კბილების დაკარგვას კიბოს ზოგიერთ სახეობას უკავშირებენ - მკურნალი.გე

ნინო ჩარგეიშვილი

.

ნაგოიას უნივერსიტეტის თანამშრომლებმა 10840 ჯანმრთელი და 5240 ამა თუ იმ ონკოლოგიური დაავადების მქონე ადამიანი გამოიკვლიეს.

• კვლევამ აჩვენა, რომ კბილების სავალალო მდგომარეობისას საყლაპავის კიბოს განვითარების ალბათობა 136%-ით იმატებდა, თავისა და ყელის კიბოსი - 54%-ით, ფილტვების კიბოსი - 68%-ით.

ეს კანონზომიერება მას შემდეგაც აღინიშნებოდა, რაც ადამიანი ალკოჰოლისა და ნიკოტინის მოხმარებას წყვეტდა. რისკის ხარისხზე გავლენას ახდენდა სქესი და ასაკი: საყლაპავის, თავისა და ყელის კიბოს რისკი უფრო მაღალი ჰქონდათ ქალებსა და 70 წელზე ნაკლები ასაკის პაციენტებს, შედარებით მცირე - მამაკაცებსა და ხანდაზმულებს.

მეცნიერები არ გამორიცხავენ, რომ ავთვისებიანი სიმსივნის განვითარების ერთ-ერთი მთავა-რი მიზეზი კბილების დაკარგვასთან დაკავშირებული ქრონიკული ანთებითი პროცესი იყოს.

არც ის არის გამორიცხული, კბი-ლების დაკარგვა ცხოვრების არაჯანსაღ წესზე მიუთითებდეს. უდავოა ისიც, რომ კბილებისა და ღრძილების დაავადება ადამი-ანის კვებით ჩვევებს ცვლის და კიბოს რისკჯგუფის პაციენტებს ამ დაავადების რისკის ჯანსაღი კვებით კომპენსირების საშუა-ლებას არ აძლევს.