ხელოვნური ფრჩხილების საიდუმლო - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

ხელოვნური ფრჩხილების საიდუმლო

ჰოდა, ერთ მშვენიერ დღეს მოთმინება გამოგელევათ და პროტესტის ნიშნად გადაწყვეტთ, ფრჩხილები ხელოვნურად გაიზარდოთ.

  • რით სჯობს ხელოვნური ნამდვილს?

  1. უფრო მტკიცეა;
  2. ლამაზია და მოვლილი;
  3. მათზე ლაქი დიდხანს (სამ კვირამდე) ძლებს;
  4. მოტეხილი ფრჩხილი შეგიძლიათ "შეარემონტოთ".

ამჟამად მეტად პოპულარულია ტიფსები - ერთგვარი შაბლონები, რომლებზეც სინთეზური მასალისგან (აკრილისგან ან ჟელესგან) ხელოვნურ ფრჩხილებს ზრდიან.

  • ჟელეს ფრჩხილები

ღირსებები:

  1. ბზინავს;
  2. ხელს უწყობს ბუნებრივი ფრჩხილების ზრდას;
  3. აძლევს მათ სუნთქვის საშუალებას.

ნაკლოვანებები:

  1. თუ გასკდა, აღარ შეკეთდება, თავიდან უნდა გაიზარდოთ;
  2. ჟელეს ფრჩხილის მოხსნა არ შეიძლება, მხოლოდ უნდა მოიქლიბოთ;
  3. აკრილივით მტკიცე არ არის.

ჟელეს თვითგასწორების ეფექტი ახასიათებს, ამიტომ ვიდრე ფრჩხილებს ულტრაიისფერი ნათურის ქვეშ მოათავსებდეთ, მტევნები დაახლოებით 30 წამის განმავლობაში დაიკავეთ ხელისგულებით ზემოთ.

  • აკრილის ფრჩხილები

უპირატესობანი:

  1. მისი მეშვეობით შესაძლებელია ბუნებრივი ფრჩხილის დეფექტების დამალვა;
  2. სცილდება სპეციალური ხსნარით;
  3. ჟელეს ფრჩხილებზე მტკიცეა.

ნაკლოვანებები:

  1. არ ახასიათებს ნატურალური ბზინვარება;
  2. აქვს უსიამოვნო სუნი, თუმცა ის დროთა განმავლობაში გაივლის;
  3. არ ატარებს ჰაერს, ამიტომ რეკომენდებულია, დროდადრო (თვეში 2-3-ჯერ) მოიხსნათ და ფრჩხილს დასვენების საშუალება მისცეთ.

  • როგორ გამოვზარდოთ ხელოვნური ფრჩხილი

თავდაპირველად ფრჩხილებს სპეციალური ქლიბით ქლიბავენ, რათა ზედა, ცხიმოვანი შრე მოაცილონ - ჟელე ასე უფრო უკეთ მაგრდება. შემდეგ ტიფსს სუპერმდგრადი წებოთი აკრავენ ბუნებრივი ფრჩხილის კიდეზე. ათი წამის შემდეგ მას ვეღარ მოიცილებთ, ამიტომ ყურადღება მიაქციეთ, რომ ყველაფერი ფაქიზად გაკეთდეს და შეწებებულ ზედაპირებს შორის ჰაერი არ მოხვდეს, თორემ ჟელე დასკდება. მცირედი შესწორების შემდეგ შაბლონს სინთეტიკური მასალით (ჟელეთი ან აკრილით) ფარავენ. სიგრძე თქვენს სურვილზეა დამოკიდებული. ნატურალური ფრჩხილისა და ფორმის საზღვართან ნახეთქების თავიდან აცილების მიზნით ჟელეს უფრო სქელი შრე ედება.

  • როგორ მოვუაროთ ხელოვნურ ფრჩხილებს

ჟელესა და აკრილის ფრჩხილებს განსაკუთრებული მოვლა სჭირდება. საბედნიეროდ, ეს რთული არ არის. საჭიროა მხოლოდ სპეციალური, ჩვეულებრივზე უხეში ქლიბი და ლაქის მოსაცილებელი სითხე, რომელიც არ შეიცავს აცეტონს.

  • პრაქტიკული რჩევები

  1. ყინვაში შინ დაბრუნებული ხელებს ცხელი წყლით ნუ დაიბანთ - ფრჩხილები შესაძლოა დასკდეს.
  2. მეტისმეტად გრძელ ფრჩხილებს ნუ გაიზრდით. პირველ დღეებში, შეუჩვეველზე, შესაძლოა ძალიან შეგიშალოთ ხელი - გაგიჭირდეთ წვრილი ღილებისა და ელვის შეკვრა, კომპიუტერის კლავიშებზე კაკუნი, კალმით წერა...
  3. ხელოვნური ფრჩხილებიც იმტვრევა, ამიტომ ყოველგვარი საქმე, რომელსაც ადრე დაუფიქრებლად ასრულებდით, ფრჩხილების გაზრდის შემდეგ ფრთხილად უნდა აკეთოთ.