ჰიპერტენზიის მქონე პაციენტებს ეპილეფსიის განვითარების 2-ჯერ მეტი რისკი აქვთ
ის ხშირად ხანდაზმულ პაციენტებს უვითარდებათ. მათ, ვისაც დემენცია აწუხებთ, ან ინსულტი გადაიტანეს. კვლევები აჩვენებს, რომ ბოლო 2 ათწლეულის განმავლობაში გვიანი ეპილეფსიის დიაგნოზი გახშირდა.
აღსანიშნავია, რომ ეპილეფსიის გამომწვევი მიზეზების 32-48% გაურკვეველი რჩება. ზოგიერთი კვლევის თანახმად კი, სისხლძარღვთა პრობლემები გვიანი ეპილეფსიის რისკ-ფაქტორს წარმოადგენს. ვასკულარული პრობლემები 30 წლის ასაკიდან ეპილეფსიის განვითარების რისკ-ფაქტორია.
ახლახანს, აშშ-ს ბოსტონის უნივერსიტეტის მედიცინის სკოლის ხელმძღვანელობით ჩატარდა კვლევა, რომელიც ვასკულარულ დაავადებებსა და ეპილეფსიას შორის კავშირს იკვლევდა.
კვლევის შედეგები აჩვენებს, რომ გვიანი ეპილეფსიის განვითარების რისკი 2-ჯერ მატულობს იმ პაციენტებში, რომლებსაც არტერიული ჰიპერტენზია აწუხებთ. რისკი კიდევ უფრო მატულობს იმ შემთხვევაში, თუ პაციენტი სამკურნალო მედიკამენტებს არ ღებულობს.
რამდენიმე თეორიამ შესაძლოა, ახსნას კავშირი ეპილეფსიასა და ჰიპერტენზიას შორის. მაშ შორის არის რენინ-ანგიოტენზინ სისტემა(RAS), რომელიც არტერიულ წნევას არეგულირებს. თაგვებზე ჩატარებული კვლევა აჩვენებს, რომ კრუნჩხვების შემდეგ RAS კომპონენტები 2.6-8.2-ჯერ მეტი აქვთ ეპილეფსიის მქონე თაგვებს, ვიდრე მათ, ვისაც კრუნჩხვები არ ჰქონიათ. ჰიპერტენზიის მქონე წამლები, რომლებიც RAS კომპონენტების დონეს ამცირებენ, კრუნჩხების სიხშირესაც ამცირებენ.
თუმცა, დამატებითი კვლევა არის საჭირო იმის გასარკვევად, თუ რამდენად არის აღნიშნულ სისტემაზე დამოკიდებული,მაღალ არტერიულ წნევასა და ეპილეფსიურ კრუნჩხვებს შორის კავშირი.
მკვლევარების აზრით, მექანიზმი, რომელიც ჯანმრთელობის ამ ორ მდგომარეობას შორის კავშირზე არის პასუხისმგებელი, შეიძლება იყოს მცირე ზომის სისხლძარღვთა დაავადება ( SVD).
SVD-ის დროს მცირე არტერიები და კაპილარები დაზიანებულია და ამიტომ საკმარისი რაოდენობის ჟანგბადით მდიდარი სისხლი არ მიეწოდება ორგანოებს. ბოლო კვლევებმა აჩვენა, რომ მაღალი არტერიული წნევა მომავალში SVD-ს განვითარების მნიშვნელოვანი რისკ-ფაქტორია. მკვლევარების თქმით, SVD დაკავშირებულია ტემპორალური წილის ეპილეფსიასთან.
ასე რომ, აღნიშნული კვლევის მიხედვით, არტერიული ჰიპერტენზია 45 წლის შემდეგ ეპილეფსიური კრუნჩხვების 2-ჯერ მეტ რისკთან ასოცირდება.
