თენგიზ ცერცვაძე - კოვიდის თანხვედრას აივ ინფექციასთან სერიოზული პრობლემა არ მოჰყოლია
ბოლო პერიოდში საქართველოში აივ/შიდსის შემთხვევების რაოდენობა არ გაზრდილა. როგორც მან შიდსის მსოფლიო დღესთან დაკავშირებით ჟურნალისტებს განუცხადა, კოვიდის თანხვედრას აივ ინფექციასთან სერიოზული პრობლემა არ მოჰყოლია.
„შიდსის შემთხვევების რაოდენობა არ გაზრდილა. გამოვლენილი შემთხვევების რაოდენობა ცოტათი შემცირდა. ეს იმით არის გამოწვეული, რომ პანდემიის გამო, ადამიანები ერიდებიან გარეთ გამოსვლას და ტესტირების ჩატარებას. საქართველოში კოვიდის თანხვედრას აივ ინფექციის პანდემიასთან არავითარი სერიოზული პრობლემა არ მოჰყოლია. იმდენად კარგად იმართება აივ ინფექცია, რომ არავითარი პრობლემა არ ყოფილა. პრობლემა იყო „ლოქდაუნების“ დროს, რომ კლინიკაში მედიკამენტების წასაღებად მოდიოდნენ. ეს საკითხი ჩვენმა და სხვა სამსახურებმა გადაჭრეს. სპეციალური ავტომობილით მიდიოდა სამედიცინო პერსონალი და სახლში მიჰქონდათ მედიკამენტი. აივ ინფიცირებულებს არავითარი პრობლემა არ შექმნიათ“, - განაცხადა ცერცვაძემ.
ინფექციური პათოლოგიის, შიდსის და კლინიკური იმუნოლოგიის ცენტრის მონაცემებით, დღევანდელი მონაცემებით, რეგისტრირებულია 9124 აივ ინფიცირებული პირი, რომელთაგან 6820 კაცია, ხოლო 234 ქალი. მათივე ცნობით, პაციენტთა უმრავლესობა 29-დან 39 წლამდეა. შიდსი 4441 პაციენტს განუვითარდა და გარდაიცვალა 189 ადამიანი.