ყურადღების დაქვეითებისთვის ტვინი წინასწარ ემზადება
მათივე აზრით, ეს აღმოჩენა უშეცდომო მუშაობის საშუალებას მისცემს მძღოლებს, ავიადისპეტჩერებს და ყველა იმ პროფესიის ადამიანს, რომელთა ყურადღების მოდუნება ირგვლივ მყოფთათვის შესაძლოა საბედისწერო აღმოჩნდეს.
ბერგენის უნივერსიტეტის თანამშრომლებმა რამდენიმე მოხალისეს მონიტორზე წარმოქმნილი გამოსახულების `დევნა~ აიძულეს. პრალელურად თითოეულ მათგანს თავის ტვინის სკანირება უტარდებოდა.
ადრე თუ გვიან ყველა ცდისპირი უშვებდა შეცდომას, მაგრამ სკანირებამ აჩვენა, რომ ამას ყოველთვის უძღოდა წინ თავის ტვინის ქერქის პრეფრონტალური ნაწილის აქტიურობის დაქვეითება, რაც მცდარი მოქმედების შესრულებამდე 30 წამით ადრე ფიქსირდებოდა.
მეცნიერთა აზრით-ასეთი გადაწყობა გადაღლილ ტვინს მუშაობის დამზოგველ რეჟიმში გადასვლის საშუალებას აძლევს.
ამასთანავე, კონცენტრაციის უნარის დაქვეითების დაწყებიდან მის დაკარგვამდე არსებული პერიოდი საშუალებას იძლევა, შეიქმნას გამაფრთხილებელი სისტემა, რომელიც ავიადისპეტჩერებისა და მძღოლების საბედისწერო შეცდომების ალბათობას საგრძნობლად შეამცირებს.
აპარატურა, რომელსაც ამჟამად თავის ტვინის სკანირებისთვის იყენებენ, ავიადისპეტჩერის კაბინასა და მძღოლის სალონში ვერაფრით დაეტევა, მაგრამ ტექნიკური პროგრესის სისწრაფე მეცნიერებს იმედს აძლევს, რომ ახლო მომავალში ასპარეზზე ანალოგიური შესაძლებლობების პორტატიული მოწყობილობებიც გამოჩნდება.
