდეს, რომ ფიზიკური აქტივობით გამორჩეული პირები ონკოლოგიური დაავადებების განვითარებისგანაც არიან დაცულნი. თავიანთი ჰიპოთეზის შესამოწმებლად 50 ათას პაციენტთან შეისწავლეს სტრეს-ტესტის შედეგები სარბენ ბილიკზე, შემდეგ კი 8 წლის განმავლობაში აკვირდებოდნენ მათ სხვადასხვა დაავადების გამოვლენისათვის.

აღმოჩნდა, რომ ფიზიკურად ნავარჯიშევ პირებს ფილტვისა და ნაწლავის კიბოს განვითარების ალბათობა 60-77 %-ით შემცირებული ჰქონდათ იმ პირებთან შედარებით, რომლებიც ცუდი ფიზიკური მომზადებით გამოირჩეოდნენ. მეტიც, თუ ფიზიკურად გაწვრთნილი პირები ავადდებოდნენ ონკოლოგიური დაავადებით, ლეტალური შედეგისაგან თავდაღწევის მეტი შანსები ჰქონდათ, საშინელი დიაგნოზის შემდეგ გაცილებით მეტხანს ცოცხლობდნენ, ვიდრე მათი არასპორტული ამხანაგები.

მეცნიერები ახლა იმის გარკვევას გეგმავენ, გააუმჯობესებს თუ არა ფიზიკური აქტივობა ონკოპაციენტების მდგომარეობას, რა გავლენას იქონიებს დაავადების მიმდინარეობასა და პაციენტთა სიცოცხლის ხანგრძლივობაზე.

თინათინ გოცაძე