რა უნდა გავაკეთოთ გარკვეული სახის კიბოსგან თავის დასაცავად
ფიზიკური დატვირთვის შემდეგ უმჯობესდება ორგანოების კვება სისხლის აქტიური მიმოქცევის გამო. ადამიანები ვითარდებიან ისე, რომ ფიზიკურად აქტიურები დარჩნენ მთელი ცხოვრების განმავლობაში.
ამიტომ, მოძრაობით, ზომიერად ვარჯიშით შეგიძლიათ ფაქტიურად შემოაბრუნოთ დრო. მრავალი კვლევა აჩვენებს, რომ აქტივობა ანელებს ჯანმრთელობის თანდათანობით გაუარესებას და იცავს გულ-სისხლძარღვთა დაავადებების, ტიპი 2 დიაბეტისა და კიბოს ზოგიერთი სახეობისგან.
გარდა ამისა, ფიზიკური დატვირთვის პერიოდში ადამიანის ორგანიზმში ამოქმედდება აღდგენის მექანიზმები: ხრტილოვანი ქსოვილების რეგენერაცია, მიკროტრავმების შეხორცება, ანტიოქსიდანტების და ანთების საწინააღმდეგო მოლეკულების გამოყოფა.
უჯრედებსა და დნმ-ში მომხდარი ასეთი პროცესები ამცირებს დიაბეტის, სიმსუქნის, კიბოს, ოსტეოპოროზის, ალცჰაიმერის დაავადების, დეპრესიისა და ზოგადად, ნაადრევი სიკვდილის რისკს. გასაგებია, რომ სახსრების გადატვირთვა განსაკუთრებით ხანდაზმულებში არასასურველია. სიფრთხილე და ზომიერება ყოველთვის საჭიროა, მაგრამ ასევე უნდა განაგრძოთ მოძრაობა.