ოქტენიდოლი - ყოველთვის სწორი გადაწყვეტილება, ხარისხი და საიმედოობა!
თანკბილვის დარღვევამ და ყბა-სახის სხვადასხვა ანომალიამ გარდა ესთეტიკური მხარისა, შეიძლება გამოიწვიოს სხვადასხვა პრობლემა. ყველაზე გავრცელებულია: კბილების არასწორი დგომის გამო მრავლობითი კარიესი, ღრძილების დაავადებები, საფეთქელ-ქვედა ყბის სახსრის პათოლოგიები და ა.შ.
ქალბატონო ნინო, როდის დგება ორთოდონტის კონსულტაციის აუცილებლობა?
პროფილქტიკისთვის, ორთოდონტთან ბავშვის პირველი ვიზიტი უნდა განხორციელდეს 6-7 წლის ასაკში, მიუხედავად იმისა ამჩნევს თუ არა მშობელი პრობლემას. ამ ასაკში იწყება მუდმივი კბილების ამოჭრის სერიოზული ეტაპი. მუდმივ კბილებს კი სჭირდება სათანადო ადგილი. ამიტომ ორთოდონტმა უნდა შეაფასოს, თუ როგორ ვითარდება ბავშვის ზედა და ქვედა ყბა, არის თუ არა ადგილი მუდმივი კბილებისათვის. პრობლემების არსებობისას კი უკვე ამ ასაკიდან ვიწყებთ ჩარევას.
ხანგრძლივი ორთოდონტიული მკურნალობისას, სპეციალური ორთოდონტიული კონსტრუქციების ტარების პირობებში, შეიძლება გართულდეს პირის ღრუს ჰიგიენის დაცვა. რას გვირჩევდით ამ თვალსაზრისით?
ორთოდონტიული მკურნალობა, განსაკუთრებით 11 წლის ასაკიდან, ძირითადად წარიმართება ბრეკეტ-სისტემებით, რომლის ერთერთი ყველაზე ხშირი გართულება მრავლობითი კარიესია არასწორი და არასათანადო ჰიგიენის გამო. შესაძლებელია განვითარდეს გინგივიტი, არსებული მაგარი და რბილი ნადების გამო.
მნიშვნელოვანია კბილების გასწორება და არასწორი თანკბილვის მკურნალობა, მაგრამ სათანადო ჰიგიენის დაცვის გარეშე, გაცილებით მეტ პრობლემას მივიღებს. ამიტომ, პაციენტმა ჰიგიენის პროტოკოლი ზედმიწევნით უნდა შეასრულოს, რასაც ვუხსნით ორთოდონტიული მკურნალობის დაწყებისას.
გარდა ჯაგრისების არსენალისა (კბილების გახეხვა უნდა მოხდეს ყოველი კვების შემდეგ, როგორც ჩვეულებრივი, ისე ინტერდენტალური ჯაგრისით), რეკომენდებულია ასევე ირიგატორის და სავლების გამოყენება, რომელიც დაიცავს კბილის მინანქარს და ღრძილებს სხვადასხვა ანთებითი პროცესისაგან.
თანამედროვე ფარმაცევტულ ბაზარზე უხვადაა წარმოდგენილი პირის ღრუს სავლები ეფექტური საშუალებები. თუმცა, ფარმაცევტულმა კომპანიამ „ჯიპისიმ“ და „ფარმადეპომ“ ქართველ მომხმარებლებს გერმანული კომპანიის Schülke & Mayr GmbH მიერ წარმოებული ოქტენიდოლის სახით შესთავაზა პირის ღრუს პირველი ანტიბაქტერიული სავლები ინოვაციური მოქმედი ნივთიერებით - ოქტენიდინით.
როგორ მოქმედებს ოქტენიდოლი?
ოქტენიდოლი ხელს უწყობს ღრძილების სიჯანსაღეს და ამცირებს პირის ღრუში ინფექციების განვითარების შესაძლებლობას. როგორც ცნობილია, კარიესის განვითარების ძირითად კომპონენტს წარმოადგენს კბილის მინანქარზე გამრავლებული ბაქტერიული ფლორა. ოქტენიდოლი, ოქტენიდინის შემცველობის ხარჯზე, სწრაფად და ხანგრძლივად აფერხებს ბაქტერიების, ვირუსებისა და სოკოების (Candida albicans) გამრავლებას როგორც მინანქარზე, ასევე კბილებს შორის არსებულ სივრცეში, ამცირებს მათი კვლავ წარმოქმნის ალბათობას და ზრუნავს პირის ღრუს ლორწოვანი გარსის ჯანსაღ მიკროფლორაზე. ოქტენიდოლი ხანგრძლივად აქრობს უსიამოვნო სუნს პირის ღრუდან. იგი გამოიყენება პირის ღრუს ლორწოვანი გარსისა და ხახის ინფექციების სამკურნალოდ. ოქტენიდოლი ეფექტურია ლორწოვანი გარსის დაზიანების, ღრძილების ანთებისა და სისხლდენის დროს. ოქტენიდოლი უზრუნველყოფს ოპტიმალურ დაცვას და ამასთან პირის ღრუში ქმნის სისუფთავისა და სიჯანსაღის სასიამოვნო შეგრძნებას.
რა ჩვენებებით უნდა გამოვიყენოთ ოქტენიდოლი?
- პაროდონტიტის, გინგივიტის, სტომატიტის სამკურნალოდ;
- პირის ღრუში, პაროდონტალურ და ქირურგიულ ჩარევამდე და მის შემდეგ, ინფექციის თავიდან ასაცილებლად;
- პირის ღრუს ანთებითი დაავადებების პროფილაქტიკისა და მკურნალობისათვის;
- კბილების წმენდისა და გათეთრების პროცედურის შემდეგ;
- პირის ღრუს ჰიგიენის დაცვის შეზღუდვის პირობებში;
- დაქვეითებული იმუნიტეტის მქონე პაციენტებში პირის ღრუს სოკოვანი დაავადებების პროფილაქტიკისა და მკურნალობისათვის;
- პირის ღრუს ჰიგიენისათვის, ხელოვნურ სუნთქვაზე მყოფ პაციენტებში;
- მოსახსნელი პროთეზების დამუშავებისათვის.
როგორ გამოვიყენოთ პირის ღრუს სავლები ოქტენიდოლი?
ოქტენიდოლი გამოიყენება 15 მლ დოზით, განზავების გარეშე, 2-3ჯერ დღეში, პირის ღრუში გამოსავლებად, 30 წამის განმავლობაში. (MRSA -ის დროს 15 წმ, Candida Albicans -ის საწინააღმდეგოდ 1 წთ).
გამოვლების შემდეგ შეიძლება საკვებისა და სასმელის მიღება.
ქალბატონო ნინო, თქვენ ბრძანეთ, რომ ფარმაცევტულ ბაზარი გაჯერებულია პირის ღრუს სხვადასხვა სავლები საშუალებებით. რა არის ოქტენიდოლის უპირატესობები?
- ფართო სპექტრის ანტისეპტიკური მოქმედება;
- არ ცვლის კბილის ფერს;
- არ შეიცავს ქლორჰექსიდინსა და სპირტს;
- დასაშვებია ორსულობის დროს, ლაქტაციის პერიოდში და ბავშვებში 3 წლის ასაკიდან;
- არ იწვევს გვერდით ეფექტებს;
- ბაქტერიები არ გამოიმუშავებენ რეზისტენტობას მოქმედი ნივთიერების - ოქტენიდინის მიმართ;
- სწრაფი, პროლონგირებული მოქმედება;
- ხელს უწყობს შეხორცებას;
- აქვს პიტნის სასიამოვნო არომატი და გემო.
ოქტენიდოლი ოქროს სტანდარტია პირის ღრუს ანტისეპტიკურ თერაპიაში!
R