მეცნიერები გულით დაავადებულ პაციენტებს ურჩევენ, რომ ვახშმად ხორცი და კვერცხი არ მიირთვან
საუბარია განშტოების ჯაჭვის მქონე ამინომჟავების (BCAA) შემცველ პროდუქტებზე. ეს ამინომჟავები, რომლებიც ძალიან მნიშვნელოვანია ნორმალური ცხოვრებისთვის, შეუცვლელია, ანუ ისინი არ წარმოიქმნება თავად ორგანიზმის მიერ და მიეწოდება მას ცილებით მდიდარი საკვებით, პირველ რიგში ხორცით, თევზით, კვერცხით და თხილით. BCAA ასევე შედის პოპულარულ სპორტულ დანამატებში.
მოგეხსენებათ, ორგანიზმში ყველა ბიოლოგიური პროცესი ექვემდებარება ყოველდღიურ რიტმს. მაგალითად, დადასტურებულია, რომ მაღალკალორიული ვახშამი, განსხვავებით მაღალკალორიული საუზმისგან, ძალიან უარყოფითად მოქმედებს ნივთიერებათა ცვლასა და გულ-სისხლძარღვთა სისტემაზე. ახალი კვლევის ავტორებმა გადაწყვიტეს შეემოწმებინათ, ხდება თუ არა იგივე BCAA-ებთან მიმართებაში.
თაგვებზე ჩატარებულმა ექსპერიმენტებმა აჩვენა, რომ ცილებით მდიდარი საკვების მაღალი დონე დღის ბოლოს, ანუ ვახშმის დროს, იწვევს გულის მოცულობის მკვეთრ ზრდას.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მომდევნო ოთხი საათის განმავლობაში კარდიომიოციტების (გულის კუნთის უჯრედები) ზომა იზრდება 75%-ით, რის შემდეგაც, დანარჩენი დღის განმავლობაში, უჯრედები ნორმალურ ზომას უბრუნდებიან. უფრო მეტიც, თუ საკვები BCAA-ს მაღალი შემცველობით ხვდება ორგანიზმში დილას, ანუ საუზმის დროს, ასეთი ეფექტი არ შეინიშნება.
თუ ჯანმრთელი ადამიანებისთვის ახლად აღმოჩენილი ფენომენი არ არის საშიში, მათთვის, ვისაც გულ-სისხლძარღვთა დაავადებები აწუხებს, ის შეიძლება მძიმე შედეგების გამომწვევი აღმოჩნდეს.
ვინაიდან ეს იწვევს გულის სტრუქტურისა და ფუნქციის არსებული დარღვევების ზრდას, მისი კონტრაქტურობის რადიკალურ შემცირებას და, საბოლოო ჯამში, გულის უკმარისობას, აფრთხილებენ მკვლევარები.
„მოსახლეობის კვლევებმა აჩვენა, რომ საუზმეზე მეტი ცილა უნდა ვჭამოთ და ვახშამზე ნაკლები, ახლა კი ჩვენი სამეცნიერო კვლევა ადასტურებს ამ კონცეფციას“, - თქვა წამყვანმა ავტორმა, პროფესორმა მარტინ იანგმა. „ჩვენი დასკვნებიდან გამომდინარე, კატეგორიულად ვურჩევთ გულის დაავადების მქონე პაციენტებს, შეზღუდონ ვახშმის დროს მიღებული ცილის რაოდენობა.
