იტალიელმა ექიმებმა პაციენტს მხრის სახსარი გადაუნერგეს
,
ოპერაციამ გართულებათა გარეშე ჩაიარა. პაციენტს უკვე შეუძლია მარცხენა ხელით მარტივი მოძრაობების შესრულება. ქირურგთა გუნდის ხელმძღვანელის, პროფესორ ჯიამპერო კოჩინის თქმით:
-
ტრანსპლანტანტის სრულ შეხორცებას დაახლოებით ათი დღე დასჭირდება. ექიმები დარწმუნებულნი არიან, რომ ოპერაციის შედეგად პაციენტს მაქსიმალურად აღუდგება მარცხენა ხელის მოძრაობის უნარი.
ამჟამად ორთოპედიაში გამოიყენება როგორც სახსრის პროთეზები, ისე საგანგებოდ დამუშავებული დონორის ძვლოვანი და სახსროვანი ქსოვილის ფრაგმენტები. პროფესორ კოჩინის განმარტებით,
-
ახალი ტექნოლოგიის მთავარი უპირატესობა ის არის, რომ ტრანსპლანტანტად გამოიყენება ცოცხალი ქსოვილი, რომელსაც მთლიანად აქვს შენარჩუნებული ანატომიური და უჯრედული სტრუქტურა, რაც დაზიანებული სახსრის ფუნქციის მაქსიმალურად სრულფასოვნად აღდგენის საშუალებას იძლევა.
ამჟამად რიცოლის ინსტიტუტის კლინიკის თანამშრომლები კიდევ ერთი ასეთი ოპერაციის ჩატარებას აპირებენ.