News
აღმოჩნდა, რომ მან, ვინც ბროწეულის წვენს იღებდა, დიალიზი უკეთესად გადაიტანა, რაც მეცნიერებმა ბროწეულის წვენში შემავალი ანტიოქსიდანტების მიერ დაავადებულის ორგანიზმში არსებული მავნე ნივთიერებების ნეიტრალიზებას დაუკავშირეს. დოქტორმა კრისტალმა მეცნიერებს მოუწოდა, უახლოეს მომავალში ჩაატარონ საფუძვლიანი გამოკვლევა ბროწეულის წვენის საკვირველი თვისებების შესასწავლად. აღსანიშნავია, რომ რამდენიმე ხნის წინ მეცნიერებმა შეამჩნიეს ბროწეულის წვენის დადებითი ეფექტი სისხლში ქოლესტერინის მაღალი დონისა და არტერიული ჰიპერტენზიის დროს. ასევე დადგენილია, რომ ბროწეულის წვენი ხელს უწყობს ფერტილობას და იცავს კანს მზის სხივების მავნე გავლენისგან.
ჰიპერტენზიის მკურნალობა აბების გარეშე
თირკმელებისკენ მიმართული ელექტრომაგნიტური გამოსხივების მოკლე იმპულსებმა შესაძლოა დახმარება გაუწიონ ჰიპერტენზიით დაავადებულ იმ ადამიანებს, რომელთა ორგანიზმიც მედიკამენტურ მკურნალობაზე არ რეაგირებს. მედიცინის ამ საკმაოდ ეგზოტიკურ სფეროში ჩატარებული გამოკვლევის შედეგები, რომლებიც გამოქვეყნებულ იქნა ჟურნალ Lანცეტ-ში, მეტყველებს იმაზე, რომ მიზანმიმართული ელექტრული იმპულსი სიგნალის გადაცემას არჩევითად არღვევს თირკმელებისკენ მიმავალ ნერვებში, რომელთაც სისხლის წნევის რეგულაციის პროცესში წამყვანი როლი აკისრიათ. მიუხედავად იმისა, რომ ჰიპერტენზიის მკურნალობის ეს ახალი მეთოდი კლინიკური კვლევის სტადიაშია, მედიკოსებს სჯერათ, რომ იგი მომავალში ათასობით დაავადებულს დაეხმარება. სადღეისოდ ჰიპერტენზიით დაავადებულთა ნახევარი მედიკამენტურ მკურნალობაზე არ რეაგირებს, რის მიზეზიც ნაწილობრივ პაციენტების დაუდევრობაც არის, კერძოდ, ის, რომ მათ ხშირად ავიწყდებათ მედიკამენტის მიღება, თუმცა პაციენტთა დაახლოებით მეხუთედს წნევის დამწევი პრეპარატებისადმი მგრძნობელობა დაქვეითებული აქვს. ჰიპერტენზია მთელ მსოფლიოში ფართოდ გავრცელებული დაავადებაა. მაგალითად, ინგლისში ის ყოველ მესამე ზრდასრულ ადამიანს აღენიშნება. მედიკოსებს მიაჩნიათ, რომ მკურნალობის ახალი მეთოდი ასეთ პაციენტებს თავიანთი მდგომარეობის უკეთესი კონტროლის და, შესაბამისად, ინსულტისა და ინფარქტის განვითარების რისკის შემცირების საშუალებას მისცემს. გულისა და დიაბეტის ინსტიტუტის (ავსტრალია, მელბურნი) მედიკოსთა ჯგუფი პროფესორ მიურეი ესლერის ხელმძღვანელობით უკვე რამდენიმე წელია ცდის ამ მეთოდს. თირკმელებთან მისასვლელად ექიმები იყენებენ კათეტერს - გრძელ წვრილ მილს, რომელიც საზარდულის მიდამოდან არტერიაში შეჰყავთ და თირკმლისკენ გადააადგილებენ. ამის შემდეგ კათეტერს უერთებენ რადიოდიაპაზონის მქონე გამოსხივების გენერატორს. ასეთი გამოსხივების მოკლე იმპულსი თირკმლის არტერიების კედლებში გამავალი ზოგიერთი ნერვის მუშაობას არღვევს. შედეგად იბლოკება ამ ნერვების დაბოლოებებით გადასაცემი სიგნალები, რაც სისხლის წნევის დაქვეითებას იწვევს. ავსტრალიელმა მკვლევრებმა მეთოდი გამოსცადეს 100 პაციენტზე, რომლებიც სხვადასხვა ქვეყნის 24 სამედიცინო ცენტრში მკურნალობდნენ და აღმოაჩინეს, რომ ახალი მეთოდი წნევას დაახლოებით 10 მმ ვწყ. სვ-ით აქვეითებს. რასაკვირველია, ეს წნევის ნორმალიზებისთვის საკმარისი არ არის, მაგრამ საგრძნობლად ამცირებს მეტისმეტად მაღალი წნევის განვითარების რისკფაქტორებს, ანუ ხელს უშლის წნევის მეტისმეტად მაღლა აწევას. გარდა ამისა, ამ მეთოდის უკუჩვენება პრაქტიკულად არ გამოვლენილა. ახალი მეთოდით მკურნალობის დაწყებიდან ნახევარი წლის შემდეგ 49-იდან 41 პაციენტს (84%) არტერიული წნევის 10 მმ ვწყ. სვ-ით დაქვეითება კვლავ შეენიშნებოდა, საკონტროლო ჯგუფში ასეთი შედეგი 51-დან მხოლოდ 18 პაციენტის შემთხვევაში (35%) იქნა მიღწეული. ნოვატორული თერაპია პირველმა პაციენტებმა ერთი წლის წინ ლონდონში, ბარტსის საავადმყოფოში ჩაიტარეს.
სტატინები იმუნიტეტის მუშაობას ააქტიურებენ
მეცნიერებმა აღმოაჩინეს სტატინების აქამდე უცნობი სასარგებლო გვერდითი ეფექტები. აღმოჩნდა, რომ ამ პრეპარატებს, რომელთაც ქოლესტერინის დონის დასაქვეითებლად იყენებენ, ადამიანის სერიოზული ინფექციებისგან (პნევმონიისგან) დაცვა შესძლებიათ. აშშ-ში ჩატარებულმა გამოკვლევამ აჩვენა, რომ სტატინები ააქტიურებენ სისხლის თეთრი ბურთულების ბაქტერიების გამანადგურებელ უნარს. ლაბორატორიული ექსპერიმენტის დროს იმუნური სისტემის უჯრედებმა (ფაგოციტები) სტატინების შეყვანის შემდეგ ბაქტერიების წინააღმდეგ უფრო ეფექტური ბრძოლა დაიწყეს.
ახალი ტექნოლოგიები არითმიების მკურნალობაში
ნოემბრის მიწურულს სასტუმრო "შერატონ მეტეხი პალასში" საქართველოში "ჯონსონ და ჯონსონ მედიკალის" ოფიციალური წარმომადგენლობისა და "ჯი-ემ-ესის" - "ჯონსონ და ჯონსონ მედიკალის" ოფიციალური დისტრიბუტორის - ორგანიზებით გაიმართა არითმოლოგებისა და კარდიოლოგების კონფერენცია, რომლის მიზანიც გახლდათ არითმიის მკურნალობის უნიკალური აპარატის ცარტო ხპ-ის სამგანზომილებიანი სანავიგაციო სისტემის წარდგენა და დანერგვა. არითმია კარდიოლოგიის ერთ-ერთი უდიდესი პრობლემაა. დღემდე ის საქართველოში ქრონიკულ უკურნებელ დაავადებად ითვლებოდა, რადგან გულ-სისხლძარღვთა სისტემაში ორგანული დარღვევის მედიკამენტური მკურნალობა ან მედიკამენტური კორექციის გზით მისი განკურნება შეუძლებელია. აღსანიშნავია ის ფაქტი, რომ საქართველოში 2010 წელს დაინსტალირდა 2 სანავიგაციო სისტემა ცარტო ხპ. პირველი სისტემა ამა წლის მარტში დაინსტალირდა ქუთაისის აკადემიკოს ზ. ცხაკაიას სახელობის დასავლეთ საქართველოს ინტერვენციული მედიცინის ეროვნულ ცენტრში. გაკეთდა რამდენიმე ოპერაცია, რის შედეგადაც პაციენტები სავსებით განიკურნენ. სულ ცოტა ხნის წინ ცარტო ხპ-ის მეორე სისტემა თბილისში, ჯო ენის სახელობის სამედიცინო ცენტრშიც დაინსტალირდა, რის შემდეგაც დიდი წარმატებით ჩატარდა ოპერაციები. მსოფლიოს წამყვანი ელექტროფიზიოლოგების აზრით, ეს გახლავთ საუკეთესო სისტემა, რაც კი დღეს მსოფლიო მოწინავე ტექნოლოგიებში არსებობს. ის გულის სამგანზომილებიანი მოდელის აგების საშუალებას იძლევა და გულის ანატომიასთან ერთად ელექტრული იმპულსების გავრცელების სურათს აჩვენებს. ამ ტექნოლოგიის მეშვეობით შესაძლებელია არითმიის კერის 1 მილიმეტრის სიზუსტით აღმოჩენა და ელექტროსიხშირული დენის ზემოქმედებით მისი განადგურება. არითმიით დაავადებული ადამიანები II ჯგუფის ინვალიდებად ითვლებიან, ოპერაციის შემდეგ კი ისინი აბსოლუტურად ჯანმრთელები ხდებიან. ზემოთ აღნიშნულიდან გამომდინარე, შეიძლება ითქვას, რომ საქართველოს არითმოლოგიაში, რომელსაც დაახლოებით ორმოცწლიანი ისტორია აქვს, ახალი ეპოქა დაიწყო, რაც ათასობით პაციენტს ერთხელ და სამუდამოდ განკურნების საშუალებას მისცემს.
თავის ტვინის "ცივი თერაპია"
ავსტრიელმა მედიკოსებმა თავის ტვინის ტრავმის გაცივებით მკურნალობის ექსპერიმენტული მეთოდის გამოცდა გადაწყვიტეს. ამჟამად დიდი ბრიტანეთის საავადმყოფოში მიმდინარეობს ყინულიანი მარილხსნარის ინექციების გამოცდა, რომლის მიზანია გაირკვეს, შესაძლებელია თუ არა თავის ტვინის მძიმე ტრავმის ხარისხის დაქვეითება სხეულის ტემპერატურის დაქვეითების ხარჯზე. ექსპერტთა აზრით, წარმატების შემთხვევაში ეს მეთოდი მედიცინაში ფურორს მოახდენს და ათასობით ადამიანს სიკვდილისგან იხსნის. მარტო ავსტრალიაში თავის ტვინის ტრავმის გამო უძლურებაშია ჩავარდნილი 400 000-ამდე ადამიანი. გაცივების მეთოდიკამ შესაძლოა სტატისტიკა შეცვალოს. თუ ორგანიზმში ტრავმიდან 15-30 წუთის შემდეგ ცივ ხსნარს შევიყვანთ, სხეულის ტემპერატურა 33 გრადუსამდე დაეცემა, რაც მდგომარეობის ერთგვარ დაკონსერვებას გამოიწვევს. სულ საჭიროა ნახევარი ლიტრი ცივი ხსნარის შეყვანა. ეს ხსნარი აცივებს მთელ ორგანიზმს, მათ შორის - თავის ტვინს. მეთოდს რისკიც ახლავს: როცა სხეული ცივდება, სისხლის შედედების უნარი ოდნავ მცირდება ეს საქმეს გაართულებს, თუ თავის ტვინის ტრავმამ სისხლდენა გამოიწვია, მაგრამ, ექიმების თქმით, ეს საკითხი ადვილად შეიძლება გადაწყდეს სხეულის ტემპერატურის მომატების ხარჯზე. კონკრეტული დასკვნების გამოსატანად ექიმებმა მეთოდი 500-ზე მეტ პაციენტზე უნდა გამოსცადონ. წინასწარი გამოთვლებით, ამგვარ ექსპერიმენტს 3 წელი დასჭირდება.
აერობიკა ნარკომანებს ნარკოდამოკიდებულებისგან იხსნის
ექსპერტები აცხადებენ, რომ აერობიკას უნარი შესწევს, კოკაინის მოხმარების ნეგატიური ასპექტები ნულამდე დაიყვანოს. გამოკვლევამ აჩვენა, რომ ვირთხები, რომლებსაც სპეციალურ ბორბალში სირბილის უფლებას აძლევდნენ, ფიზიკურად უფრო პასიურ ვირთხებზე იშვიათად ეტანებოდნენ კოკაინს. ერთ-ერთი ავტორის თქმით, გამოკვლევამ კიდევ ერთხელ დაადასტურა, რომ ნარკომანებისთვის წამალზე დამოკიდებულების მოსახსნელად ფიზიკური აქტიურობა აუცილებელია.