უკვდავა, ანუ ნეგო - რეცეპტი, რომელიც ჰიპოტონიის სიმპტომებს ამსუბუქებს
დაბალწნევიანი ვარ, მაგრამ ახალგაზრდობაში ამას არ შევუწუხებივარ. ბოლო ხანს კი ჰიპოტონიის გამო უკვე ვგრძნობ დისკომფორტს, რასაც გადაღლასა და გაზაფხულს ვაბრალებ. ალბათ, ბევრია ჩემს დღეში. მინდა, თქვენი ჟურნალის საშუალებით მათაც ვასწავლო მცენარეული წამალი, რომელიც ეფექტურიც არის და იოლი მოსამზადებელიც.
- აიღეთ 1 სუფრის კოვზი დაქუცმაცებული უკვდავა, დაასხით 1 ჩაის ჭიქა მდუღარე, შეფუთეთ თბილად და 30-40 წუთით დადგით. შემდეგ გადაწურეთ. მიიღეთ 1/3-1/2 ჩაის ჭიქა დღეში 2-3-ჯერ, ჭამამდე ნახევარი საათით ადრე.
ნეგოს ყვავილში ნაპოვნია ფლავონები და ფლავონური გლიკოზიდები, სტერინი, ეთერზეთის კვალი, კაროტინი, ვიტამინი.
ნეგოს პრეპარატები გამოიყენება ძირითადად ღვიძლისა და ნაღვლის ბუშტის დაავადების დროს. მათი გავლენით ძლიერდება ნაღვლის გამოყოფა, იცვლება ნაღვლის შემადგენლობა, მცირდება სისხლში ბილირუბინისა და ქოლესტერინის რაოდენობა, ამასთან იზრდება კუჭისა და კუჭქვეშა ჯირკვლის სეკრეცია.
ქოლეცისტიტისა და ჰეპატიტების დროს გამოიყენეთ შემდეგი ნახარში: აიღეთ 10 გრ (3 სუფრის კოვზი) ნეგოს დაქუცმაცებული ყვავილი, დაასხით 200 მლ (1 ჩაის ჭქა) ოთახის ტემპერატურის წყალი, დაახურეთ თავსახური და გააცხელეთ მდუღარე წყლის აბაზანაში 30 წთ-ის განმავლობაში, თან ხშირად ურიეთ. გადმოდგით, გააცივეთ, გაწურეთ.
დაუმატეთ ანადუღარი წყალი საწყისი მოცულობის (200 მლ) მიღებამდე. შეინახეთ გრილ, ბნელ ადგილას არაუმეტეს 2 დღე-ღამისა. მიიღეთ 1 სუფრის კოვზი 3-4-ჯერ დღეში ჭამის წინ 10-15 წთ-ით ადრე.
