ოპიატები და მარიხუანა სპერმატოზოიდების ქცევაზე მოქმედებს
18.02.2009
ბასკეთში ადამიანის სპერმაში ოპიოიდური და ჰაშიშოიდური რეცეპტორები აღმოაჩინეს და დაადგინეს მათი გავლენა სპერმატოზოიდების მოძრაობაზე.
"ახალშობილ" სპერმატოზოიდებს განაყოფიერების უნარი არ გააჩნიათ. მათ ჯერ მომწიფების პროცესი უნდა გაიარონ, რომელსაც ბიოლოგიურად აქტიური ნივთიერებები არეგულირებს.
უჯრედის მემბრანაზე განლაგებულია რეცეპტორები, რომლებსაც სპეციფიკური მსგავსება აქვთ ამ ნარკოტიკულ ნივთიერებებთან. აქამდე მიაჩნდათ, რომ ოპიოიდური რეცეპტორები მხოლოდ ცენტრალურ ნერვულ სისტემაში მოიპოვებოდა, ხოლო ჰაშიშოიდური - თავის ტვინში, ფილტვებში, ღვიძლში, თირკმელებში, იმუნურ უჯრედებსა და ძვლის ტვინში.
ბასკმა მეცნიერმა მარკოსმა კი აღმოაჩინა, რომ ადამიანის სპერმატოზოიდში არის ოპიოიდური რეცეპტორების სამივე ცნობილი სახეობა - მიუ, დელტა და კაპა - და ჰაშიშოიდური რეცეპტორების ორივე ტიპი: CB1 და CB2.
ოპიოიდურ რეცეპტორებზე, საკუთარ მედიატორულ მოლეკულებთან ერთად, ზემოქმედებას ახდენს ოპიოიდები, კერძოდ, ჰეროინი და მორფინი, ხოლო ჰაშიშოიდურზე- მარიხიუანას აქტიური ნივთიერება ტეტრაჰიდრიკანაბიონოლი.
დადგენილ იქნა ისიც,
სპერმატოზოიდებმა მოძრაობის უნარი რომ შეინარჩუნონ, დელტა-რეცეპტორების მცირე ნაწილი მაინც უნდა იყოს აქტიური;
მიუ-რეცეპტორების აქტივაცია, პირიქით, თრგუნავს მათ მოძრაობას;
კაპა-რეცეპტორები სპერმატოზოიდების მოძრაობაზე გავლენას არ ახდენს.
