წელის ტკივილის მკურნალობის მიდგომები შეიძლება შეიცვალოს
თუმცა, კანადელმა მეცნიერებმა დაადგინეს, რომ ტკივილის სინდრომის თანმხლები ანთება ეხმარება ორგანიოზმს თანდათანობით მის დაძლევაში.
წამლების საშუალებით ანთების ხელოვნურად დაქვეითება ზრდის ტკივილის გაქრონიკულების შანსს. სტატია გამოქვეყნებულია ჟურნალში Science Translational Medicine.
მკვლევარები სამი თვის განმავლობაში აკვირდებოდნენ წელის მწავავე ტკივილის მქონე 98 პაციენტის ნეიტროფილებს (სისხლის იმუნური უჯრედები, რომლებიც ებრძვის ინფექციის გავრცელებას და განსაკუთრებით აქტიურია მწვავე ანთებისას).
აღმოჩნდა, რომ იმ პაციენტებში, რომლებიც ამ სამი თვის განმავლობაში ტკივილისგან განთავისუფლდნენ, ნეიტროფილების გენებში მოხდა მძლავრი ცვლილებები.
აღნიშნული ცვლილებები არ იყო იმ პაციენტებში, რომლებსაც ისევ აწუხებდათ ტკივილი.
თაგვებზე ჩატარებულმა ექსპერიმენტებმა ასევე აჩვენა, რომ ნეიტროფილების აქტივობის ბლოკირება ხელს უწყობს ტკივილის ათჯერ გახანგრძლივებას ნორმასთან შედარებით. ამან მეცნიერებს იმ დასკვნის გაკეთების საშუალება მისცა, რომ ნეიტროფილები მნიშვნელოვან როლს ასრულებენ ტკივილის შეგრძნების დაქვეითებაში. ამიტომ სტეროიდული და არასტეროიდული ანთების საწინააღმდეგო პრეპარატები, რომლებიც ამსუბუქებენ ადამიანის მდგომარეობას ადრეულ სტადიაზე, ზოგადად საწინააღმდეგო ეფექტს ახდენს, კერძოდ პროვოცირებს მწვავე ტკივილის გაქრონიკულებას.
ეს დასკვნა გაამყარა დიდი ბრიტანეთის ნახევარი მილიონი მცხოვრების (აღენიშნებოდათ წელის ტკივილი) მონაცემების ანალიზმა. მათთან, ვინც იღებდნენ ანთების საწინააღმდეგო საშუალებებს, წლების შემდეგ ტკივილის გახანგრძლივების შანსი გაცილებით მაღალი იყო, ვიდრე მათთან, ვინც მდგომარეობის შესამსუბუქებლად იყენებდა სხვა სახის ანალგეტიკებს.